KA BUKE ʻAKOLU A MOSE, I KAPA ʻIA ʻOIHANA KAHUNA 26:13 - Ka Baibala Hemolele

¹³ ‘ʻO wau nō Iēhova ko ʻoukou Akua ka mea nāna ʻoukou i lawe mai nei, mai ka ʻāina mai ‘o ʻAigupita, i ʻole ai ʻoukou e noho kauā paʻa no lākou; a ua moku iaʻu nā mea e paʻa ai kā ʻoukou ʻauamo, a hoʻokūpono iā ʻoukou i ka hele ʻana.

KA BUKE ʻAKOLU A MOSE, I KAPA ʻIA ʻOIHANA KAHUNA 26:13 Iomraidhean Croise

KA BUKE O NĀ HALELŪ 116:16

Aia hoʻi, e Iēhova, ʻo wau nō kāu kauā, ʻO kāu kauā nō wau, a ʻo ke keiki hoʻi a kāu kauā wahine; Ua wehe mai ʻoe i koʻu mau mea i paʻa ai.

KA BUKE ʻALUA A MOSE, I KAPA ʻIA PUKA ʻANA 14:8

Hoʻopaʻakikī ihola ʻo Iēhova i ka naʻau o Paraʻo, ʻo ke aliʻi o ʻAigupita, a hahai maila ia ma hope o nā mamo a ʻIseraʻela; a puka maila nā mamo a ʻIseraʻela ma waho me ka lima hoʻokiʻekiʻe.

KA BUKE ʻALUA A MOSE, I KAPA ʻIA PUKA ʻANA 20:2

¶ “ʻO wau nō Iēhova ʻo kou Akua, ka mea nāna ʻoe i lawe mai nei, mai ka ʻāina ʻo ʻAigupita mai, mai loko mai hoʻi o ka hale hoʻoluhi.

KA BUKE ʻALUA A MOSE, I KAPA ʻIA PUKA ʻANA 6:7

‘A e hoʻonoho nō wau iā ʻoukou i poʻe kānaka noʻu, a ʻo wau auaneʻi hoʻi ko ʻoukou Akua; a e ʻike auaneʻi hoʻi ʻoukou, ʻo wau nō Iēhova, ʻo ko ʻoukou Akua, nāna ʻoukou e lawe aʻe, mai lalo aʻe o nā mea kaumaha a ko ʻAigupita.

KA WĀNANA A ʻISAIA 51:23

“Akā, e waiho aku au ia mea i loko o ka lima o ka poʻe hoʻokaumaha iā ʻoe, ʻO ka poʻe i ʻōlelo iā ʻoe, ‘E moe i lalo, i hele aku mākou ma luna aʻe’; A ua hoʻomoe ʻoe i kou kua e like me ka lepo, Me he alanui lā hoʻi, no ka poʻe i hele aʻe.”

KA WĀNANA A ʻISAIA 9:3

Ua hoʻonui ʻoe i ka lāhui kanaka, Ua hoʻomāhuahua ʻoe i ko lākou ʻoliʻoli; Ke ʻoliʻoli nei lākou i mua ou, E like me ka ʻoliʻoli ʻana i ka hoʻoʻiliʻili ʻai ʻana, E like hoʻi me ka hauʻoli ʻana o ka poʻe puʻunaue i ka waiwai pio.

KA WĀNANA A IEREMIA 2:20

¶ “No ka mea, mai kahiko loa mai, ua uhaki au i kou ʻauamo, a ua moku hoʻi iaʻu kou mau kaula i paʻa ai; A ʻōlelo ihola ʻoe, ‘ʻAʻole au e noho i kauā,’ ʻOiai, ua kūlou ʻoe ma luna o nā puʻu kiʻekiʻe a pau, a ma lalo hoʻi o nā lāʻau uliuli a pau, A ua moekolohe hoʻi ʻoe.

KA WĀNANA A IEREMIA 28:2

“Penei ka ʻōlelo ʻana mai a Iēhova o nā kaua, ke Akua o kā ʻIseraʻela, ʻī maila, ‘Ua uhaʻi au i ka ʻauamo o ke aliʻi o Babulona.

KA WĀNANA A IEREMIA 28:4

‘A e lawe hou mai nō wau i kēia wahi iā Iekonia, i ke keiki a Iehoiakima, ke aliʻi o kā Iuda, a me ka poʻe pio a pau o kā Iuda, ka poʻe i hele ma loko o Babulona,’ wahi a Iēhova; ‘no ka mea, e uhaʻi au i ka ʻauamo o ke aliʻi o Babulona.’”

KA WĀNANA A ʻEZEKIʻELA 30:18

“Ma Tehapenesa e hoʻopouli ʻia ka lā I ka wā e uhaki ai au i laila i nā ʻauamo o ʻAigupita; A e oki ka hanohano o kona ikaika i loko ona; A ʻo ia hoʻi, e uhi mai kahi ao ma luna ona, A e hele kāna mau kaikamāhine i ke pio ʻana.

KA WĀNANA A ʻEZEKIʻELA 34:27

“A e hoʻohua mai ka lāʻau o ke kula i kona hua, a e hāʻawi mai ka honua i kona mea ulu, a e noho maluhia lākou ma ko lākou ʻāina, a e ʻike hoʻi ʻo wau nō Iēhova, aia moku iaʻu nā kaula o kā lākou ʻauamo, a hoʻopakele aʻe iā lākou mai loko aʻe o ka lima o ka poʻe i hoʻokauā iā lākou na lākou iho.

HOSEA 11:4

Ua alakō aku au iā lākou me nā kaula o ke kanaka a me nā apo o ke aloha; A ua lilo au no lākou i mea like me nā mea e lawe aku ana i ka ʻauamo mai luna aku o ko lākou ʻāʻī, A ua waiho ihola au i ka ʻai i mua o lākou.

KA BUKE ʻAKOLU A MOSE, I KAPA ʻIA ʻOIHANA KAHUNA 25:38

‘ʻO wau nō ʻo Iēhova ʻo ko ʻoukou Akua, ka mea i lawe mai iā ʻoukou mai ka ʻāina mai o ʻAigupita, e hāʻawi iā ʻoukou i ka ʻāina ʻo Kanaʻana, i Akua au no ʻoukou.

KA BUKE ʻAKOLU A MOSE, I KAPA ʻIA ʻOIHANA KAHUNA 25:42

‘No ka mea, he mau kauā naʻu lākou, aʻu i lawe mai nei mai ka ʻāina mai ‘o ʻAigupita; ʻaʻole lākou e kūʻai lilo ʻia aku me he mau kauā paʻa lā.

KA BUKE ʻAKOLU A MOSE, I KAPA ʻIA ʻOIHANA KAHUNA 25:55

‘No ka mea, iaʻu nei, he poʻe kauā nā mamo a ʻIseraʻela; ʻo kaʻu mau kauā lākou, aʻu i lawe mai nei mai ka ʻāina mai ‘o ʻAigupita; ʻo wau nō Iēhova ko ʻoukou Akua.

NAHUMA 1:13

“ʻĀnō hoʻi, e hemo iaʻu kāna ʻauamo mai ou aku lā; A e moku iaʻu kou mau kaula.”