KA BUKE ʻAKOLU A MOSE, I KAPA ʻIA ʻOIHANA KAHUNA 26:16 - Ka Baibala Hemolele

¹⁶ naʻu nō kēia e hana ai iā ʻoukou; e hoʻomaopopo au ma luna o ʻoukou i ka makaʻu, a me ka hōkiʻi, a me ka lī wela e pau ai nā maka, a e ʻehaʻeha ai ka naʻau; a e lūlū makehewa ʻoukou i ko ʻoukou hua; no ka mea, na ko ʻoukou mau ʻenemi ia e ʻai.

KA BUKE ʻAKOLU A MOSE, I KAPA ʻIA ʻOIHANA KAHUNA 26:16 Iomraidhean Croise

KA BUKE MUA NO NĀ ALIʻI 8:37

¶ “Inā he wī ma ka ʻāina, inā he maʻi ahulau, inā he mālili, he mae wale, he ʻūhini, a inā he ʻenuhe; a inā e hoʻopilikia ʻia e ka ʻenemi ma ka ʻāina o ko lākou mau kūlanakauhale, inā he ʻino, a he maʻi;

KA BUKE NO IOBA 18:11

“Ua hoʻoweliweli nā mea makaʻu iā ia a puni, A e alualu iā ia ma kona wāwae.

KA BUKE NO IOBA 20:25

“Huki ʻia maila ia a puka aʻe mai ke kino mai; A puka aʻe hoʻi ka pahi kaua huali mai kona au mai; Ma luna ona nā mea weliweli.

KA BUKE NO IOBA 31:8

“A laila e lūlū nō au, a na haʻi e ʻai; A e uhuki ʻia kuʻu mea ulu.

KA BUKE O NĀ HALELŪ 109:6

¶ E hoʻonoho ʻoe i ka mea hewa ma luna ona; A e hoʻokū mai iā Sātana ma kona lima ʻākau.

KA BUKE O NĀ HALELŪ 73:19

Ua hoʻokae koke iā lākou me he ʻimo ʻana lā o ka maka! Ua hoʻopau loa ʻia hoʻi lākou i nā mea makaʻu!

KA BUKE O NĀ HALELŪ 78:33

No laila, hāʻawi ʻo ia i ka noho makehewa ʻana i ko lākou mau lā, A me ka wiwo wale, i ko lākou mau makahiki.

KA BUKE ʻALUA A MOSE, I KAPA ʻIA PUKA ʻANA 15:26

ʻĪ maila, “A i hoʻolohe mau mai ʻoe i ka leo o Iēhova, ʻo kou Akua, a e hana i ka mea pono i mua o kona maka, a e hoʻolohe i ka mea āna e kauoha mai ai, a mālama i kona mau kānāwai, a laila ʻaʻole au e kau ma luna ou i kekahi o kēia mau maʻi aʻu i kau ai ma luna o ko ʻAigupita; no ka mea, ʻo wau nō Iēhova, ka mea hoʻōla aku iā ʻoe.”

NĀ ʻŌLELO AKAMAI A SOLOMONA 3:33

ʻO ka hōʻino o Iēhova aia ma ka hale o ka mea hewa, Hoʻopōmaikaʻi ʻo ia i kahi noho ai ʻo ka poʻe pono.

KA WĀNANA A ʻISAIA 10:4

I haʻalele ʻia e aʻu, e kūlou nō lākou ma lalo me nā mea pio, A e hina hoʻi ma lalo me nā mea i luku ʻia. ʻAʻole naʻe i huli aku kona huhū no kēia mau mea a pau, Akā, ke ʻō mai nei nō kona lima i kēia manawa.

KA WĀNANA A ʻISAIA 62:8

Ua hoʻohiki nō ʻo Iēhova ma kona lima ʻākau, ma ka lima o kona ikaika hoʻi; “He ʻoiaʻiʻo, ʻaʻole au e hāʻawi hou i kāu palaoa i mea ʻai na kou poʻe ʻenemi, ʻAʻole e inu nā keiki a ka malihini i kou waina, Ka mea āu i hoʻoikaika ai.”

KA WĀNANA A ʻISAIA 7:2

A haʻi ʻia maila i ko ka hale o Dāvida, i ka ʻī ʻana mai, “Ke hoʻomoana nei ko Suria ma loko o ko ʻEperaima.” A laila, haʻalulu ka naʻau o ke aliʻi, a me ka naʻau o kona poʻe kānaka, e like me ka haʻalulu ʻana o nā lāʻau o ka ulu lāʻau i mua o ka makani.

KA WĀNANA A IEREMIA 12:13

“Ua lūlū lākou i ka huapalaoa; akā, e hoʻoʻiliʻili nō lākou i kākalaioa. Ua hōʻeha lākou iā lākou iho, ʻaʻole naʻe ia he mea e pōmaikaʻi ai; A e hilahila auaneʻi lākou i nā mea i loaʻa ai iā ʻoukou, No ko Iēhova huhū nui.”

KA WĀNANA A IEREMIA 15:3

“A e hoʻokau aku au ma luna o lākou i nā mea ʻehā,” wahi a Iēhova; “ʻo ka pahi kaua e pepehi; ʻo nā ʻīlio e haehae; ʻo nā manu o ka lani, a me nā holoholona o ka honua, e ʻai, a e hoʻopau.

KA WĀNANA A IEREMIA 15:8

“E ʻoi aku ka nui o ko lākou wāhine kāne make iaʻu i ko ke one o ke kai. I ke awakea, E hoʻopuka nō au ma luna o lākou, Ma luna hoʻi o ka makuahine o ka poʻe uʻi, I poʻe luku. E hoʻopuka nō au ma luna ona me ka hoʻohikilele ka makaʻu a me ka weliweli.

KA WĀNANA A IEREMIA 20:4

“No ka mea, ke ʻōlelo mai nei ʻo Iēhova pēnēia, ‘Aia hoʻi, e hoʻolilo nō wau iā ʻoe i mea makaʻu wale nou iho, a no kou poʻe hoahānau a pau; a e hāʻule nō lākou i ka pahi kaua o ko lākou poʻe ʻenemi, a e ʻike nō kou mau maka; a e hāʻawi nō wau i kā Iuda a pau i loko o ka lima o ke aliʻi o Babulona, a e lawe pio nō ʻo ia iā lākou i Babulona, a luku nō ʻo ia iā lākou i ka pahi kaua.

KA WĀNANA A IEREMIA 5:17

“A e ʻai nō lākou i kāu ʻai, a me kāu palaoa i hōʻiliʻili ʻia, I mea na kāu poʻe keiki kāne, a na kāu poʻe kaikamāhine e ʻai ai. E ʻai nō lākou i kāu poʻe hipa, a me kāu poʻe bipi; E ʻai nō lākou i kou mau kumu waina, a me kou lāʻau fiku; E ʻānai aku nō lākou ma ka pahi kaua, i kou mau kūlanakauhale i paʻa i ka pā, I nā mea āu i hilinaʻi ai.

KA WĀNANA A ʻEZEKIʻELA 24:23

‘A e kau nō ko ʻoukou mau pāpale hainakā ma luna o ko ʻoukou mau poʻo, a me nā kāmaʻa o ʻoukou ma ko ʻoukou mau wāwae; ʻaʻole ʻoukou e kanikau, ʻaʻole hoʻi e uē; akā, e ʻōlala aʻe ʻoukou no ko ʻoukou hewa, a e ʻū aʻe hoʻi kekahi i kekahi.

KA WĀNANA A ʻEZEKIʻELA 33:10

¶ “A ʻo ʻoe, e ke keiki a ke kanaka, e ʻōlelo aku ʻoe i ka ʻohana a ʻIseraʻela, ‘Ke ʻōlelo nei ʻoukou, i ka ʻī ʻana, “Inā eia ma luna o kākou ko kākou mau hala a me ko kākou mau hewa, a ʻōlala aʻe kākou ma loko o ia mau mea, pehea lā hoʻi kākou e ola ai?”’

ʻAMOSA 5:11

No ia mea, no ko ʻoukou hehi ʻana ma luna o ka ʻilihune, A ke lawe nei ʻoukou i ka ʻai makana mai ona aku lā; Ua hana ʻoukou i nā hale pōhaku i kālai ʻia, Akā, ʻaʻole ʻoukou e noho i loko o lākou; Ua kanu ʻoukou i nā pā waina maikaʻi, Akā, ʻaʻole ʻoukou e inu i ka waina o lākou.

MIKA 6:15

“E lūlū iho nō ʻoe; akā, ʻaʻole ʻoe e ʻohi mai; E hehi iho ʻoe i nā ʻoliva, ʻaʻole naʻe e poni ʻia ʻoe i ka ʻaila; A i ka waina hou, ʻaʻole naʻe ʻoe e inu i ka waina.

HAGAI 1:6

“Ua lūlū nui aku ʻoukou, a he ʻuʻuku ka mea a ʻoukou i ʻohi ai; ua ʻai ʻoukou, ʻaʻole naʻe i māʻona; ua inu ʻoukou, ʻaʻole naʻe i kena ka make wai; ua ʻaʻahu kapa ʻoukou, ʻaʻole nō naʻe ʻoukou i mehana; a ʻo ka mea i hana e uku ʻia mai, ua hahao ʻia kāna uku ma loko o ke ʻeke pukapuka.”

ZEKARIA 14:12

¶ Eia hoʻi ka maʻi a Iēhova e hahau mai ai, i nā kānaka a pau i kaua aku ai iā Ierusalema; e hoʻowīwī auaneʻi ʻo ia i ko lākou kino, iā lākou e kū ana ma luna o ko lākou wāwae, a e emi iho ko lākou mau maka ma loko o ko lākou mau lua, a e pau iho ko lākou alelo ma loko o ko lākou waha.

MALAKI 2:3

“Aia hoʻi, e pāpā aku nō wau i kā ʻoukou hua, e lūlū aku hoʻi au i ka lepo ma luna o ko ʻoukou mau maka, i ka lepo o kā ʻoukou mau ʻahaʻaina; a e lawe aku ia iā ʻoukou i laila.

KA BUKE ʻALIMA A MOSE, I KAPA ʻIA KĀNĀWAI LUA 28:51

“A e ʻai iho nō ia i ka hua o kou holoholona, a me ka hua o kou ʻāina, a hoʻopau ʻia mai ʻoe; ʻaʻole ia e waiho nāu i ka palaoa, ʻaʻole i ka waina, ʻaʻole hoʻi i ka ʻaila, ʻaʻole i nā keiki o kāu poʻe bipi, a me kāu poʻe hipa, a e hoʻopau mai ʻo ia iā ʻoe.

KA BUKE ʻALIMA A MOSE, I KAPA ʻIA KĀNĀWAI LUA 32:25

‘ʻO ka pahi kaua ma waho, a me ka makaʻu ma loko; E luku i ke keiki kāne, a me ke kaikamahine, I ke keiki waiū, a me ke kanaka poʻo hina.

ʻO KA ʻEPISETOLE A PAULO KA LUNAʻŌLELO I KO HEBERA 10:31

He mea weliweli ka hāʻule ʻana i loko o nā lima o ke Akua ola.

KA BUKE NO NĀ LUNA KĀNĀWAI 6:11

¶ Hele maila ka ʻānela o Iēhova, noho ihola ma lalo iho o kekahi lāʻau ʻoka, ma ʻOpera no Ioasa, he kanaka no ko ʻAbiezera. E hahi ana kāna keiki ʻo Gideona i ka huapalaoa, ma kahi kaomi waina, i nalo i ko Midiana.

KA BUKE MUA A SAMUʻELA 2:33

‘A ʻo ke kanaka ou aʻu e ʻoki ʻole ai mai kuʻu kuahu aku, e lilo ia i mea e hoʻopau ai i kou maka, a e hoʻokaumaha ai i kou naʻau; a ʻo nā hua a pau o kou hale e make lākou i ka wā uʻi.