KA BUKE ʻAKOLU A MOSE, I KAPA ʻIA ʻOIHANA KAHUNA 21:5 - Ka Baibala Hemolele

⁵ ‘ʻAʻole lākou e hoʻoʻōhule i ko lākou mau poʻo, ʻaʻole hoʻi e kahi i nā kihi o ko lākou ʻumiʻumi, ʻaʻole hoʻi e ʻokiʻoki i ko lākou ʻiʻo iho.

KA BUKE ʻAKOLU A MOSE, I KAPA ʻIA ʻOIHANA KAHUNA 21:5 Iomraidhean Croise

KA WĀNANA A ʻISAIA 15:2

Piʻi aku nō ia i ka heiau, ma Dibona hoʻi, Ma nā wahi kiʻekiʻe e uē ai. E ʻaoa nō ʻo Moaba, no Nebo a me Medeba; E ʻōhule nō ko lākou poʻo a pau, E pau nō ka ʻumiʻumi i ke kahi ʻia.

KA WĀNANA A ʻISAIA 22:12

¶ Ia lā, hea mai nō ka Haku, ʻo Iēhova o nā kaua, E uē, a e kūmākena, I ka ʻōhule ʻana, a me ke kāʻei kapa ʻinoʻino.

KA WĀNANA A IEREMIA 16:6

“E make nō ka poʻe nui, a me ka poʻe ʻuʻuku ma kēia ʻāina; ʻaʻole lākou e kanu ʻia, ʻaʻole e kūmākena nā kānaka no lākou, ʻaʻole e ʻokiʻoki iā lākou iho, ʻaʻole hoʻi e koli i ke oho no lākou.

KA WĀNANA A IEREMIA 48:37

“E ʻōhule auaneʻi kēlā poʻo, kēia poʻo, e kahi ʻia nā ʻumiʻumi a pau, e ʻokiʻoki ʻia auaneʻi nā lima a pau, a e hume ʻia nā pūhaka i ka lole ʻinoʻino.

KA WĀNANA A ʻEZEKIʻELA 44:20

“ʻAʻole hoʻi lākou e kahi me ka pahi i ko lākou mau poʻo, ʻaʻole hoʻi e waiho i ko lākou mau wili lauoho e ulu a loloa; akā, e ʻako wale nō lākou i ko lākou mau poʻo.

KA WĀNANA A ʻEZEKIʻELA 5:1

¶ “A ʻo ʻoe, ke keiki a ke kanaka, e lawe ʻoe nou i pahi ʻoi, e lawe ʻoe i ka pahi kahi a ka mea kahi ʻumiʻumi, a e hoʻokahi ia ma kou poʻo a ma kou ʻumiʻumi; a laila e lawe ʻoe nāu i mea kaupaona, a e puʻunaue i ka lauoho.

KA BUKE ʻAKOLU A MOSE, I KAPA ʻIA ʻOIHANA KAHUNA 10:6

ʻŌlelo akula hoʻi ʻo Mose iā ʻAʻarona, a me ʻEleazara, a me ʻItamara, kāna mau keiki, “Mai wehe aʻe i ko ʻoukou mau poʻo, ʻaʻole hoʻi e uhae i ko ʻoukou mau kapa, o make ʻoukou, a kau mai ka inaina ma luna o ka poʻe kānaka a pau; akā, e uē ko ʻoukou poʻe hoahānau, ka ʻohana a pau o ʻIseraʻela, i ka ʻaʻā ʻana a Iēhova i kuni iho ai.

KA BUKE ʻAKOLU A MOSE, I KAPA ʻIA ʻOIHANA KAHUNA 21:4

‘ʻAʻole e hoʻohaumia ʻo ia iā ia iho, he haku i waena o kona poʻe kānaka, e hōʻino iā ia iho.

ʻAMOSA 8:10

“A e hoʻolilo au i kā ʻoukou mau ʻahaʻaina i auē ʻana, A i ko ʻoukou mau mele i kanikau ʻana; A e lawe mai au i ke kapa ʻino ma luna o nā pūhaka a pau, A me ka ʻōhule ma luna o nā poʻo a pau; A e hoʻohālike au ia mea me ka auē ʻana no ke keiki kama kahi, A i ka hope o ia mea e like me ka lā ʻawaʻawa.

MIKA 1:16

E hoʻoʻōhule ʻoe, a e ʻako i ke oho No nā keiki o kou makemake; E hoʻomāhuahua ʻoe i kou ʻōhule ʻana, e like me ka ʻaeto; No ka mea, ua hele pio akula lākou mai ou aku lā.

KA BUKE ʻALIMA A MOSE, I KAPA ʻIA KĀNĀWAI LUA 14:1

¶ “He poʻe keiki ʻoukou na Iēhova ko ʻoukou Akua; mai ʻokiʻoki ʻoukou iā ʻoukou iho, ʻaʻole hoʻi ʻoukou e ʻako i ke oho ma waena o nā maka o ʻoukou no ka mea i make.