KA BUKE ʻAKOLU A MOSE, I KAPA ʻIA ʻOIHANA KAHUNA 2:13 - Ka Baibala Hemolele

¹³ ‘A ʻo nā ʻālana a pau o kāu mau mōhai ʻai, ʻo ia kāu e hoʻomiko ai me ka paʻakai; ʻaʻole ʻoe e hoʻonele i kāu mau mōhai ʻai i ka paʻakai o ka berita o kou Akua; me kāu mau mōhai a pau, e mōhai pū ʻoe i ka paʻakai.

KA BUKE ʻAKOLU A MOSE, I KAPA ʻIA ʻOIHANA KAHUNA 2:13 Iomraidhean Croise

KA BUKE ʻALUA O KA ʻOIHANA ALIʻI 13:5

ʻaʻole anei ʻoukou i ʻike, ua hāʻawi maila ʻo Iēhova ke Akua o kā ʻIseraʻela i ke aupuni ma luna o kā ʻIseraʻela, iā Dāvida, i mea mau loa iā ia, a me kāna poʻe mamo, me ka berita paʻakai?

KA BUKE A ʻEZERA 7:22

a hiki i ka haneri tālena kālā, a i haneri kora huapalaoa, a i ka haneri bato waina, a i ka haneri bato ʻaila, a me ka paʻakai ʻaʻole e hoʻākāka ʻia.

KA BUKE ʻALUA A MOSE, I KAPA ʻIA PUKA ʻANA 30:35

“A e hana ʻoe he mea ʻala, i lāʻau poni hoʻi, e like me ka hana ʻana i nā mea ʻala, i hana ʻia a miko, maikaʻi, a laʻa hoʻi.

KA WĀNANA A ʻEZEKIʻELA 43:24

‘A e kaumaha ʻoe ia mau mea ma ke alo o Iēhova, a e hoʻolei nā kāhuna i ka paʻakai ma luna o ia mau mea, a e kaumaha ia mau mea i mōhai kuni no Iēhova.

KA BUKE ʻAHĀ A MOSE, I KAPA ʻIA NĀ HELU 18:19

“ʻO nā mōhai kaʻikaʻi a pau no nā mea laʻa, nā mea a nā mamo a ʻIseraʻela e kaumaha ai na Iēhova, ʻo ia kaʻu i hāʻawi aku ai nāu, a na kāu poʻe keiki kāne a me nā kaikamāhine me ʻoe, ma ke kānāwai mau loa; he berita paʻakai mau loa ia i mua o Iēhova nou, a no kāu hua me ʻoe.”

KA ʻEUANELIO I KĀKAU ʻIA AI E MATAIO 5:13

“ʻO ʻoukou nō ka paʻakai o ka honua; akā, inā pau ka liʻu o ka paʻakai, pehea lā ia e liʻu hou ai? ʻAʻohe ona mea e pono ai ma ia hope, e kiola wale ia i waho e hehi ʻia ai e nā kānaka.

ʻO KA ʻEPISETOLE A PAULO KA LUNAʻŌLELO I KO KOLOSA 4:6

E hoʻomau ʻia ka maikaʻi o kā ʻoukou ʻōlelo, i miko ia i ka paʻakai, i ʻike ʻoukou i ka mea e pono ai ke ʻōlelo i kēlā kanaka a i kēia kanaka.