KA BUKE NO DANIʻELA 9:9 - Ka Baibala Hemolele

⁹ “I ka Haku ko mākou Akua ke aloha, a me ke kala i nā hala; ua kipi aku nō naʻe mākou iā ia;

KA BUKE NO DANIʻELA 9:9 Iomraidhean Croise

KA BUKE ʻALUA A SAMUʻELA 24:14

ʻĪ akula ʻo Dāvida iā Gada, “He pilikia nui koʻu; e aho e hāʻule iho kākou ʻānō i loko o nā lima o Iēhova; no ka mea, he nui kona aloha; ʻaʻole au e make hāʻule i loko o ka lima o kānaka.”

KA BUKE MUA NO NĀ ALIʻI 8:30

“A e hoʻolohe mai ʻoe i ka nonoi ʻana o kāu kauā nei, a ʻo kou poʻe kānaka hoʻi ʻo ʻIseraʻela, i ka wā e pule ai lākou i kēia wahi; a e hoʻolohe mai ʻoe ma kou wahi e noho ai ma ka lani, a lohe ʻoe, e kala mai.

KA BUKE A NEHEMIA 9:31

“ʻAʻole naʻe ʻoe i hoʻopau loa iā lākou no kou lokomaikaʻi he nui nō, ʻAʻole hoʻi i haʻalele ʻoe iā lākou; No ka mea, he Akua lokomaikaʻi nō ʻoe a me ke aloha.

KA BUKE O NĀ HALELŪ 130:4

Akā, ma ou lā ke kala ʻana o ka hala, I makaʻu ʻia aku ai ʻoe.

KA BUKE O NĀ HALELŪ 130:7

E kakali ʻo kā ʻIseraʻela iā Iēhova; no ka mea, Me Iēhova nō ka lokomaikaʻi, a me ia nō hoʻi ka hoʻōla pānaʻi nui wale.

KA BUKE O NĀ HALELŪ 62:12

Nou nō hoʻi, e ka Haku, e aloha mai; No ka mea, ua uku mai ʻoe i kēlā kanaka i kēia kanaka, e like me kāna hana.

KA BUKE O NĀ HALELŪ 86:15

Akā, ʻo ʻoe nō ke Akua aloha, a me ka lokomaikaʻi, e ka Haku, E hoʻokaʻulua ana i ka huhū, A ua nui hoʻi ka lokomaikaʻi, a me ka ʻoiaʻiʻo.

KA BUKE O NĀ HALELŪ 86:5

A; no ka mea hoʻi, ua maikaʻi ʻoe, e ka Haku, a ua maliu koke mai hoʻi; Manomano kou lokomaikaʻi i ka poʻe a pau i hea aku iā ʻoe.

KA WĀNANA A ʻISAIA 55:7

E haʻalele ke kanaka hewa i kona ʻaoʻao, A me ke kanaka lawehala, i kona mau manaʻo; A e hoʻi mai hoʻi ʻo ia i o Iēhova lā, a e lokomaikaʻi nō ʻo ia iā ia, A i ko kākou Akua hoʻi; no ka mea, e kala nui loa auaneʻi ʻo ia.

KA WĀNANA A ʻISAIA 63:7

¶ ʻO ke aloha o Iēhova kaʻu e hōʻikeʻike aku ai, ʻO nā mea nani hoʻi o Iēhova, E like me nā mea a pau a Iēhova i hana mai ai iā mākou, A me ka lokomaikaʻi nui i ko ka hale o ʻIseraʻela, Ka mea āna i hana mai ai, ma kona lokomaikaʻi, A ma ka nui loa hoʻi o kona aloha.

KA WĀNANA A IEREMIA 14:7

“E Iēhova, ke hōʻike kūʻē mai nei ko mākou hewa iā mākou; Akā, e hana mai ʻoe no kou inoa iho; No ka mea, ua nui loa ko mākou hoʻi hope ʻana, Ua hana hewa mākou iā ʻoe.

KA WĀNANA A ʻEZEKIʻELA 20:13

“Akā, kipi maila ka ʻohana a ʻIseraʻela iaʻu ma ka wao nahele, ʻaʻole lākou i hele ma kaʻu mau kauoha, ua hoʻowahāwahā hoʻi lākou i koʻu mau kānāwai, ‘ʻo nā mea ke mālama ʻia e ke kanaka, e ola ia i laila’; a ua hoʻohaumia nui lākou i koʻu mau Sābati. A laila ʻōlelo akula au, E ninini aku au i koʻu ukiuki ma luna o lākou ma ka wao nahele, e hoʻopau ai iā lākou.

KA BUKE NO DANIʻELA 9:5

ua lawehala mākou, a ua hana hewa hoʻi, me ka hana ʻino wale aku, a me ke kipi aku nō hoʻi, ma ka haʻalele ʻana i kāu mau kauoha, a me kou mau kānāwai.

KA BUKE NO DANIʻELA 9:6

“ʻAʻole mākou i hoʻolohe i kāu poʻe kauā, i nā kāula, ka poʻe nāna i ʻōlelo mai ma kou inoa i ko mākou poʻe aliʻi, a me ko mākou poʻe kaukaualiʻi, a me ko mākou mau mākua, a me nā kānaka a pau o ka ʻāina.

KA BUKE NO DANIʻELA 9:7

“E ka Haku ē, iā ʻoe nō ka pono; akā, iā mākou nō ka hilahila o ka maka, e like me ia i kēia lā; i nā kānaka o Iuda, a me ko Ierusalema poʻe, a me kā ʻIseraʻela a pau, ka poʻe ma kahi kokoke, a ma kahi mamao aku, a ma nā ʻāina a pau kahi āu i kipaku ai iā lākou no ka hala a lākou i lawehala aku ai iā ʻoe.

KA BUKE NO DANIʻELA 9:8

“E ka Haku, iā mākou nō ka hilahila o ka maka, i ko mākou poʻe aliʻi, a i ko mākou poʻe kaukaualiʻi, a i ko mākou poʻe mākua hoʻi; no ka mea, ua hana hewa mākou iā ʻoe.

IONA 4:2

A pule akula nō ia iā Iēhova, ʻī akula, “Ke noi aku nei au iā ʻoe, e Iēhova, ʻaʻole anei kēia kuʻu ʻōlelo, i kuʻu noho ʻana ma koʻu ʻāina? No laila i holo aku ai au ma mua i Taresisa; no ka mea, ua ʻike nō au he Akua ahonui ʻoe, a me ke aloha, e hākālia ana i ka huhū, a he lokomaikaʻi nui, a me ka haʻalele i ka manaʻo hoʻopaʻi.