KE KAHUNA 8:3 - Ka Baibala Hemolele

³ “Mai wikiwiki ʻoe i kou hele ʻana mai kona alo aku; mai kūpaʻa ʻoe ma ka mea ʻino; no ka mea, ke hana lā ia i nā mea a pau loa āna i makemake ai.”

KE KAHUNA 8:3 Iomraidhean Croise

KE KAHUNA 10:4

Inā e kūʻē iā ʻoe ka manaʻo o ke aliʻi, mai haʻalele i kou wahi; no ka mea, ʻo ka noho mālie, ʻo ia ka mea e hōʻoluʻolu aku ai ka huhū nui.

KA BUKE NO DANIʻELA 5:19

“A no ka hanohano āna i hāʻawi mai ai iā ia, ua makaʻu, a haʻalulu ihola nā lāhui kanaka, a me nā ʻāina, a me nā ʻōlelo i mua ona; ua pepehi ia i kāna mau mea i makemake ai, a ua hoʻōla nō hoʻi ʻo ia i kāna mau mea i makemake ai; ua hoʻokiʻekiʻe hoʻi ia i kāna mau mea i makemake ai, ua hoʻohaʻahaʻa nō hoʻi ia i nā mea āna i makemake ai.

KA BUKE NO DANIʻELA 4:35

“A ua manaʻo ʻia ko ka honua a pau he mea ʻole; Ua hana nō hoʻi ʻo ia e like me kona makemake ma waena o nā pūʻali o ka lani, A me ko ka honua; ʻAʻole e hiki i kekahi ke hoʻopaʻa aku i kona lima, ʻAʻole hoʻi e ʻōlelo aku iā ia, ‘He aha kāu e hana nei?’

NĀ ʻŌLELO AKAMAI A SOLOMONA 14:29

ʻO ka mea ʻuʻumi i ka huhū, ʻo ia kai noʻonoʻo nui; ʻO ka mea hikiwawe i ka huhū, ʻo ia ke hōʻike i ka lapuwale.

KA WĀNANA A ʻISAIA 48:4

“No ka mea, ʻike mua nō au, ua paʻakikī ʻoe, A ʻo kou ʻāʻī hoʻi, he olonā hao, A ʻo kou lae hoʻi, he keleawe.

NĀ ʻŌLELO AKAMAI A SOLOMONA 30:31

ʻO ka ʻīlio hahai, a ʻo ke kao kāne hoʻi, A ʻo ke aliʻi, hiki ʻole ke kūʻē iā ia.

KA BUKE MUA A MOSE, I KAPA ʻIA KINOHI 47:9

ʻĪ akula ʻo Iakoba iā Paraʻo, “ʻO nā lā o koʻu mau makahiki i noho malihini ai, hoʻokahi ia haneri makahiki a me kanakolu. He hapa a he ʻino hoʻi nā lā o koʻu mau makahiki e ola nei; ʻaʻole naʻe i loaʻa iaʻu nā lā a me nā makahiki o koʻu poʻe kūpuna i ko lākou noho malihini ʻana.”

NĀ ʻŌLELO AKAMAI A SOLOMONA 24:21

¶ E kuʻu keiki, e makaʻu aku iā Iēhova, a me ke aliʻi; Me ka poʻe lolelua ka naʻau, mai launa aku.