KA BUKE NO DANIʻELA 9:4 - Ka Baibala Hemolele

⁴ A pule akula au iā Iēhova i koʻu Akua, me ka haʻi aku i koʻu hewa, a me ka ʻī aku, “E ka Haku, ke Akua nui, a me ka weliweli, ka mea nāna i mālama i ka berita, a me ke aloha i ka poʻe i aloha aku iā ia, a me ka poʻe i mālama i kona mau kānāwai;

KA BUKE NO DANIʻELA 9:4 Iomraidhean Croise

KA BUKE MUA NO NĀ ALIʻI 8:23

ʻĪ akula ʻo ia, “E Iēhova ke Akua o kā ʻIseraʻela, ʻaʻohe Akua ma ka lani i luna, ʻaʻole hoʻi ma ka honua i lalo nei, e like me ʻoe ka Mea nāna e mālama mai i ka berita a me ke aloha me kāu mau kauā ka poʻe e hele ana ma kou alo me ko lākou naʻau a pau.

KA BUKE ʻALUA O KA ʻOIHANA ALIʻI 7:14

inā e hoʻohaʻahaʻa koʻu poʻe kānaka iā lākou iho, ka poʻe i kapa ʻia koʻu inoa ma luna o lākou, a e pule lākou, a e ʻimi i koʻu alo, a huli mai ko lākou ʻaoʻao hewa mai; a laila, e hoʻolohe au mai ka lani mai, a e kala au i ko lākou hewa, a e hoʻōla i ko lākou ʻāina.

KA BUKE A ʻEZERA 10:1

¶ A pau kā ʻEzera pule ʻana, a me ka uē ʻana, a me ka moe ʻana i mua o ka hale o ke Akua, hoʻākoakoa ʻia aʻela i ona lā he anaina kanaka nui loa o kā ʻIseraʻela, nā kāne, me nā wāhine a me nā kamaliʻi; no ka mea, he nui loa ka uē o nā kānaka.

KA BUKE A NEHEMIA 1:5

A ʻī akula, “Ke noi aku nei au iā ʻoe, e Iēhova ke Akua o ka lani, ke Akua nui hoʻoweliweli, e mālama ana i ka berita a i ke aloha no ka poʻe i aloha aku iā ia a mālama hoʻi i kāna mau kauoha;

KA BUKE A NEHEMIA 9:32

¶ “ʻĀnō hoʻi, e ko mākou Akua, Ke Akua nui, mana, a hoʻoweliweli, E mālama ana i ka berita a me ka lokomaikaʻi, Mai manaʻo mai ʻoe he ʻuʻuku ka pōpilikia a pau I hiki maila ma luna o mākou nei, Ma luna o ko mākou poʻe aliʻi, ma luna o nā luna o mākou, A ma luna o ko mākou poʻe kāhuna, a ma luna o nā kāula o mākou, Ma luna o ko mākou poʻe mākua, a ma luna hoʻi o kou poʻe kānaka a pau, Mai nā lā mai o nā aliʻi o ʻAsuria a hiki i kēia lā.

KA BUKE O NĀ HALELŪ 32:5

Ua haʻi aku au i koʻu hewa iā ʻoe; ʻAʻole au i hūnā i koʻu lawehala ʻana. ʻĪ ihola au, “E haʻi aku au i koʻu hala iā Iēhova”; A ua kala mai ʻoe i ka hewa o kaʻu lawehala ʻana. Sila.

KA BUKE ʻALUA A MOSE, I KAPA ʻIA PUKA ʻANA 20:6

a e aloha ana hoʻi i nā tausani o ka poʻe e aloha mai iaʻu, a e mālama hoʻi i koʻu mau kānāwai.

KA WĀNANA A IEREMIA 3:13

‘E haʻi wale mai hoʻi ʻoe i kou hewa, I kāu hana hewa ʻana iā Iēhova i kou Akua, A ua lūlū aku ʻoe i kou mau ʻaoʻao I nā malihini, ma lalo o nā lāʻau uliuli a pau, ʻAʻole hoʻi ʻoukou i hoʻolohe i koʻu leo,’ wahi a Iēhova.

KA WĀNANA A IEREMIA 32:23

‘A komo maila lākou a noho ihola; akā, ʻaʻole lākou i hoʻolohe i kou leo, ʻaʻole hoʻi i hele ma kou kānāwai; ʻaʻole lākou i hana iki i ka mea a pau āu i kauoha mai ai iā lākou e hana; no laila ua kau mai ai ʻoe i kēia pōpilikia a pau ma luna iho o lākou.

KA BUKE NO DANIʻELA 6:10

¶ A ʻike ihola ʻo Daniʻela, ua kau ka inoa ma ua palapala lā, komo ihola ʻo ia i loko o kona hale; a ua hāmama kekahi mau puka makani o kona keʻena ma luna, ma ka ʻaoʻao e kū pono ana i Ierusalema, kukuli ihola ʻo ia ma kona kuli, ʻekolu manawa i ka lā hoʻokahi, pule akula, a hoʻomaikaʻi akula i mua o kona Akua, e like me ia ma mua.

KA BUKE NO DANIʻELA 9:3

A hāliu akula au i koʻu maka i ka Haku i ke Akua e ʻimi aku ma ka pule, a me ka nonoi ʻana, me ka hoʻokē ʻai, a me ke kapa ʻino, a me ka lehu ahi.

KA ʻEUANELIO I KĀKAU ʻIA AI E LUKA 1:72

E hana lokomaikaʻi ana mai i ko kākou poʻe kūpuna, A me ka hoʻomanaʻo ʻana hoʻi i kāna berita hemolele;

ʻO KA ʻEPISETOLE A PAULO KA LUNAʻŌLELO I KO ROMA 8:28

Ua ʻike nō hoʻi kākou, e kōkua pū ana nā mea a pau e pono ai ka poʻe aloha i ke Akua, ka poʻe i koho ʻia mai ma muli o kona manaʻo.

KA BUKE ʻALIMA A MOSE, I KAPA ʻIA KĀNĀWAI LUA 5:10

e aloha ana hoʻi i nā tausani o ka poʻe aloha mai iaʻu, a mālama mai hoʻi i kaʻu mau kauoha.

KA BUKE ʻALIMA A MOSE, I KAPA ʻIA KĀNĀWAI LUA 7:12

¶ “No ia hoʻi, inā e hoʻolohe ʻoukou i kēia mau ʻōlelo kūpaʻa, a e mālama, a e hana hoʻi ia mau mea, a laila e mālama mai ʻo Iēhova kou Akua i ka berita a me ke aloha nou, āna i hoʻohiki ai i kou poʻe kūpuna.

KA BUKE ʻALIMA A MOSE, I KAPA ʻIA KĀNĀWAI LUA 7:21

“Mai makaʻu ʻoe iā lākou; no ka mea, i waena ou ʻo Iēhova kou Akua, he Akua nui, hoʻoweliweli.

KA BUKE ʻALIMA A MOSE, I KAPA ʻIA KĀNĀWAI LUA 7:9

“E ʻike hoʻi ʻoe, ʻo Iēhova kou Akua, ʻo ia nō ke Akua, he Akua ʻoiaʻiʻo, e mālama ana i ka berita, a i ke aloha no ka poʻe i aloha aku iā ia, a mālama hoʻi i kāna mau kauoha, a hiki i ke tausani o nā hanauna;

ʻO KA ʻEPISETOLE HOʻOLAHA A IAKOBO 1:12

¶ Pōmaikaʻi wale ke kanaka, ke kūpaʻa ia i ka hoʻowalewale ʻia mai; no ka mea, a pau kona hoʻāʻo ʻia mai, e loaʻa auaneʻi iā ia ka lei o ke ola i ʻōlelo ʻia mai ai e ka Haku no ka poʻe e aloha aku ana iā ia.

ʻO KA ʻEPISETOLE HOʻOLAHA A IAKOBO 2:5

E hoʻolohe ʻoukou, e nā hoahānau aloha oʻu, ʻaʻole anei ke Akua i wae aʻe i ka poʻe ʻilihune o ke ao nei e lako i ka manaʻoʻiʻo, a e lilo i poʻe hoʻoilina o ke aupuni āna i ʻōlelo mai ai i ka poʻe e aloha aku ana iā ia?