KA BUKE ʻAKOLU A MOSE, I KAPA ʻIA ʻOIHANA KAHUNA 26:17 - Ka Baibala Hemolele

¹⁷ ‘E hoʻokūʻē hoʻi au i koʻu maka iā ʻoukou, a e luku ʻia ʻoukou i mua o ko ʻoukou poʻe ʻenemi; a ʻo ka poʻe inaina iā ʻoukou e aliʻi aʻe ma luna o ʻoukou, a e ʻauheʻe ʻoukou i ka alualu ʻole ai ʻo kekahi iā ʻoukou.

KA BUKE ʻAKOLU A MOSE, I KAPA ʻIA ʻOIHANA KAHUNA 26:17 Iomraidhean Croise

KA BUKE MUA A MOSE, I KAPA ʻIA KINOHI 4:12

“I kou mahi ʻana i ka honua, ʻaʻole ia e hua mai ma kēia hope i kona momona; a e lilo hoʻi ʻoe i kanaka ʻaeʻa a me ke kuewa wale ma luna o ka honua.”

KA BUKE MUA NO NĀ ALIʻI 8:33

¶ “Aia pepehi ʻia iho kou poʻe kānaka ʻIseraʻela i mua o ka ʻenemi, no kā lākou hana hewa ʻana aku iā ʻoe, a huli hou lākou iā ʻoe, a hōʻoiaʻiʻo i kou inoa, a e pule hoʻi me ke nonoi aku iā ʻoe i kēia hale;

KA BUKE ʻALUA NO NĀ ALIʻI 13:3

A hoʻā ʻia ka inaina o Iēhova i kā ʻIseraʻela, a hāʻawi akula ia iā lākou i loko o ka lima o Hazaʻela, ke aliʻi o Suria, a i loko o ka lima o Bene-Hadada, he keiki a Hazaʻela i nā lā a pau.

KA BUKE ʻALUA NO NĀ ALIʻI 13:7

A i waiho ihola ia i nā kānaka no Iehoahaza, he kanalima hoʻoholo lio, he ʻumi nā hale kaʻa, a he ʻumi tausani koa hele wāwae wale nō; no ka mea, ua luku aku ke aliʻi o Suria iā lākou, a ua hoʻolike aku iā lākou me ka lepo no ka hehi ʻana.

KA BUKE O NĀ HALELŪ 44:10

A ua hoʻohuli ʻoe iā mākou i hope mai ka ʻenemi mai; A ʻo ka poʻe hoʻowahāwahā iā mākou, ua hao mai lākou no lākou iho.

KA BUKE O NĀ HALELŪ 53:5

Ma laila makaʻu loa lākou ma kahi makaʻu ʻole; No ka mea, ua hoʻoheleleʻi ke Akua i nā iwi o ka mea hoʻomoana kūʻē iā ʻoe; Ua hoʻohilahila ʻoe iā lākou, No ka mea, ua hoʻowahāwahā mai ke Akua iā lākou.

KA BUKE O NĀ HALELŪ 53:6

Na wai lā ke ola e hāʻawi mai i kā ʻIseraʻela mai loko mai o Ziona? Aia hoʻihoʻi mai ke Akua i ke pio ʻana o kona poʻe kānaka, E hauʻoli nō ʻo Iakoba, e ʻoliʻoli nō hoʻi ʻo ʻIseraʻela.

NĀ ʻŌLELO AKAMAI A SOLOMONA 28:1

¶ Hoʻoheʻe wale ka mea hewa, ʻaʻohe mea e hahai ana; ʻO ka poʻe pono hoʻi, wiwo ʻole lākou me he liona lā.

KA WĀNANA A ʻISAIA 30:17

E heʻe nō kekahi tausani o ʻoukou, No ka pāpā ʻana o ka mea hoʻokahi; No ka pāpā ʻana o nā mea ʻelima e heʻe ai ʻoukou; A waiho ʻia ʻoukou, e like me ke kia ma ka piko o ke kuahiwi, Me he hae lā hoʻi ma luna o ka puʻu.

KA WĀNANA A ʻISAIA 63:10

Akā, kipi nō lākou, a hōʻeha akula i kona ʻUhane Hemolele; No laila ʻo ia i huli ai i ʻenemi no lākou, A kaua mai nō hoʻi iā lākou.

KA WĀNANA A IEREMIA 19:7

“A e hoʻōki aku au ma kēia wahi i ka manaʻo akamai o kā Iuda, a me Ierusalema; a naʻu nō lākou e hoʻohina i ka pahi kaua, i mua o ko lākou poʻe ʻenemi, a i ka lima hoʻi o ka poʻe i ʻimi i ko lākou ola. A e hāʻawi nō wau i ko lākou kupapaʻu i mea ʻai, na nā manu o ka lani, a na nā holoholona o ka honua.

KA WĀNANA A IEREMIA 44:11

¶ “No laila, ke ʻōlelo mai nei ʻo Iēhova o nā kaua, ke Akua o kā ʻIseraʻela, ‘Aia hoʻi, e kau aku au i koʻu maka kūʻē iā ʻoukou, no ka hewa, a e hōʻoki aʻe au i kā Iuda a pau.

KE KANIKAU A IEREMIA 1:5

Ua lilo kona poʻe ʻenemi i poʻo, Ua maluhia hoʻi ka poʻe i huhū iā ia; No ka mea, ua hoʻokaumaha mai ʻo Iēhova iā ia no ka nui o kona hewa; Ua hele pio akula kāna poʻe keiki i mua o ke alo o ka ʻenemi.

KE KANIKAU A IEREMIA 2:4

Ua hoʻolena ʻo ia i kona kakaka e like me ka ʻenemi; Ua kūpaʻa ʻo ia me kona lima ʻākau e like me ka mea kūʻē, A ua luku mai ʻo ia i nā mea a pau i makemake ʻia e ka maka; Ma luna o ka halelewa o ke kaikamahine o Ziona, Ua ninini akula ʻo ia i kona inaina e like me ke ahi.

KA WĀNANA A ʻEZEKIʻELA 15:7

‘A e hoʻokūʻē au i koʻu maka iā lākou; e puka lākou mai loko aku o kekahi ahi, a e pau lākou i kekahi ahi; a e ʻike ʻoukou ʻo wau nō Iēhova i koʻu wā e hoʻokūʻē ai i koʻu wahi maka iā lākou.

KA BUKE ʻAKOLU A MOSE, I KAPA ʻIA ʻOIHANA KAHUNA 17:10

¶ ‘A ʻo kēlā kanaka kēia kānaka o ka ʻohana o ʻIseraʻela, a ʻo nā malihini e noho ana i waena o ʻoukou, ʻo ka mea e ʻai i kahi koko, e hoʻokūʻē au i kuʻu maka i kēlā kanaka, a e ʻoki aku au iā ia mai waena aku o kona poʻe kānaka.

KA BUKE ʻALIMA A MOSE, I KAPA ʻIA KĀNĀWAI LUA 28:25

“A e hoʻolilo ʻo Iēhova iā ʻoe i ka pepehi ʻia i mua o kou poʻe ʻenemi; ma ke ala hoʻokahi ʻoe e hele kūʻē aku iā lākou, a ma nā ala ʻehiku ʻoe e heʻe aku ai i mua o lākou, a e puehu liʻiliʻi iā ʻoe ma nā aupuni a pau o ka honua.

KA BUKE A IOSUA 7:4

Piʻi akula i laila, ʻekolu tausani kānaka o lākou; a heʻe ihola lākou i mua o nā kānaka o ʻAi.

KA BUKE NO NĀ LUNA KĀNĀWAI 2:14

Wela ihola ka huhū o Iēhova i kā ʻIseraʻela, a hāʻawi aʻela iā lākou i ka lima o ka poʻe hao, a hao aʻela ia poʻe i kā lākou, a hoʻolilo aku ʻo ia iā lākou i ka lima o ko lākou poʻe ʻenemi, e noho pōʻai ana iā lākou, ʻaʻole hiki iā lākou ke kū hou i mua o ko lākou poʻe ʻenemi.

KA BUKE NO NĀ LUNA KĀNĀWAI 3:14

Hoʻokauā aku ka poʻe mamo a ʻIseraʻela na ʻEgelona, ke aliʻi o Moaba, i ʻumikumamāwalu makahiki.

KA BUKE NO NĀ LUNA KĀNĀWAI 3:8

Wela ihola ka huhū o Iēhova i kā ʻIseraʻela, a hoʻolilo aʻela ʻo ia iā lākou i ka lima o Kusana-Risataima, ke aliʻi o Mesopotamia, a hoʻokauā aku nā mamo a ʻIseraʻela na Kusana-Risataima, i ʻewalu makahiki.

KA BUKE NO NĀ LUNA KĀNĀWAI 6:2

Ikaika loa ihola ka lima o ko Midiana ma luna o kā ʻIseraʻela; a hana aʻela ka poʻe mamo a ʻIseraʻela i nā lua no lākou, mai nā maka aku o ko Midiana, aia ma nā mauna, a i nā ana hoʻi, a me nā puʻukaua.

KA BUKE MUA A SAMUʻELA 12:15

“Akā, i hoʻolohe ʻole ʻoukou i ka leo o Iēhova, i hōʻole hoʻi i ke kauoha a Iēhova; a laila e kūʻē mai ka lima o Iēhova iā ʻoukou, e like me ke kūʻē i ko ʻoukou poʻe kūpuna.

KA BUKE MUA A SAMUʻELA 31:1

¶ A kaua maila nā Pilisetia i kā ʻIseraʻela; ʻauheʻe akula nā kānaka o kā ʻIseraʻela i mua o ko Pilisetia, a hāʻule ihola ka poʻe i pepehi ʻia ma ka mauna ʻo Gileboa.

KA BUKE MUA A SAMUʻELA 4:10

A kaua akula ko Pilisetia, a luku ʻia, ʻo kā ʻIseraʻela, a holo kēlā kanaka kēia kanaka i kona halelewa; a he nui loa nā mea i make; no ka mea, hāʻule ihola ʻo kā ʻIseraʻela, he kanakolu tausani koa hele wāwae.