KA BUKE ʻAKOLU A MOSE, I KAPA ʻIA ʻOIHANA KAHUNA 10:6 - Ka Baibala Hemolele

⁶ ʻŌlelo akula hoʻi ʻo Mose iā ʻAʻarona, a me ʻEleazara, a me ʻItamara, kāna mau keiki, “Mai wehe aʻe i ko ʻoukou mau poʻo, ʻaʻole hoʻi e uhae i ko ʻoukou mau kapa, o make ʻoukou, a kau mai ka inaina ma luna o ka poʻe kānaka a pau; akā, e uē ko ʻoukou poʻe hoahānau, ka ʻohana a pau o ʻIseraʻela, i ka ʻaʻā ʻana a Iēhova i kuni iho ai.

KA BUKE ʻAKOLU A MOSE, I KAPA ʻIA ʻOIHANA KAHUNA 10:6 Iomraidhean Croise

KA BUKE ʻALUA A SAMUʻELA 24:1

¶ Ua hoʻaʻā hou ʻia ka inaina o Iēhova i kā ʻIseraʻela, a ua hoʻowalewale ʻia mai ʻo Dāvida ma luna o lākou, e kēnā aku ai, “E haele e helu aku i kā ʻIseraʻela a me kā Iuda.”

KA BUKE A ʻEZERA 7:5

ke keiki a ʻAbisua, ke keiki a Pinehasa, ke keiki a ʻEleazara, ke keiki a ʻAʻarona ke kahuna nui.

KA BUKE ʻALUA A MOSE, I KAPA ʻIA PUKA ʻANA 33:5

No ka mea, ua ʻōlelo mai ʻo Iēhova iā Mose, “E ʻī aku ʻoe i nā mamo a ʻIseraʻela, ‘He poʻe kānaka ʻāʻī ʻoʻoleʻa ʻoukou; i ka minute hoʻokahi, e piʻi aku nō au i waenakonu ou, a e hoʻopau iā ʻoe. No laila, e wehe ʻoe i kou kāhiko ʻana mai ou aku lā, i ʻike au i ka mea e hana aku ai iā ʻoe.’”

KA BUKE ʻALUA A MOSE, I KAPA ʻIA PUKA ʻANA 6:23

Lawe aʻela ʻo ʻAʻarona iā ʻEliseba, i ke kaikamahine a ʻAminadaba, ʻo ke kaikuahine o Nahesona i wahine nāna, a hānau maila nāna: ʻo Nadaba, ʻo ʻAbihu, ʻo ʻEleazara a me ʻItamara.

KA WĀNANA A IEREMIA 7:29

‘E ʻako ʻoe i kou lauoho, a e hoʻolei aku, A e olo ka pihe ma luna o nā wahi kiʻekiʻe; No ka mea, ua hōʻole ʻo Iēhova, A ua haʻalele hoʻi i ka hanauna o kona ukiuki.’

KA BUKE ʻAKOLU A MOSE, I KAPA ʻIA ʻOIHANA KAHUNA 13:45

¶ “A ʻo ka lēpera i loko ona ka maʻi, e uhae ʻia kona kapa, a e pāpale ʻole kona poʻo, a e uhi i kona lehelehe luna, a e kāhea aku, ‘He haumia, he haumia!’

MIKA 1:16

E hoʻoʻōhule ʻoe, a e ʻako i ke oho No nā keiki o kou makemake; E hoʻomāhuahua ʻoe i kou ʻōhule ʻana, e like me ka ʻaeto; No ka mea, ua hele pio akula lākou mai ou aku lā.

KA BUKE ʻAHĀ A MOSE, I KAPA ʻIA NĀ HELU 1:53

“Akā, ʻo nā Levi, e hoʻomoana lākou ma ka halelewa o ke Kānāwai a puni, i kau ʻole mai ai ka inaina ma luna iho o ke anaina kanaka o nā mamo a ʻIseraʻela; a na nā Levi e mālama i ka ʻoihana o ka halelewa o ke Kānāwai.”

KA BUKE ʻAHĀ A MOSE, I KAPA ʻIA NĀ HELU 14:6

A ʻo Iosua ke keiki a Nuna, a ʻo Kaleba ke keiki a Iepune, ʻo lāua kekahi o nā mea i mākaʻikaʻi i ka ʻāina, haehae aʻela lāua i ko lāua kapa;

KA BUKE ʻAHĀ A MOSE, I KAPA ʻIA NĀ HELU 16:22

Moe ihola lāua, i lalo ke alo, ʻī akula, “E ke Akua, ke Akua o nā ʻuhane o nā kānaka a pau, a i hewa ke kanaka hoʻokahi, e inaina mai nō anei ʻoe i ke anaina kanaka a pau?”

KA BUKE ʻAHĀ A MOSE, I KAPA ʻIA NĀ HELU 18:5

“A e mālama ʻoukou i ka ʻoihana o ke keʻena kapu a me ka ʻoihana o ke kuahu; i kau hou ʻole ai ka inaina ma luna o nā mamo a ʻIseraʻela.

KA BUKE ʻAHĀ A MOSE, I KAPA ʻIA NĀ HELU 20:25

“E lawe ʻoe iā ʻAʻarona a me kāna keiki ʻo ʻEleazara, e kaʻi aku iā lāua ma luna ma ke kuahiwi ʻo Hora;

KA BUKE ʻAHĀ A MOSE, I KAPA ʻIA NĀ HELU 5:18

‘A e hoʻonoho ke kahuna i ka wahine i mua o Iēhova, a e wehe i ka pale o ke poʻo o ua wahine lā, a e waiho i ka mōhai hoʻomanaʻo i loko o kona lima, ʻo ia ka mōhai no ka lili; a e paʻa ke kahuna i ka wai ʻawaʻawa e hoʻopōʻino ai ma kona lima iho.

KA BUKE ʻALIMA A MOSE, I KAPA ʻIA KĀNĀWAI LUA 33:9

“Ka mea i ʻōlelo ai i kona makua kāne, a me kona makuahine, ‘ʻAʻole au i ʻike iā ia’; ʻAʻole ia i ʻike i kona mau hoahānau, ʻAʻole hoʻi ia i ʻike i kāna mau keiki; No ka mea, ua mālama lākou i kāu ʻōlelo Ua mālama hoʻi lākou i kāu berita.

KA BUKE A IOSUA 22:18

i huli ai ʻoukou i kēia lā, mai o Iēhova aku? A i kipi aku ʻoukou iā Iēhova i kēia lā, a ʻapōpō e huhū mai ʻo ia i ke anaina a pau o ʻIseraʻela.

KA BUKE A IOSUA 22:20

ʻʻAʻole anei i lawehala ʻo ʻAkana, ke keiki a Zera, i ka mea laʻa, ʻaʻole anei i hiki mai ka huhū ma luna o nā mamo a pau a ʻIseraʻela? ʻAʻole ʻo ia wale nō kai make i kona hewa.’”

KA BUKE A IOSUA 7:1

¶ Lawe hala ihola nā mamo a ʻIseraʻela ma ka mea laʻa; no ka mea, ʻo ʻAkana, ke keiki a Karemi, ke keiki a Zabedi, ke keiki a Zera, no ka ʻohana o Iuda, lālau akula ia i ka mea laʻa, a laila, wela ihola ka inaina o Iēhova i nā mamo a ʻIseraʻela.

KA BUKE A IOSUA 7:11

“Ua lawehala kā ʻIseraʻela, ua ʻae hoʻi lākou ma luna o kaʻu berita, aʻu i kauoha aku ai iā lākou, a ua lawe hoʻi lākou i ka mea laʻa, a ua ʻaihue a ua hoʻopunipuni hoʻi, a ua waiho pū nō hoʻi ia mea me ko lākou mea iho.