KA BUKE ʻAKOLU A MOSE, I KAPA ʻIA ʻOIHANA KAHUNA 24:7 - Ka Baibala Hemolele

⁷ “A e kau aku ʻoe i ka mea ʻala maʻemaʻe ma luna o nā lālani, i kau ia ma luna o ka berena i mea hoʻomanaʻo, he mōhai puhi no Iēhova.

KA BUKE ʻAKOLU A MOSE, I KAPA ʻIA ʻOIHANA KAHUNA 24:7 Iomraidhean Croise

KA BUKE MUA A MOSE, I KAPA ʻIA KINOHI 9:16

“A e kau mai auaneʻi ke ānuenue ma ke ao; a e nānā aku au ia i hoʻomanaʻo iho ai au i ka berita mau loa ma waena o ke Akua a ʻo nā mea ola a pau o nā mea ʻiʻo a pau ma luna o ka honua.”

KA BUKE ʻALUA A MOSE, I KAPA ʻIA PUKA ʻANA 12:14

‘A e lilo nō kēia lā i mea e hoʻomanaʻo ai no ʻoukou; a e mālama ʻoukou ia lā i ʻahaʻaina na Iēhova, a hiki i ko ʻoukou mau hanauna a pau; e mālama ʻoukou ia i ʻahaʻaina, ma ke kānāwai mau loa.

KA BUKE ʻALUA A MOSE, I KAPA ʻIA PUKA ʻANA 13:9

“He hōʻailona nō ia nou ma kou lima, he mea hoʻomanaʻo nō hoʻi ma waena o kou mau maka, i mau ke kānāwai o Iēhova ma kou waha; no ka mea, me ka lima ikaika kā Iēhova i lawe mai ai iā ʻoe mai ʻAigupita mai.

KA BUKE ʻALUA A MOSE, I KAPA ʻIA PUKA ʻANA 17:14

¶ ʻĪ maila ʻo Iēhova iā Mose, “E palapala ʻoe i kēia ma loko o ka buke, i mea e hoʻomanaʻo ai, a e haʻi ma ka pepeiao o Iosua; no ka mea, e ʻānai loa ana au i kā ʻAmeleka mai lalo aʻe o ka lani.”

KA BUKE ʻALUA A MOSE, I KAPA ʻIA PUKA ʻANA 28:12

“A e kau ʻoe ia mau pōhaku ʻelua ma luna o nā poʻohiwi o ka ʻēpoda, i mau pōhaku e hoʻomanaʻo ai i nā keiki a ʻIseraʻela; a e lawe nō ʻo ʻAʻarona i ko lākou inoa i mua o Iēhova, ma luna o kona mau poʻohiwi ʻelua, i mea e hoʻomanaʻo ai.

KA WĀNANA A ʻISAIA 43:23

“ʻAʻole ʻoe i lawe mai iaʻu i ka hipa o kou mau mōhai kuni; ʻAʻole hoʻi ʻoe i hoʻomaikaʻi mai iaʻu i kāu mau mōhai. ʻAʻole au i hoʻokaumaha aku iā ʻoe i ka ʻālana, ʻAʻole hoʻi au i hoʻoluhiluhi aku iā ʻoe ma nā mea ʻala.

KA BUKE ʻAKOLU A MOSE, I KAPA ʻIA ʻOIHANA KAHUNA 2:1

¶ ‘A inā e lawe mai kekahi i ka mōhai ʻai, iā Iēhova, ʻo kāna mōhai auaneʻi he palaoa wali; a e ninini iho ʻo ia i ka ʻaila ma luna iho, a e kau hoʻi i ka libano ma luna iho.

KA BUKE ʻAKOLU A MOSE, I KAPA ʻIA ʻOIHANA KAHUNA 2:2

‘A e lawe mai ʻo ia ia i kā ʻAʻarona mau keiki, i nā kāhuna; a e lawe aʻe no loko, a piha kona lima i kona palaoa, a me kona ʻaila me kona libano a pau, a e kuni ke kahuna i kona mea hoʻomanaʻo, ma luna o ke kuahu, i mōhai i kaumaha ʻia ma ke ahi, he mea ʻala ʻono iā Iēhova.

KA BUKE ʻAKOLU A MOSE, I KAPA ʻIA ʻOIHANA KAHUNA 2:9

‘A e lawe ke kahuna i ka mea hoʻomanaʻo mai loko mai o ka mōhai ʻai, a e kuni aku ia mea ma ke kuahu; he mōhai ia i ʻālana ʻia ma ke ahi, he mea ʻala ʻono iā Iēhova.

KA ʻEUANELIO I KĀKAU ʻIA AI E IOANE 6:35

ʻŌlelo maila ʻo Iesū iā lākou, “ʻO wau nō ka berena e ola ai; ʻo ka mea e hele mai i oʻu nei, ʻaʻole loa ia e pōloli; a ʻo ka mea e manaʻoʻiʻo mai iaʻu, ʻaʻole loa ia e make wai.

KA ʻEUANELIO I KĀKAU ʻIA AI E IOANE 6:51

“ʻO wau nō ka berena ola, ka mea i iho mai mai ka lani mai. Inā e ʻai kekahi i kēia berena, e ola mau loa ia; a ʻo ka berena aʻu e hāʻawi aku ai, ʻo koʻu kino ia, ka mea aʻu e hāʻawi aku i ola no ko ke ao nei.”

NĀ ʻOIHANA A KA POʻE LUNAʻŌLELO 10:31

ʻī maila, ‘E Korenelio, ua lohe ʻia kāu pule, ua hoʻomanaʻo ʻia nō hoʻi kāu mau hoʻomanawaleʻa ʻana i mua o ke Akua.

NĀ ʻOIHANA A KA POʻE LUNAʻŌLELO 10:4

A i ka haka pono ʻana iā ia, makaʻu ihola, ʻī akula, “E ka Haku, he aha ia?” ʻĪ maila kēlā iā ia, “Ua piʻi i luna kāu mau pule, a me kāu mau manawaleʻa, i mea hoʻomanaʻo i mua o ke Akua.

ʻO KA ʻEPISETOLE A PAULO KA LUNAʻŌLELO I KO ʻEPESO 1:6

i hoʻomaikaʻi ʻia ai ka nani o kona aloha, āna i maliu mai ai iā kākou no ka Mea Aloha.

ʻO KA ʻEPISETOLE A PAULO KA LUNAʻŌLELO I KO HEBERA 7:25

No ia mea, e hiki mau ai iā ia ke hoʻōla i ka poʻe i hele mai i ke Akua ma ona lā, no kona ola mau loa ʻana e ʻuao ana no lākou.