KA BUKE ʻAKOLU A MOSE, I KAPA ʻIA ʻOIHANA KAHUNA 21:11 - Ka Baibala Hemolele

¹¹ ʻaʻole hoʻi e komo aʻe i ka mea i make, ʻaʻole hoʻi no kona makua kāne, a no kona makuahine paha, e hoʻohaumia ai ʻo ia iā ia iho.

KA BUKE ʻAKOLU A MOSE, I KAPA ʻIA ʻOIHANA KAHUNA 21:11 Iomraidhean Croise

KA BUKE ʻAKOLU A MOSE, I KAPA ʻIA ʻOIHANA KAHUNA 19:28

‘Mai ʻokiʻoki i ko ʻoukou ʻiʻo no ka mea make, ʻaʻole hoʻi e kākau kaha ma ko ʻoukou kino; ʻo wau nō Iēhova.

KA BUKE ʻAHĀ A MOSE, I KAPA ʻIA NĀ HELU 19:11

¶ ‘ʻO ka mea hoʻopā aku i ke kupapaʻu o kekahi kanaka, e haumia ʻo ia i nā lā ʻehiku.

KA BUKE ʻAHĀ A MOSE, I KAPA ʻIA NĀ HELU 19:14

¶ ‘Eia ke kānāwai i ka wā e make ai ke kanaka ma loko o kekahi hale lole; ʻo nā mea a pau i komo i loko o ua hale lole lā, a ʻo nā mea a pau o loko o ua hale lole lā, e haumia nō lākou i nā lā ʻehiku.

KA BUKE ʻAHĀ A MOSE, I KAPA ʻIA NĀ HELU 6:7

‘ʻAʻole ia e hoʻohaumia iā ia iho no kona makua kāne, ʻaʻole hoʻi no kona makuahine, ʻaʻole hoʻi no kona hoahānau kāne, ʻaʻole hoʻi no kona hoahānau wahine, ke make lākou; no ka mea, aia nō ma luna ona ke kapu no kona Akua.

KA ʻEUANELIO I KĀKAU ʻIA AI E LUKA 14:26

“Inā i hele mai kekahi kanaka i oʻu nei me ka hoʻowahāwahā ʻole i kona makua kāne, a me kona makuahine, a me kāna wahine, a me kāna mau keiki, a me kona mau hoahānau, a me kona ola nei, ʻaʻole e hiki iā ia ke lilo mai i haumāna naʻu.

ʻO KA ʻEPISETOLE LUA A PAULO KA LUNAʻŌLELO I KO KORINETO 5:16

No laila, ʻaʻole mākou e ʻike hou aku i kekahi ma ke kino; inā paha ua ʻike mākou iā Kristo ma ke kino, ʻaʻole mākou e ʻike hou aku iā ia ma laila.

KA BUKE ʻALIMA A MOSE, I KAPA ʻIA KĀNĀWAI LUA 33:9

“Ka mea i ʻōlelo ai i kona makua kāne, a me kona makuahine, ‘ʻAʻole au i ʻike iā ia’; ʻAʻole ia i ʻike i kona mau hoahānau, ʻAʻole hoʻi ia i ʻike i kāna mau keiki; No ka mea, ua mālama lākou i kāu ʻōlelo Ua mālama hoʻi lākou i kāu berita.