KA BUKE ʻAKOLU A MOSE, I KAPA ʻIA ʻOIHANA KAHUNA 20:9 - Ka Baibala Hemolele

⁹ ¶ ‘No ka mea, ʻo kēlā kanaka kēia kanaka i kūamuamu i kona makua kāne a i kona makuahine paha, e make ʻiʻo nō ia; ua hōʻino aku ʻo ia i kona makua kāne, a i kona makuahine paha; ma luna ona kona koko iho.

KA BUKE ʻAKOLU A MOSE, I KAPA ʻIA ʻOIHANA KAHUNA 20:9 Iomraidhean Croise

KA BUKE ʻALUA A SAMUʻELA 1:16

ʻĪ akula ʻo Dāvida iā ia, “Ma luna o kou poʻo iho ke koko ou; no ka mea, ua ʻāhewa maila kou waha iho iā ʻoe, i ka ʻī ʻana, ‘Ua pepehi nō au i kā Iēhova mea i poni ʻia.’”

KA BUKE MUA NO NĀ ALIʻI 2:32

“A e hoʻihoʻi aku ʻo Iēhova i kona koko ma luna o ke poʻo ona, ʻo ka mea i lele aku i nā kānaka ʻelua ua ʻoi aku ko lāua pono me ko lāua maikaʻi ma mua o kona, a pepehi akula iā lāua me ka pahi kaua, me ka ʻike ʻole ʻo Dāvida koʻu makua kāne, iā ʻAbenera ke keiki a Nera, ka luna o ka poʻe koa o kā ʻIseraʻela, a me ʻAmasa ke keiki a Ietera ka luna o ka poʻe koa o kā Iuda.

KA BUKE ʻALUA A MOSE, I KAPA ʻIA PUKA ʻANA 21:17

“A ʻo ka mea hāʻiliʻili i kona makua kāne, a me kona makuahine, he ʻoiaʻiʻo nō, e make ia.

NĀ ʻŌLELO AKAMAI A SOLOMONA 20:20

ʻO ka mea hāʻiliʻili aku i kona makua kāne a me kona makuahine, E pio kona kukui i ke ʻōnohi o ka pouli.

NĀ ʻŌLELO AKAMAI A SOLOMONA 30:11

¶ ʻO kekahi hanauna, hōʻino nō i ka makua kāne, ʻAʻole hoʻi i hoʻomaikaʻi i ka makuahine.

NĀ ʻŌLELO AKAMAI A SOLOMONA 30:17

ʻO ka maka i hoʻowahāwahā i kona makua kāne, A hōʻole hoʻi ʻaʻole e mālama i kona makuahine, E kiko iho ka poʻe koraka o ke awāwa ia mea, A e ʻai iho nō ka poʻe ʻaeto ʻōpiopio.

KA WĀNANA A ʻEZEKIʻELA 18:13

ua hāʻawi aku e uku kuala ʻia mai, ua lawe hoʻi i ka uku paneʻe; a laila e ola anei ia? ʻAʻole ia e ola; ua hana ʻo ia i kēia mau mea inaina ʻia a pau. E make ʻiʻo nō ia, a ma luna ona kona koko iho.

KA WĀNANA A ʻEZEKIʻELA 22:7

“ʻO ka makua kāne a me ka makuahine kā lākou i hoʻowahāwahā ai i loko ou; ma ka hoʻoluhi hewa i hana aku ai lākou i ka malihini i loko ou; a ma loko ou i hoʻopilikia ai lākou i nā mea makua ʻole a me nā wāhine kāne make.

KA BUKE ʻAKOLU A MOSE, I KAPA ʻIA ʻOIHANA KAHUNA 20:16

‘A inā e hoʻokokoke aku ka wahine i ka holoholona e moe iho iā ia, e pepehi ʻoe ia wahine, a me ka holoholona; e make ʻiʻo nō lāua pū; ma luna o lāua ko lāua koko.

KA BUKE ʻAKOLU A MOSE, I KAPA ʻIA ʻOIHANA KAHUNA 20:27

¶ ‘ʻO ke kanaka, a ʻo ka wahine paha, he nīnau ʻuhane, a he kupua paha, e make nō ia; e hailuku lākou iā lāua me nā pōhaku; e kau nō ko lāua koko ma luna o lāua.’”

KA ʻEUANELIO I KĀKAU ʻIA AI E MATAIO 15:4

“Ua kauoha mai ke Akua, i ka ʻī ʻana mai, ‘«E mālama ʻoe i ka makua kāne a me ka makuahine»; a «ʻo ka mea ʻōlelo hōʻino aku i ka makua kāne a i ka makuahine paha, e make ia».’

KA ʻEUANELIO I KĀKAU ʻIA AI E MATAIO 27:25

ʻŌlelo maila ka poʻe kānaka a pau, “I luna iho o mākou kona koko, i luna hoʻi o kā mākou kamaliʻi!”

KA ʻEUANELIO I KĀKAU ʻIA AI E MAREKO 7:10

“No ka mea, ʻōlelo maila ʻo Mose, ‘«E mālama ʻoe i kou makua kāne, a me kou makuahine»’; a, ‘ʻO ka mea i hāʻiliʻili i ka makua kāne a me makuahine, e pepehi ʻia ʻo ia»’;

KA BUKE ʻALIMA A MOSE, I KAPA ʻIA KĀNĀWAI LUA 27:16

¶ ‘E pōʻino ke kanaka ke hoʻowahāwahā i kona makua kāne a me kona makuahine.’ A ʻo nā kānaka a pau e ʻōlelo mai, ‘Pēlā ʻiʻo nō!’

KA BUKE A IOSUA 2:19

“A ʻo ka mea puka ma waho o ka puka o kou hale ma ke alanui, aia nō kona koko ma luna o kona poʻo iho, a e hala ʻole māua; a ʻo nā mea ma ou nei, ma loko o ka hale, eia nō kona koko ma luna o ko māua poʻo, ke kau ka lima ma luna ona.

KA BUKE NO NĀ LUNA KĀNĀWAI 9:24

i kau mai ka loko ʻino ʻia o nā keiki a Ierubaʻala, he kanahiku, a me ko lākou koko, i kau mai ia ma luna o ʻAbimeleka, ʻo ko lākou kaikaina, ka mea i luku mai iā lākou, a ma luna hoʻi o nā kānaka o Sekema, ka poʻe i hoʻoikaika i kona lima e luku i kona poʻe hoahānau.