KA BUKE NO DANIʻELA 9:6 - Ka Baibala Hemolele

⁶ “ʻAʻole mākou i hoʻolohe i kāu poʻe kauā, i nā kāula, ka poʻe nāna i ʻōlelo mai ma kou inoa i ko mākou poʻe aliʻi, a me ko mākou poʻe kaukaualiʻi, a me ko mākou mau mākua, a me nā kānaka a pau o ka ʻāina.

KA BUKE NO DANIʻELA 9:6 Iomraidhean Croise

KA BUKE ʻALUA NO NĀ ALIʻI 18:12

No ka mea, ʻaʻole lākou i hoʻolohe i ka leo o Iēhova ko lākou Akua, a ua haʻi iā lākou kāna berita, a me nā mea a pau a Mose, ke kauā a Iēhova, i kauoha mai ai, ʻaʻole lākou i mālama, ʻaʻole hoʻi i hana.

KA BUKE ʻALUA O KA ʻOIHANA ALIʻI 33:10

¶ ʻŌlelo mai ʻo Iēhova iā Manase a me kona poʻe kānaka; ʻaʻole hoʻi lākou i hoʻolohe.

KA BUKE A ʻEZERA 9:7

“Mai ka manawa o ko mākou poʻe mākua, ua noho mākou i loko o ka hewa nui, a hiki i kēia manawa; a no ko mākou hewa, i hāʻawi ʻia mākou, a me ko mākou mau aliʻi, a me ko mākou poʻe kāhuna, i loko o ka lima o nā aliʻi o nā ʻāina ʻē, i ka pahi kaua, a i ka lawe pio ʻana, a i ka luku ʻia, a i ka hilahila o nā maka, e like me ia i kēia lā.

KA BUKE A NEHEMIA 9:30

“Akā, hoʻomanawanui nō ʻoe iā lākou i nā makahiki he nui nō, A aʻo pinepine aku ʻoe iā lākou me kou ʻUhane i loko o ka poʻe kāula. ʻAʻole naʻe i hāliu mai ko lākou pepeiao; No laila hāʻawi akula ʻoe iā lākou i loko o ka lima o nā lāhui kanaka o nā ʻāina.

KA BUKE A NEHEMIA 9:32

¶ “ʻĀnō hoʻi, e ko mākou Akua, Ke Akua nui, mana, a hoʻoweliweli, E mālama ana i ka berita a me ka lokomaikaʻi, Mai manaʻo mai ʻoe he ʻuʻuku ka pōpilikia a pau I hiki maila ma luna o mākou nei, Ma luna o ko mākou poʻe aliʻi, ma luna o nā luna o mākou, A ma luna o ko mākou poʻe kāhuna, a ma luna o nā kāula o mākou, Ma luna o ko mākou poʻe mākua, a ma luna hoʻi o kou poʻe kānaka a pau, Mai nā lā mai o nā aliʻi o ʻAsuria a hiki i kēia lā.

KA BUKE A NEHEMIA 9:34

“A ʻo ko mākou poʻe aliʻi, ko mākou poʻe luna, Ko mākou poʻe kāhuna, a me ko mākou poʻe mākua, ʻAʻole lākou i mālama i kou kānāwai, ʻAʻole hoʻi i hoʻolohe i kāu mau kauoha a me kāu mau ʻōlelo aʻo Āu i aʻo pinepine mai ai iā lākou.

KA WĀNANA A IEREMIA 26:5

e hoʻolohe i nā ʻōlelo a kaʻu poʻe kauā, nā kāula aʻu i hoʻouna aku ai iā ʻoukou, e ala ana i ka wanaʻao me ka hoʻouna aku; akā, ʻaʻole ʻoukou i hoʻolohe;

KA WĀNANA A IEREMIA 29:19

no ka mea, ʻaʻole lākou i hoʻolohe mai i kaʻu mau ʻōlelo,’ wahi a Iēhova, ‘nā ʻōlelo aʻu i hoʻouna aku ai iā lākou ma kaʻu mau kauā, ma nā kāula hoʻi, e ala ana i ka wanaʻao e hoʻouna; akā, ʻaʻole ʻoukou i hoʻolohe mai,’ wahi a Iēhova.

KA WĀNANA A IEREMIA 44:16

“ʻO ka ʻōlelo āu i ʻōlelo mai ai iā mākou ma ka inoa ʻo Iēhova, ʻaʻole mākou e hoʻolohe aku iā ʻoe.

KA WĀNANA A IEREMIA 7:13

“A no kā ʻoukou hana ʻana i kēia mau mea a pau,” wahi a Iēhova; “a ʻōlelo aku hoʻi au iā ʻoukou, me ke ala aʻe i ka wanaʻao e ʻōlelo, ʻaʻole naʻe ʻoukou i hoʻolohe; a hea aku nō hoʻi au iā ʻoukou, ʻaʻole ʻoukou i ō mai;

KA WĀNANA A IEREMIA 7:24

“Akā, ʻaʻole lākou i hoʻolohe mai, ʻaʻole hoʻi i hāliu mai i ko lākou pepeiao; akā, hele nō lākou ma ka noʻonoʻo ʻana a ma ka paʻakikī o ko lākou naʻau hewa, a hoʻi hope lākou, ʻaʻole i hele mua.

KA BUKE NO DANIʻELA 9:10

ʻaʻole hoʻi mākou i hoʻolohe i ka leo o Iēhova, ko mākou Akua, e hele ma kona mau kānāwai, nā mea āna i haʻi mai ai i mua o mākou ma kāna poʻe kauā o nā kāula.

KA BUKE NO DANIʻELA 9:9

“I ka Haku ko mākou Akua ke aloha, a me ke kala i nā hala; ua kipi aku nō naʻe mākou iā ia;

KA ʻEUANELIO I KĀKAU ʻIA AI E MATAIO 23:37

¶ “E Ierusalema, e Ierusalema! Ka mea nāna i pepehi i nā kāula, a i hailuku hoʻi i ka poʻe i hoʻouna ʻia mai i ou nei; nani kuʻu makemake e hōʻuluʻulu mai i kāu poʻe keiki, e like me ka hōʻuluʻulu ʻana a ka moa i kāna ʻohana keiki ma lalo iho o kona mau ʻēheu; ʻaʻole naʻe ʻoukou i makemake mai.

NĀ ʻOIHANA A KA POʻE LUNAʻŌLELO 13:27

“No ka mea, ʻo ka poʻe i noho ma Ierusalema, a me ko lākou mau aliʻi, ʻaʻole lākou i ʻike iā ia, a me ka leo a nā kāula, ka mea i heluhelu ʻia i nā lā Sābati a pau, ua hoʻokō lākou ia leo i ko lākou hoʻohewa ʻana iā ia.