KA BUKE ʻAKOLU A MOSE, I KAPA ʻIA ʻOIHANA KAHUNA 26:25 - Ka Baibala Hemolele

²⁵ ‘A e lawe au i ka pahi kaua ma luna o ʻoukou e hoʻopaʻi ana no ka berita; a ʻākoakoa ʻoukou i loko o ko ʻoukou mau kūlanakauhale, e hoʻouna aku au i ka maʻi ahulau i waena o ʻoukou; a e hāʻawi ʻia aku ʻoukou i ka lima o ka ʻenemi.

KA BUKE ʻAKOLU A MOSE, I KAPA ʻIA ʻOIHANA KAHUNA 26:25 Iomraidhean Croise

KA BUKE ʻALUA A SAMUʻELA 24:15

¶ A hoʻouna maila ʻo Iēhova i ke ahulau i luna o kā ʻIseraʻela, mai ke kakahiaka a hiki i ka manawa i ʻōlelo ʻia ai, a make ihola nā kānaka mai Dana a hiki i Beʻereseba, he kanahiku tausani kānaka.

KA BUKE MUA NO NĀ ALIʻI 8:33

¶ “Aia pepehi ʻia iho kou poʻe kānaka ʻIseraʻela i mua o ka ʻenemi, no kā lākou hana hewa ʻana aku iā ʻoe, a huli hou lākou iā ʻoe, a hōʻoiaʻiʻo i kou inoa, a e pule hoʻi me ke nonoi aku iā ʻoe i kēia hale;

KA BUKE MUA NO NĀ ALIʻI 8:37

¶ “Inā he wī ma ka ʻāina, inā he maʻi ahulau, inā he mālili, he mae wale, he ʻūhini, a inā he ʻenuhe; a inā e hoʻopilikia ʻia e ka ʻenemi ma ka ʻāina o ko lākou mau kūlanakauhale, inā he ʻino, a he maʻi;

KA BUKE ʻALUA NO NĀ ALIʻI 17:3

Hele kūʻē maila ʻo Salemanesera ke aliʻi o ʻAsuria iā ia; a lilo ʻo Hosea i kauā nāna, a hoʻokupu aku nona.

KA BUKE ʻALUA O KA ʻOIHANA ALIʻI 24:24

No ka mea, he poʻe ʻuʻuku ko Suria poʻe i hele mai; akā, ua hāʻawi mai ʻo Iēhova i loko o ko lākou lima i ka poʻe nui loa; no ka mea, ua haʻalele lākou nei iā Iēhova ke Akua o ko lākou poʻe kūpuna. Pēlā lākou i hoʻopaʻi mai ai iā Ioasa.

KA BUKE O NĀ HALELŪ 94:1

¶ E ke Akua nona ka hoʻopaʻi ʻana, e Iēhova; E ke Akua nona ka hoʻopaʻi ʻana, e hoʻomālamalama mai.

KA BUKE ʻALUA A MOSE, I KAPA ʻIA PUKA ʻANA 5:3

ʻĪ akula lāua, “Ua hālāwai mai me mākou ke Akua o ka poʻe Hebera; no ia mea, e hoʻokuʻu ʻoe iā mākou e hele i ka wao nahele, i kahi ʻekolu lā hiki, e kaumaha aku ai na Iēhova ʻo ko mākou Akua, o kau mai ia ma luna o mākou i ke ahulau a me ka pahi kaua.”

KA WĀNANA A ʻISAIA 1:20

“Akā, inā e hōʻole mai ʻoukou, a e hoʻopaʻakikī, E pau auaneʻi ʻoukou i ka pahi kaua”; Na ka waha o Iēhova i ʻōlelo mai.

KA WĀNANA A ʻISAIA 65:12

“ʻO ʻoukou kaʻu e helu aku ai no ka pahi kaua, A e kūlou ʻoukou a pau i ka make; No ka mea, iaʻu i hea aku ai, ʻaʻole ʻoukou i ō mai, Iaʻu i ʻōlelo ai, ʻaʻole ʻoukou i hoʻolohe; Akā, hana hewa nō ʻoukou i mua o koʻu mau maka, A koho ʻoukou i ka mea aʻu i makemake ʻole ai.”

KA WĀNANA A IEREMIA 19:7

“A e hoʻōki aku au ma kēia wahi i ka manaʻo akamai o kā Iuda, a me Ierusalema; a naʻu nō lākou e hoʻohina i ka pahi kaua, i mua o ko lākou poʻe ʻenemi, a i ka lima hoʻi o ka poʻe i ʻimi i ko lākou ola. A e hāʻawi nō wau i ko lākou kupapaʻu i mea ʻai, na nā manu o ka lani, a na nā holoholona o ka honua.

KA WĀNANA A IEREMIA 24:10

‘A e hoʻouna aku au i ka pahi kaua, a me ka wī, a me ka maʻi ahulau i waena o lākou, a hoʻopau ʻia lākou, mai ka ʻāina aʻu i hāʻawi aku ai iā lākou, a i ko lākou poʻe mākua.’”

KA WĀNANA A IEREMIA 50:28

Ka leo o ka poʻe holo a pakele ma waho o ka ʻāina ʻo Babulona, E haʻi aku ma Ziona i ka hoʻopaʻi ʻana o Iēhova, ʻo ko kākou Akua, I ka hoʻopaʻi ʻana no kona luakini.

KA WĀNANA A IEREMIA 51:11

¶ E ʻānai i nā pua, e lālau i nā pale kaua; Ua hoʻoikaika ʻo Iēhova i ka manaʻo o nā aliʻi o Media; No ka mea, he manaʻo kūʻē kona iā Babulona e luku ia wahi; No ka mea, ʻo ka hoʻopaʻi ʻana ia o Iēhova, ʻO kāna hoʻopaʻi ʻana hoʻi, no kona luakini.

KA WĀNANA A IEREMIA 9:16

“A e hoʻopuehu aku au iā lākou i waena o ko nā ʻāina ʻē, i ka poʻe i ʻike ʻole ʻia e lākou, ʻaʻole hoʻi e ko lākou mau mākua; a e hoʻouna aku au i ka pahi kaua ma hope o lākou, a hoʻopau au iā lākou.”

KE KANIKAU A IEREMIA 2:21

“Ua moe nō ka ʻōpiopio, a me ka ʻelemakule ma ka lepo ma nā alanui; Ua hina koʻu mau wāhine puʻupaʻa, a me koʻu poʻe kānaka uʻi i ka pahi kaua; Ua luku mai ʻoe iā lākou i ka lā o kou inaina, Ua pepehi mai nō ʻoe, ʻaʻole i aloha.

KA WĀNANA A ʻEZEKIʻELA 14:17

“A inā lawe au i ka pahi kaua ma luna o ka ʻāina, a e ʻōlelo aku, ‘E ka pahi kaua, e hele ʻoe ma waena o ka ʻāina’; a ʻoki aku au i nā kānaka a me nā holoholona mai ona aku lā;

KA WĀNANA A ʻEZEKIʻELA 20:37

“A e hoʻohele aʻe au iā ʻoukou ma lalo aʻe o ke koʻokoʻo, a e lawe au iā ʻoukou i loko o ka mea paʻa o ka berita;

KA WĀNANA A ʻEZEKIʻELA 29:8

‘No laila, ke ʻī mai nei Iēhova ka Haku, penei, “E lawe mai au i ka pahi kaua ma luna ou, a e ʻoki aku i kānaka a me ka holoholona mai ou aku nei.

KA WĀNANA A ʻEZEKIʻELA 33:2

“E ke keiki a ke kanaka, e ʻōlelo aku i nā keiki o kou poʻe kānaka, e ʻī aku iā lākou, ‘ʻO ka ʻāina, inā lawe au i ka pahi kaua ma luna ona, a lawe nā kānaka o ka ʻāina i ke kanaka o ko lākou mau palena, a e hoʻokū iā ia i kiaʻi no lākou;

KA WĀNANA A ʻEZEKIʻELA 5:17

‘Pēlā e hoʻouna aku ai au ma luna o ʻoukou i ka wī, a me nā holoholona ʻino, a e hoʻonele lākou iā ʻoe; ʻo ka maʻi ahulau, a me ke koko ke hele ma waena ou; a e lawe au i ka pahi kaua ma luna ou. ʻO wau ʻo Iēhova kai ʻōlelo aku.’”

KA WĀNANA A ʻEZEKIʻELA 6:3

“A e ʻōlelo aku, ‘E nā mauna o kā ʻIseraʻela, e hoʻolohe i ka ʻōlelo a Iēhova ka Haku, ke ʻī mai nei Iēhova ka Haku i nā mauna a me nā puʻu, i nā muliwai, a me nā awāwa, penei: “Eia hoʻi, ʻo wau, ʻo wau hoʻi ke lawe aʻe nei i ka pahi kaua ma luna o ʻoukou, a e hoʻokai au i ko ʻoukou mau wahi kiʻekiʻe.

HOSEA 11:6

A e hāʻule mai ka pahi kaua ma luna o kona mau kūlanakauhale, A e ʻai iho i kona mau lālā, a e hoʻopau, no ko lākou manaʻo.

KA BUKE ʻAKOLU A MOSE, I KAPA ʻIA ʻOIHANA KAHUNA 26:6

‘A e hāʻawi aku nō wau i ka malu ma ko ʻoukou ʻāina, a e moe iho ʻoukou i lalo, ʻaʻohe mea nāna ʻoukou e hoʻoweliweli; a e hoʻopau aku au i nā holoholona ʻino mai loko aku o ko ʻoukou ʻāina; ʻaʻole hoʻi e hele aʻe ka pahi kaua ma waena aʻe o ko ʻoukou ʻāina.

ʻAMOSA 4:10

“A ua hoʻouna aku au i waena o ʻoukou i ke ahulau, e like me ia ma ʻAigupita; Ua luku aku au i ko ʻoukou poʻe kānaka ʻōpio i ka pahi kaua, Me ko ʻoukou poʻe lio i pio ʻia; A ua hoʻopiʻi aʻe au i ka pilau o ko ʻoukou hoʻomoana ʻana, a hiki i ko ʻoukou mau ihu; Akā, ʻaʻole ʻoukou i hoʻi hou mai iaʻu,” wahi a Iēhova.

HABAKUKA 3:5

I mua ona i hele aku ai ke ahulau, A ʻo ka make wela i hele aku ma kona mau wāwae.

KA BUKE ʻAHĀ A MOSE, I KAPA ʻIA NĀ HELU 14:12

“E luku aku au iā lākou i ke ahulau, a e paʻi iā lākou i ka ʻāina hoʻoili; a e hoʻolilo au iā ʻoe i lāhui kanaka e ʻoi aku ana ka nui a me ka ikaika i ko lākou.”

KA BUKE ʻAHĀ A MOSE, I KAPA ʻIA NĀ HELU 16:49

A ʻo ka poʻe i make i ke ahulau, he ʻumikumamāhā tausani a me nā haneri ʻehiku; he ʻokoʻa ka poʻe i make no ka mea o Kora.

KA BUKE ʻAHĀ A MOSE, I KAPA ʻIA NĀ HELU 31:3

ʻŌlelo akula ʻo Mose i nā kānaka, ʻī akula, “E hoʻomākaukau i kekahi poʻe o ʻoukou no ke kaua, a e kuʻu aku iā lākou e hele kūʻē i kā Midiana, a e hoʻopaʻi aku i ko Iēhova ma luna o kā Midiana.

KA ʻEUANELIO I KĀKAU ʻIA AI E LUKA 21:11

“E hiki mai ana nō nā ōlaʻi nui i kēlā wahi a i kēia wahi, a me nā kau wī, a me nā maʻi; a e ʻike ʻia aku hoʻi nā mea makaʻu a me nā hōʻailona nui ma ka lani.

KA BUKE ʻALIMA A MOSE, I KAPA ʻIA KĀNĀWAI LUA 28:21

“Na Iēhova e hoʻopili mai ke ahulau iā ʻoe, a pau loa ʻoe i ka make iā ia ma ka ʻāina āu e hele aku nei a noho.

KA BUKE ʻALIMA A MOSE, I KAPA ʻIA KĀNĀWAI LUA 32:25

‘ʻO ka pahi kaua ma waho, a me ka makaʻu ma loko; E luku i ke keiki kāne, a me ke kaikamahine, I ke keiki waiū, a me ke kanaka poʻo hina.

KA BUKE ʻALIMA A MOSE, I KAPA ʻIA KĀNĀWAI LUA 32:35

‘Iaʻu nō kā hoʻopaʻi aku, a me ka hoʻouku; E hoʻopaheʻe auaneʻi ko lākou wāwae; No ka mea, ua kokoke mai ka lā e pōʻino ai lākou, Ua lalelale mai nā mea e hiki mai ana ma luna o lākou.’

KA BUKE ʻALIMA A MOSE, I KAPA ʻIA KĀNĀWAI LUA 32:41

“Inā e hoʻokala au i kuʻu pahi kaua huali, A e lawe kuʻu lima i ka hoʻoponopono, E hoʻopaʻi aku au i kuʻu poʻe ʻenemi, E hoʻouku aku au i ka poʻe e inaina mai iaʻu.

KA BUKE NO NĀ LUNA KĀNĀWAI 15:11

A laila, iho akula ʻekolu tausani kānaka o kā Iuda i ke ana i loko o ka pōhaku ma ʻEtama, ʻī akula iā Samesona, “ʻAʻole anei ʻoe i ʻike, ʻo ko Pilisetia nō ko kākou poʻe haku? He aha kēia mea āu i hana mai nei iā kākou?” ʻĪ maila kēlā iā lākou, “E like me kā lākou i hana mai ai iaʻu, pēlā nō wau i hana aku ai iā lākou.”