KA BUKE ʻAKOLU A MOSE, I KAPA ʻIA ʻOIHANA KAHUNA 22:11 - Ka Baibala Hemolele

¹¹ ‘Akā, inā e kūʻai ke kahuna i ke kanaka me kāna kālā, e ʻai nō ʻo ia ia, a me ka mea i hānau ma loko o kona hale; ʻo lākou ke ʻai i kāna ʻai.

KA BUKE ʻAKOLU A MOSE, I KAPA ʻIA ʻOIHANA KAHUNA 22:11 Iomraidhean Croise

KA BUKE MUA A MOSE, I KAPA ʻIA KINOHI 12:5

Lawe aʻela ʻo ʻAberama i kāna wahine iā Sarai, a me Lota ke keiki a kona kaikuaʻana, a me ka waiwai a pau a lākou i hōʻiliʻili ai, a me nā ʻōhua a pau i loaʻa iā lākou ma Harana; a puka maila lākou e hele mai i ka ʻāina ʻo Kanaʻana; a hiki maila lākou i ka ʻāina ʻo Kanaʻana.

KA BUKE MUA A MOSE, I KAPA ʻIA KINOHI 17:13

“ʻO ka mea i hānau ma kou wahi, a me ka mea i kūʻai ʻia i kou kālā, he pono nō e ʻoki poepoe ʻia ʻo ia; a e pili auaneʻi kaʻu berita ma ko ʻoukou ʻiʻo i berita mau loa.

KA BUKE ʻALUA A MOSE, I KAPA ʻIA PUKA ʻANA 12:44

“Akā, ʻo ke kauā a kēlā kanaka kēia kanaka i kūʻai ʻia i ke kālā, aia ʻoki poepoe iho ʻoe iā ia, a laila ia e ʻai iho ai ia mea.

KA BUKE ʻAKOLU A MOSE, I KAPA ʻIA ʻOIHANA KAHUNA 21:22

‘ʻO ka berena a kona Akua, ʻo ka mea hoʻāno loa, a me ka mea hoʻāno, ʻo ia kāna e ʻai ai.

KA BUKE ʻAKOLU A MOSE, I KAPA ʻIA ʻOIHANA KAHUNA 22:12

‘Inā e mare ke kaikamahine a ke kahuna i ka malihini, ʻaʻole ʻo ia e ʻai i ka ʻālana o nā mea hoʻāno.

KA BUKE ʻAHĀ A MOSE, I KAPA ʻIA NĀ HELU 18:9

“ʻO kēia nō kāu no nā mea laʻa loa, mai ke ahi mai: ʻo nā mōhai makana a pau a lākou, ʻo nā mōhai ʻai a pau a lākou, ʻo nā mōhai hala a pau a lākou, a ʻo nā mōhai lawehala a lākou, nā mea a lākou e hāʻawi mai ai iaʻu, e laʻa loa ia nāu a na kāu poʻe keiki.