KA BUKE ʻAKOLU A MOSE, I KAPA ʻIA ʻOIHANA KAHUNA 26:26 - Ka Baibala Hemolele

²⁶ ‘Aia haki iaʻu ke koʻokoʻo o kā ʻoukou berena, a laila e kahūmu nā wāhine he ʻumi i kā ʻoukou berena ma ka umu hoʻokahi, a e hāʻawi hou lākou i kā ʻoukou berena iā ʻoukou, ma ke kaupaona; a e ʻai hoʻi ʻoukou, ʻaʻole hoʻi e māʻona.

KA BUKE ʻAKOLU A MOSE, I KAPA ʻIA ʻOIHANA KAHUNA 26:26 Iomraidhean Croise

KA BUKE ʻALUA NO NĀ ALIʻI 6:25

A ua wī nui i loko o Samaria; aia hoʻi hoʻopilikia lākou ia, a kūʻai ʻia ke poʻo o ka hoki i kanawalu sekela kālā, a hoʻokahi hapahā o ke kaba lepo manu nūnū i nā sekela kālā ʻelima.

KA BUKE O NĀ HALELŪ 105:16

¶ Kāhea aʻe nō hoʻi ia, i wī ma ia ʻāina, Uhaʻi nō hoʻi ʻo ia i ke koʻokoʻo berena a pau.

KA WĀNANA A ʻISAIA 3:1

¶ Aia hoʻi, ʻo Iēhova, ka Haku o nā kaua, E lawe ana ia i nā koʻokoʻo a pau, Mai ko Ierusalema, a mai kā Iuda aku, I ke koʻokoʻo a pau ma ka ʻai, i ke koʻokoʻo a pau ma ka wai,

KA WĀNANA A ʻISAIA 5:10

“E hua mai ana nā ʻeka pā waina he ʻumi, i hoʻokahi bato; A ʻo ka ʻomera hua e hua mai ia i hoʻokahi ʻepa.”

KA WĀNANA A ʻISAIA 9:19

Ua hoʻā ʻia ka ʻāina, no ka ukiuki o Iēhova o nā kaua, A ua lilo hoʻi nā kānaka i wahie no ke ahi; ʻAʻohe kanaka i aloha i kona hoa.

KA WĀNANA A ʻISAIA 9:20

E ʻai nō ia ma ka lima ʻākau, a e pōloli naʻe, E ʻai nō hoʻi ia ma ka lima hema, ʻaʻole naʻe e māʻona; E ʻai nō ke kanaka i ka ʻiʻo o kona lima iho.

KA WĀNANA A IEREMIA 14:12

“Iā lākou e hoʻokē ʻai ai, ʻaʻole au e hoʻolohe i ko lākou kāhea ʻana; a iā lākou e kaumaha ai i ka mōhai kuni, a me ka mōhai makana, ʻaʻole au e ʻae aku iā lākou; akā, e hoʻopau nō wau iā lākou i ka pahi kaua, a i ka wī, a i ka maʻi ahulau.”

KA WĀNANA A ʻEZEKIʻELA 14:13

“E ke keiki a ke kanaka, i ka wā e hana hewa loa mai ai ka ʻāina iaʻu, e kīkoʻo aku au i koʻu lima ma luna iho ona, a e uhaʻi au i ke koʻokoʻo o kāna berena, a e hoʻouna aku au i ka wī ma luna ona, a e ʻoki aku i nā kānaka me nā holoholona mai ona aku lā;

KA WĀNANA A ʻEZEKIʻELA 4:10

“A ʻo kāu ʻai āu e ʻai ai, ma ke kaupaona ʻia, iwakālua sekela i ka lā hoʻokahi; i kēlā manawa, i kēia manawa e ʻai ai ʻoe ia.

KA WĀNANA A ʻEZEKIʻELA 4:16

A ʻōlelo hou mai nō ʻo ia iaʻu, “E ke keiki a ke kanaka, eia hoʻi e uhaki au i ke koʻokoʻo o ka berena ma loko o Ierusalema; a e ʻai lākou i ka berena ma ke kaupaona ʻana, a e inu hoʻi lākou i ka wai ma ke ana ʻana, a me ka pilihua.

KA WĀNANA A ʻEZEKIʻELA 4:17

“I nele lākou i ka berena ʻole a me ka wai ʻole, a e pilihua kekahi me kekahi, a e ʻōlala aʻe nō hoʻi lākou no ko lākou hewa.

KA WĀNANA A ʻEZEKIʻELA 5:16

‘I kuʻu hoʻouna ʻana i nā pua ʻino o ka wī, i mea e luku ai iā lākou, ʻo ka mea hoʻi aʻu e hoʻouna aku ai e luku iā ʻoukou; a e hoʻonui aku au i ka wī ma luna o ʻoukou, a e uhaki au i ko ʻoukou koʻokoʻo o ka berena.

HOSEA 4:10

A e ʻai lākou, ʻaʻole naʻe e māʻona, A e moekolohe lākou, ʻaʻole naʻe e māhuahua aʻe; No ka mea, ua hoʻōki lākou i ka mālama iā Iēhova.

KA BUKE ʻAKOLU A MOSE, I KAPA ʻIA ʻOIHANA KAHUNA 26:27

¶ ‘A inā ʻaʻole ʻoukou e hoʻolohe mai iaʻu no kēia; akā, e hele kūʻē nō ʻoukou iaʻu;

MIKA 6:14

“A e ʻai iho ʻoe, ʻaʻole e māʻona; Aia nō i loko ou ka maʻule ana; A e lawe aku ʻoe, ʻaʻole e hoʻopakele, A ʻo ka mea āu e hoʻopakele ai, ʻO ia kaʻu e hāʻawi aku no ka pahi kaua.

HAGAI 1:6

“Ua lūlū nui aku ʻoukou, a he ʻuʻuku ka mea a ʻoukou i ʻohi ai; ua ʻai ʻoukou, ʻaʻole naʻe i māʻona; ua inu ʻoukou, ʻaʻole naʻe i kena ka make wai; ua ʻaʻahu kapa ʻoukou, ʻaʻole nō naʻe ʻoukou i mehana; a ʻo ka mea i hana e uku ʻia mai, ua hahao ʻia kāna uku ma loko o ke ʻeke pukapuka.”