KA BUKE ʻAKOLU A MOSE, I KAPA ʻIA ʻOIHANA KAHUNA 16:13 - Ka Baibala Hemolele

¹³ “A e kau ʻo ia i ka mea ʻala ma luna iho o ke ahi ma ke alo o Iēhova, i uhi aʻe ke ao o ka mea ʻala, i ka noho aloha ma luna o ka berita, i ʻole ai ia e make.

KA BUKE ʻAKOLU A MOSE, I KAPA ʻIA ʻOIHANA KAHUNA 16:13 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 25:21

“A e kau nō ʻoe i ka noho aloha ma luna ma ka pahu; a ma loko o ka pahu ʻoe e waiho ai i nā papa Kānāwai aʻu e hāʻawi aku ai iā ʻoe.

KA BUKE ʻALUA A MOSE, I KAPA ʻIA PUKA ʻANA 28:43

“Ma luna o ʻAʻarona ia mea, a ma luna o kāna mau keiki kāne, iā lākou e hele mai ai i loko o ka halelewa o ka ʻaha kanaka, a iā lākou e hoʻokokoke mai ai i ke kuahu, e lawelawe ma kahi kapu, i kau ʻole ai ka hewa ma luna o lākou a make. He kānāwai mau loa ia nona, a no kāna poʻe mamo ma hope ona.

KA BUKE ʻALUA A MOSE, I KAPA ʻIA PUKA ʻANA 30:1

¶ “E hana ʻoe i kuahu, i wahi e puhi ai i ka mea ʻala. E hana ʻoe ia mea i ka lāʻau sitima.

KA BUKE ʻAKOLU A MOSE, I KAPA ʻIA ʻOIHANA KAHUNA 22:9

‘E mālama hoʻi lākou i kaʻu ʻoihana, o hoʻoili lākou i ka hewa ma luna ona, a make, ke hoʻohaumia lākou ia mea; naʻu na Iēhova lākou e hoʻāno nei.

KA BUKE ʻAHĀ A MOSE, I KAPA ʻIA NĀ HELU 16:18

A lawe aʻela kēlā kanaka kēia kanaka i kona ipu kuni ʻala, hahao ihola i ke ahi ma loko, a kau i ka mea ʻala ma luna, a kū aʻela ma ka puka o ka halelewa o ke anaina me Mose a me ʻAʻarona.

KA BUKE ʻAHĀ A MOSE, I KAPA ʻIA NĀ HELU 16:46

ʻĪ akula ʻo Mose iā ʻAʻarona, “E lawe ʻoe i wahi ipu kuni ʻala, a e hahao i ke ahi ma loko mai luna mai o ke kuahu, e kau hoʻi i ka mea ʻala ma luna, a e hele koke aku i ke anaina kanaka, a e hoʻokalahala no lākou; no ka mea, ua hele akula ka inaina mai o Iēhova aku; ua hoʻomaka ʻia ke ahulau.”

KA BUKE ʻAHĀ A MOSE, I KAPA ʻIA NĀ HELU 16:7

e hahao i ke ahi ma loko, e hahao hoʻi i ka mea ʻala ma loko i mua o Iēhova i ka lā ʻapōpō; a ʻo ka mea a Iēhova e wae mai ai, ʻo ia ka mea laʻa; he nui loa kā ʻoukou, e nā mamo a Levi!”

KA BUKE ʻAHĀ A MOSE, I KAPA ʻIA NĀ HELU 4:15

“A pau aʻela ka uhi ʻana o ʻAʻarona a me kāna mau keiki kāne i ke keʻena kapu, i nā ipu a pau o ke keʻena kapu, no ka neʻeneʻe ʻana aku o ka poʻe hoʻomoana; a ma hope iho, e hele mai nā mamo a Kohata e halihali; akā, ʻaʻole lākou e hoʻopā aku i kekahi mea i laʻa, o make lākou. ʻO kēia mau mea ka ukana a ka poʻe mamo a Kohata ma ka halelewa o ke anaina.

KA BUKE ʻAHĀ A MOSE, I KAPA ʻIA NĀ HELU 4:20

“ʻAʻole naʻe lākou e komo i loko e nānā i ka uhi ʻana i nā mea hoʻāno, o make lākou.”

KA BUKE ʻALIMA A MOSE, I KAPA ʻIA KĀNĀWAI LUA 33:10

“E aʻo aku lākou i kāu ʻōlelo kūpaʻa i kā Iakoba, A i kou kānāwai i kā ʻIseraʻela. E kau lākou i ka mea ʻala i mua ou, A me ka mōhai pono ma luna o kou kuahu.

ʻO KA ʻEPISETOLE A PAULO KA LUNAʻŌLELO I KO HEBERA 7:25

No ia mea, e hiki mau ai iā ia ke hoʻōla i ka poʻe i hele mai i ke Akua ma ona lā, no kona ola mau loa ʻana e ʻuao ana no lākou.

ʻO KA ʻEPISETOLE A PAULO KA LUNAʻŌLELO I KO HEBERA 9:24

No ka mea, ʻaʻole ʻo Kristo i komo i loko o ka halelewa i hana ʻia e nā lima, he aka wale nō no ka mea ʻoiaʻiʻo; akā, i loko o ka lani ponoʻī i hōʻike mau iā ia iho ma ke alo o ke Akua no kākou.