KA BUKE ʻAKOLU A MOSE, I KAPA ʻIA ʻOIHANA KAHUNA 17:8 - Ka Baibala Hemolele

⁸ ¶ “A e ʻōlelo aku ʻoe iā lākou, ‘ʻO kēlā kanaka kēia kānaka o ka ʻohana o ʻIseraʻela, a ʻo nā malihini e noho ana i waena o ʻoukou, ʻo ka mea e kaumaha i mōhai kuni a i ʻālana paha,

KA BUKE ʻAKOLU A MOSE, I KAPA ʻIA ʻOIHANA KAHUNA 17:8 Iomraidhean Croise

KA BUKE ʻALUA A SAMUʻELA 24:25

Hana ihola ʻo Dāvida i kuahu ma laila no Iēhova, a kaumaha akula ia i nā mōhai kuni, a me nā mōhai hoʻomalu. A maliu maila ʻo Iēhova i ka ʻāina, a hoʻōki ʻia ihola ke ahulau mai kā ʻIseraʻela aku.

KA BUKE ʻAKOLU A MOSE, I KAPA ʻIA ʻOIHANA KAHUNA 17:10

¶ ‘A ʻo kēlā kanaka kēia kānaka o ka ʻohana o ʻIseraʻela, a ʻo nā malihini e noho ana i waena o ʻoukou, ʻo ka mea e ʻai i kahi koko, e hoʻokūʻē au i kuʻu maka i kēlā kanaka, a e ʻoki aku au iā ia mai waena aku o kona poʻe kānaka.

KA BUKE ʻAKOLU A MOSE, I KAPA ʻIA ʻOIHANA KAHUNA 17:4

ʻaʻole hoʻi i lawe mai ia mea ma ka puka o ka halelewa o ke anaina, e kaumaha i ka mōhai iā Iēhova, ma ke alo o ka halelewa o Iēhova; e hoʻoili ʻia ke koko ma luna o ia kanaka, ua hoʻokahe ʻo ia i ke koko; a e ʻoki ʻia aku ua kanaka lā mai waena aku o kona poʻe kānaka,

KA BUKE ʻAKOLU A MOSE, I KAPA ʻIA ʻOIHANA KAHUNA 17:7

“ʻAʻole e kaumaha hou lākou i kā lākou mau mōhai i nā daimonio, ma muli o ia mau mea lākou i hele moekolohe ai. He kānāwai e mau ana kēia no lākou i ko lākou mau hanauna.”’

KA BUKE ʻAKOLU A MOSE, I KAPA ʻIA ʻOIHANA KAHUNA 17:9

ʻaʻole naʻe e lawe mai ia ma ka puka o ka halelewa o ke anaina e kaumaha no Iēhova; e ʻoki ʻia aku ua kanaka lā mai waena aku o kona poʻe kānaka.

KA BUKE ʻAKOLU A MOSE, I KAPA ʻIA ʻOIHANA KAHUNA 3:7

‘A inā e kaumaha ʻo ia i keiki hipa he mōhai āna, e kaumaha aku hoʻi ʻo ia ia mea ma ke alo o Iēhova.

MALAKI 1:11

“No ka mea, mai ka hikina o ka lā a hiki i ke komohana, e nui auaneʻi kuʻu inoa i waena o nā lāhui kanaka; a ma nā wahi a pau loa e kuni ʻia ai ka mea ʻala no kuʻu inoa, a me ka mōhai maʻemaʻe; no ka mea, e nui auaneʻi kuʻu inoa i waena o nā lāhui kanaka,” wahi a Iēhova o nā kaua.

KA BUKE A IOSUA 22:11

A lohe aʻela nā mamo a ʻIseraʻela, i ka ʻī ʻana mai, “Aia hoʻi, ua hana aʻela kā Reubena a me kā Gada a me ka ʻohana hapa a Manase i ke kuahu i mua o ka ʻāina ʻo Kanaʻana, ma ke kapa o Ioredane, ma kahi e hele aʻe nā mamo a ʻIseraʻela.”

KA BUKE A IOSUA 22:15

A hele akula lākou i kā Reubena poʻe mamo, a me kā Gada, a me ka ʻohana hapa a Manase, i ka ʻāina i Gileada, a kamaʻilio pū me lākou, ʻī akula:

KA BUKE A IOSUA 22:16

“Pēlā ka ʻōlelo ʻana mai a ke anaina a pau o Iēhova, ʻHe aha kēia hewa a ʻoukou i hana aku ai i ke Akua o ʻIseraʻela, e huli i kēia lā, mai o Iēhova aku, i ko ʻoukou kūkulu ʻana i kuahu no ʻoukou iho, i kipi aku ʻoukou i kēia lā iā Iēhova?

KA BUKE NO NĀ LUNA KĀNĀWAI 6:26

a e hana ʻoe i kuahu no Iēhova, no kou Akua, me ka hoʻonohonoho pono, ma luna o kēia wahi paʻa; a e lawe ʻoe i ka lua o nā bipi, a e kaumaha aku i mōhai kuni, me ka wahie o ua kiʻi o ʻAsetarota lā, āu e kua ai.”

KA BUKE MUA A SAMUʻELA 10:8

“A e iho ʻē ʻoe ma mua oʻu i Gilegala; aia hoʻi e iho ana au i ou lā, e kaumaha aku i nā mōhai kuni, a e kaumaha aku hoʻi i nā mōhai hoʻomalu; i nā lā ʻehiku ʻoe e kali ai, a hiki aku au i ou lā, a e hōʻike aku iā ʻoe i ka mea āu e hana aku ai.”

KA BUKE MUA A SAMUʻELA 16:2

ʻĪ akula ʻo Samuʻela, “Pehea lā wau e hele ai? Inā lohe ʻo Saula, e pepehi mai ia iaʻu.” ʻŌlelo maila ʻo Iēhova, “E lawe pū me ʻoe i bipi wahine, a e ʻī aku, ‘Ua hele mai nei au e kaumaha aku iā Iēhova.’

KA BUKE MUA A SAMUʻELA 7:9

Lawe akula ʻo Samuʻela i ke keiki hipa omo waiū, a kaumaha akula ia mea a pau i mōhai kuni iā Iēhova; a kāhea akula ʻo Samuʻela iā Iēhova no kā ʻIseraʻela, a hoʻolohe mai ʻo Iēhova iā ia.