KA BUKE ʻAKOLU A MOSE, I KAPA ʻIA ʻOIHANA KAHUNA 26:11 - Ka Baibala Hemolele

¹¹ ‘A e hoʻonoho au i kuʻu halelewa i waena o ʻoukou, ʻaʻole hoʻi e hoʻowahāwahā koʻu ʻuhane iā ʻoukou.

KA BUKE ʻAKOLU A MOSE, I KAPA ʻIA ʻOIHANA KAHUNA 26:11 Iomraidhean Croise

KA BUKE ʻALUA A SAMUʻELA 7:7

“I koʻu hele ʻana a pau me nā mamo a pau a ʻIseraʻela, i ʻōlelo aku anei au i kekahi ʻohana a ʻIseraʻela, i ka mea aʻu i kauoha aku ai e hānai i koʻu poʻe kānaka i kā ʻIseraʻela, i ka ʻī ʻana aku, ‘He aha ka mea e hana ʻole ai ʻoukou i hale kedera noʻu?’”’

KA BUKE MUA NO NĀ ALIʻI 6:13

“A e noho nō au i waena o nā mamo a ʻIseraʻela, ʻaʻole hoʻi e haʻalele aku i koʻu poʻe kānaka i kā ʻIseraʻela.”

KA BUKE MUA NO NĀ ALIʻI 8:13

“Ua hana ʻiʻo aʻe nei nō wau i hale e noho ai nou, Kahi kūʻonoʻono nou e noho mau loa ai.”

KA BUKE MUA NO NĀ ALIʻI 8:27

¶ “Akā hoʻi, e noho ʻiʻo mai anei ke Akua ma ka honua anei? Aia hoʻi! ʻAʻole e hiki i nā lani a me nā lani o nā lani ke ʻapo iā ʻoe; ʻaʻole loa hoʻi kēia hale aʻu i kūkulu aʻe nei!

KA BUKE O NĀ HALELŪ 106:40

¶ No laila, hōʻaʻā ʻia ka inaina o Iēhova i kona poʻe kānaka, A hoʻopailua maila ʻo ia i kona hoʻoilina iho.

KA BUKE O NĀ HALELŪ 76:2

Aia ma Salema kona halelewa, A ma Ziona hoʻi kona wahi e noho ai.

KA BUKE O NĀ HALELŪ 78:59

A lohe ke Akua, a laila, huhū maila ia, A hoʻopailua loa nō hoʻi i kā ʻIseraʻela.

KA BUKE ʻALUA A MOSE, I KAPA ʻIA PUKA ʻANA 25:8

“A e hana hoʻi lākou i keʻena kapu noʻu, i noho ai au i waena o lākou.

KA BUKE ʻALUA A MOSE, I KAPA ʻIA PUKA ʻANA 29:45

“A e noho nō wau i waenakonu o nā mamo a ʻIseraʻela, a ʻo wau auaneʻi ko lākou Akua.

KA BUKE ʻALUA A MOSE, I KAPA ʻIA PUKA ʻANA 29:46

“A e ʻike auaneʻi lākou, ʻo wau nō Iēhova, ko lākou Akua, ka mea i lawe mai iā lākou, mai ka ʻāina ʻo ʻAigupita mai, i noho wau i waena o lākou. ʻO wau, ʻo Iēhova nō ko lākou Akua.

KA WĀNANA A IEREMIA 14:21

Mai hoʻowahāwahā mai ʻoe, no kou inoa iho, Mai hōʻino ʻoe i ka noho aliʻi o kou nani. E hoʻomanaʻo, mai uhaʻi ʻoe i kou berita me mākou.

KE KANIKAU A IEREMIA 2:7

Ua hoʻopailua ka Haku i kona kuahu, Ua hoʻowahāwahā ʻo ia i kona wahi laʻa, Ua hāʻawi ʻo ia i loko o ka lima o ka ʻenemi i nā pā o kona mau hale aliʻi, Ua walaʻau lākou i loko o ka hale o Iēhova, e like me ka lā ʻahaʻaina.

IOʻELA 2:27

“A e ʻike nō ʻoukou, ʻO wau nō i waena o kā ʻIseraʻela, A ʻo wau nō ʻo Iēhova ko ʻoukou Akua, ʻaʻole mea ʻē aʻe; ʻAʻole loa e hilahila kuʻu poʻe kānaka.

KA BUKE ʻAKOLU A MOSE, I KAPA ʻIA ʻOIHANA KAHUNA 20:23

‘Mai hele ʻoukou ma nā ʻoihana a nā lāhui kanaka, aʻu e kiola aku ai i mua o ʻoukou; no ka mea, ua hana lākou i kēia mau mea a pau; no lailai hoʻowahāwahā aku ai au iā lākou.

KA BUKE ʻAKOLU A MOSE, I KAPA ʻIA ʻOIHANA KAHUNA 26:15

a inā e hoʻowahāwahā ʻoukou i kaʻu mau kauoha, a e inaina mai ko ʻoukou ʻuhane i koʻu mau kānāwai, i ʻole ai ʻoukou e hana ma kaʻu mau kauoha a pau; akā, e pale ʻoukou i kaʻu berita;

KA BUKE ʻAKOLU A MOSE, I KAPA ʻIA ʻOIHANA KAHUNA 26:43

‘E haʻalele ʻia hoʻi ka ʻāina e lākou, a e loaʻa iā ia kona mau sābati, i kona wā e waiho neoneo ai, ʻaʻole ʻo lākou; a e ʻae lākou i ka hoʻopaʻi ʻana i ko lākou hewa; no kēia, ʻo ko lākou hoʻowahāwahā ʻana i kuʻu mau kānāwai, a no ko lākou inaina ʻana i kuʻu mau kauoha.

KA BUKE ʻAKOLU A MOSE, I KAPA ʻIA ʻOIHANA KAHUNA 26:44

‘ʻO ia lā; akā, i ko lākou noho ʻana ma ka ʻāina o ko lākou poʻe ʻenemi, ʻaʻole au e kiola loa iā lākou, ʻaʻole hoʻi au e inaina aku iā lākou, e luku loa ai iā lākou, a e uhaki ai i kuʻu berita me lākou; no ka mea, ʻo wau nō Iēhova ko lākou Akua.

ZEKARIA 11:8

ʻEkolu mau kahu hipa aʻu i hōʻoki iho ai i ka malama hoʻokahi; no ka mea, ua pauaho kuʻu naʻau iā lākou; a ua inaina mai hoʻi ko lākou naʻau iaʻu.

ʻO KA ʻEPISETOLE A PAULO KA LUNAʻŌLELO I KO ʻEPESO 2:22

I laila hoʻi ʻoukou i kāpili pū ʻia ai, i wahi e noho ai ʻo ke Akua ma ka ʻUhane.

KA BUKE ʻALIMA A MOSE, I KAPA ʻIA KĀNĀWAI LUA 32:19

¶ “A ʻike maila ʻo Iēhova, inaina mai ia, No ka hoʻonāukiuki mai o nā keiki kāne, a me nā kaikamāhine āna.

KA BUKE A IOSUA 22:19

ʻAkā, inā he ʻāina haumia, kā ʻoukou i loaʻa ai, e hele aku ʻoukou i kēlā kapa, i ka ʻāina a Iēhova i loaʻa ai, i kahi e noho ana kāna pahu berita; a e hoʻonoho ʻoukou iā ʻoukou iho, ma waenakonu o mākou. Mai kipi hoʻi ʻoukou iā Iēhova, mai kipi nō hoʻi iā mākou, i ko ʻoukou kūkulu ʻana i ke kuahu no ʻoukou iho, ʻokoʻa ke kuahu o Iēhova ko kākou Akua.

KA BUKE A IOSUA 22:31

ʻŌlelo akula ʻo Pinehasa, ʻo ke kahuna, ke keiki a ʻEleazara, i kā Reubena poʻe mamo, a i kā Gada a i kā Manase, “Ua ʻike pono kākou i kēia lā, ʻo Iēhova nō ma waena o kākou, ʻaʻole ʻoukou i hana hewa i kēia mea. A ua hoʻopakele ʻoukou i nā mamo a ʻIseraʻela mai ka lima mai o Iēhova.”

KA HŌʻIKE ʻANA A IOANE KA HAIPULE 21:3

A lohe akula au i ka leo nui, mai ka lani mai, i ka ʻī ʻana, “Aia ka halelewa o ke Akua me kānaka, a e noho ana ʻo ia me lākou, a e lilo lākou i kānaka nona, a e noho pū ke Akua me lākou i Akua no lākou.

KA HŌʻIKE ʻANA A IOANE KA HAIPULE 7:15

“No laila lākou i noho ai i mua o ka noho aliʻi o ke Akua, a ke mālama aku nei lākou iā ia i ke ao a me ka pō, ma loko o kona luakini; a ʻo ka Mea e noho lā ma ka noho aliʻi, ʻo ia ke noho pū me lākou.