KA BUKE ʻAKOLU A MOSE, I KAPA ʻIA ʻOIHANA KAHUNA 21:10 - Ka Baibala Hemolele

¹⁰ ¶ ‘A ʻo ke kahuna nui i waena o kona poʻe hoahānau, ma luna iho o kona poʻo i ninini ʻia ka ʻaila poni, a ua hoʻolaʻa ʻia e komo i ke kapa, ʻaʻole hoʻi e uhae i kona mau kapa;

KA BUKE ʻAKOLU A MOSE, I KAPA ʻIA ʻOIHANA KAHUNA 21:10 Iomraidhean Croise

KA BUKE MUA A MOSE, I KAPA ʻIA KINOHI 37:34

Haehae ihola ʻo ʻIseraʻela i kona kapa, kāʻei aʻela i ke kapa ʻinoʻino ma kona pūhaka, a kanikau ihola ia i kāna keiki a nui nā lā.

KA BUKE ʻALUA A SAMUʻELA 15:30

¶ Piʻi akula ʻo Dāvida ma ke Ala Piʻi ʻo ʻOliveta, e uē ana ma kona hele ʻana, me ka uhi ʻia ʻo kona poʻo; a hele kāmaʻa ʻole ia; a uhi ihola kēlā kanaka kēia kanaka me ia i kona poʻo; a piʻi akula lākou, a uē ihola ma ko lākou hele ʻana.

KA BUKE NO ʻESETERA 6:12

Hele hou akula ʻo Moredekai i ka puka pā o ke aliʻi; akā, ʻo Hamana, wikiwiki aʻela ia i kona hale, me ke kaniʻuhū, a ua pūloʻu ʻia kona poʻo.

KA BUKE NO IOBA 1:20

¶ A laila kū aʻela ʻo Ioba, a haehae ihola i kona ʻaʻahu, a ʻako i kona poʻo, a hina i lalo i ka honua, a hoʻomana akula,

KA BUKE O NĀ HALELŪ 133:2

Ua like ia me ka poni maikaʻi ma ke poʻo, Ka mea i kahe i lalo ma ka ʻumiʻumi, Ma ka ʻumiʻumi hoʻi o ʻAʻarona, A hiki hoʻi i lalo i nā kihi o kona mau ʻaʻahu.

KA BUKE ʻALUA A MOSE, I KAPA ʻIA PUKA ʻANA 29:7

“A laila e lawe ʻoe i ka ʻaila poni, a e ninini iho ma luna o kona poʻo, a e poni hoʻi iā ia.

KA WĀNANA A ʻEZEKIʻELA 24:17

“Waiho i ka auē ʻana, ʻaʻole e kanikau no nā mea make, e kau aʻe hoʻi i kou pāpale hainakā ma luna ou, a e hāwele aʻe i kou mau kāmaʻa ma kou mau wāwae, ʻaʻole hoʻi e uhi i kou mau lehelehe, ʻaʻole hoʻi e ʻai i ka berena a kānaka.”

KA BUKE ʻAKOLU A MOSE, I KAPA ʻIA ʻOIHANA KAHUNA 13:45

¶ “A ʻo ka lēpera i loko ona ka maʻi, e uhae ʻia kona kapa, a e pāpale ʻole kona poʻo, a e uhi i kona lehelehe luna, a e kāhea aku, ‘He haumia, he haumia!’

KA BUKE ʻAKOLU A MOSE, I KAPA ʻIA ʻOIHANA KAHUNA 16:32

“A ʻo ke kahuna āna e poni ai, a e hoʻolaʻa ai, e hana ma ka ʻoihana kahuna ma kahi o kona makua kāne, ʻo ia ke hana i kalahala, a e hoʻokomo i nā kapa olonā, i nā kapa hoʻāno.

KA BUKE ʻAKOLU A MOSE, I KAPA ʻIA ʻOIHANA KAHUNA 4:3

inā e hana hewa ke kahuna i poni ʻia i hewa ai nā kānaka; a laila e lawe mai ʻo ia no ka hewa āna i hana ai, i ka bipi kāne ʻōpiopio kīnā ʻole iā Iēhova i mōhai lawehala.

KA BUKE ʻAKOLU A MOSE, I KAPA ʻIA ʻOIHANA KAHUNA 8:12

Ninini ihola hoʻi ʻo ia i kauwahi o ka ʻaila poni ma ke poʻo o ʻAʻarona, a poni ihola iā ia e hoʻāno iā ia.

KA BUKE ʻAHĀ A MOSE, I KAPA ʻIA NĀ HELU 35:25

‘A na ke anaina kanaka nō e hoʻopakele i ka pepehi kanaka mai loko aʻe o ka lima o ka mea hoʻopaʻi koko, a na ke anaina kanaka ia e hoʻihoʻi aku i ka puʻuhonua i kahi e holo aku ai ʻo ia; a ma laila ia e noho ai a make ke kahuna nui, ka mea i poni ʻia i ka ʻaila laʻa.

KA BUKE ʻAHĀ A MOSE, I KAPA ʻIA NĀ HELU 6:7

‘ʻAʻole ia e hoʻohaumia iā ia iho no kona makua kāne, ʻaʻole hoʻi no kona makuahine, ʻaʻole hoʻi no kona hoahānau kāne, ʻaʻole hoʻi no kona hoahānau wahine, ke make lākou; no ka mea, aia nō ma luna ona ke kapu no kona Akua.

KA ʻEUANELIO I KĀKAU ʻIA AI E MATAIO 26:65

A laila haehae ihola ke kahuna nui i kona ʻaʻahu, ʻī aʻela, “Ke ʻōlelo hōʻino wale nei ʻo ia nei; pehea lā e pono ai kākou i nā mea ʻike maka hou? Aia hoʻi, ua lohe iho nei ʻoukou i kāna ʻōlelo hōʻino ʻana.