KA BUKE NO DANIʻELA 9:3 - Ka Baibala Hemolele

³ A hāliu akula au i koʻu maka i ka Haku i ke Akua e ʻimi aku ma ka pule, a me ka nonoi ʻana, me ka hoʻokē ʻai, a me ke kapa ʻino, a me ka lehu ahi.

KA BUKE NO DANIʻELA 9:3 Iomraidhean Croise

KA BUKE ʻALUA A SAMUʻELA 12:16

No laila, nonoi akula ʻo Dāvida i ke Akua no ke keiki; hoʻokē ʻai ihola ʻo Dāvida, komo akula, a moe ihola ma ka honua a ao ka pō.

KA BUKE A ʻEZERA 10:6

A laila kū aʻela ʻo ʻEzera mai ke alo mai o ka hale o ke Akua, a komo i loko o ke keʻena o Iehohanana ke keiki a ʻEliasiba; a hiki aku ia i laila, ʻaʻole ia i ʻai i ka ʻai, ʻaʻole hoʻi i inu i ka wai; no ka mea, uē ihola ia no ka hewa o ka poʻe pio i hoʻi mai.

KA BUKE A ʻEZERA 8:21

¶ A laila kūkala aku au i hoʻokē ʻai ma laila ma ka muliwai ʻo ʻAhava, i hoʻohaʻahaʻa iho ai mākou iā mākou iho i mua o ko kākou Akua, e ʻimi aku iā ia i ʻaoʻao pono no mākou, a no kā mākou kamaliʻi, a no kā mākou waiwai a pau.

KA BUKE A ʻEZERA 9:5

¶ A i ka mōhai ahiahi kū aʻela au mai kuʻu kaumaha ʻana, a haehae ihola i kuʻu lole komo, a me kuʻu ʻaʻahu, kukuli ihola au, a hohola akula i kuʻu mau lima iā Iēhova i koʻu Akua.

KA BUKE A NEHEMIA 9:1

¶ I ka lā iwakāluakumamāhā o kēia malama, ua hōʻuluʻulu ʻia maila kā ʻIseraʻela me ka hoʻokē ʻai ʻana, a me ke kapa ʻinoʻino, a me ka lepo ma luna iho o lākou.

KA BUKE NO ʻESETERA 4:16

“Ō hele, a e hoʻākoakoa mai i nā Iudaio a pau i loaʻa ma Susana nei, a e hoʻokē ʻai ʻoukou noʻu, mai ʻai, mai inu hoʻi, i nā lā ʻekolu, ʻaʻole i ka pō, ʻaʻole i ke ao; a ʻo wau nō kekahi e hoʻokē ʻai, a me koʻu poʻe wāhine, a pēlā wau e komo aku ai i ke aliʻi lā; ʻaʻole ia i kūpono i ke kānāwai; akā, inā e make au, make nō!”

KA BUKE NO IOBA 42:6

“No laila ke hoʻowahāwahā nei au iaʻu iho, Ke mihi hoʻi au i loko o ka lepo a me ka lehu.”

KA BUKE O NĀ HALELŪ 35:13

Akā, ʻo wau nei lā, i ko lākou maʻi ʻana, ʻO ke kapa ʻino kaʻu i ʻaʻahu ai; A hoʻokaumaha au i kuʻu ʻuhane me ka hoʻokē ʻai, A ua hoʻi mai kaʻu pule i loko o kuʻu poli iho.

KA WĀNANA A ʻISAIA 22:12

¶ Ia lā, hea mai nō ka Haku, ʻo Iēhova o nā kaua, E uē, a e kūmākena, I ka ʻōhule ʻana, a me ke kāʻei kapa ʻinoʻino.

KA WĀNANA A IEREMIA 33:3

‘E hea mai ʻoe iaʻu, a e ō aku nō wau iā ʻoe, a e hōʻike aku iā ʻoe i nā mea nui a paʻakikī, aʻu i ʻike ʻole ai.’

KA WĀNANA A ʻEZEKIʻELA 36:37

¶ ‘Ke ʻī mai nei Iēhova ka Haku, penei, “E nīnau ʻia hoʻi au no kēia e ka ʻohana a ʻIseraʻela, e hana aku ia mea no lākou; e hoʻonui aku au iā lākou i kānaka me he ʻohana hipa lā.

KA BUKE NO DANIʻELA 6:10

¶ A ʻike ihola ʻo Daniʻela, ua kau ka inoa ma ua palapala lā, komo ihola ʻo ia i loko o kona hale; a ua hāmama kekahi mau puka makani o kona keʻena ma luna, ma ka ʻaoʻao e kū pono ana i Ierusalema, kukuli ihola ʻo ia ma kona kuli, ʻekolu manawa i ka lā hoʻokahi, pule akula, a hoʻomaikaʻi akula i mua o kona Akua, e like me ia ma mua.

KA BUKE NO DANIʻELA 9:2

i ka makahiki mua o kona aliʻi ʻana, ʻike ihola au, ʻo Daniʻela nei, i loko o nā buke, i ka helu ʻana o nā makahiki ma ka ʻōlelo ʻana mai a Iēhova iā Ieremia i ke kāula, i hoʻopau ʻia mai ai nā makahiki he kanahiku o ko Ierusalema luku ʻia ʻana.

KA BUKE NO DANIʻELA 9:20

¶ A i kaʻu ʻōlelo ʻana, a me kaʻu pule ʻana, a me koʻu haʻi ʻana i koʻu hewa, a me ka hewa o koʻu poʻe o kā ʻIseraʻela, a i koʻu noi ʻana i mua o Iēhova koʻu Akua no ka mauna hoʻāno o koʻu Akua;

KA BUKE NO DANIʻELA 9:4

A pule akula au iā Iēhova i koʻu Akua, me ka haʻi aku i koʻu hewa, a me ka ʻī aku, “E ka Haku, ke Akua nui, a me ka weliweli, ka mea nāna i mālama i ka berita, a me ke aloha i ka poʻe i aloha aku iā ia, a me ka poʻe i mālama i kona mau kānāwai;

IOʻELA 1:13

¶ E kāʻei iā ʻoukou iho, a e kanikau, e nā kahuna; E ʻaoa ʻoukou, e nā lawehana o ke kuahu; E hele mai, e noho a ao ka pō i loko o ke kapa ʻinoʻino, e nā lawehana a kuʻu Akua; No ka mea, ua hoʻōki ʻia ka mōhai makana, a me ka mōhai inu mai ka hale aku o ko ʻoukou Akua.

IOʻELA 2:12

“ʻĀnō hoʻi,” wahi a Iēhova, “E hoʻi hou mai ʻoukou iaʻu me ko ʻoukou naʻau a pau, A me ka hoʻokē ʻai ʻana, a me ka uē ʻana, a me ke kanikau ʻana;

IONA 3:5

¶ A manaʻoʻiʻo akula nā kānaka o Nineva i ke Akua, a haʻi aku i ka hoʻokē ʻai, a hoʻokomo lākou i ke kapa ʻinoʻino, mai ka mea nui o lākou a ka mea ʻuʻuku o lākou.

KA ʻEUANELIO I KĀKAU ʻIA AI E MATAIO 17:21

“Akā, ʻaʻole e puka wale aku ka mea me nēia, aia ma ka pule a me ka hoʻokē ʻai wale nō.”

KA ʻEUANELIO I KĀKAU ʻIA AI E LUKA 2:37

A he wahine kāne make ia, he kanawalukumamāhā makahiki ona, ʻaʻole hoʻi ia i haʻalele i ka luakini; akā, ua mālama mau ʻo ia i ke Akua me ka hoʻopōloli a me ka pule, i ka pō a me ke ao.

NĀ ʻOIHANA A KA POʻE LUNAʻŌLELO 10:30

ʻĪ akula ʻo Korenelio, “ʻEhā lā ma mua aku nei, e hoʻokē ʻai ana au, a hiki i kēia hora; a i ka hora ʻaiwa, pule ihola au ma koʻu hale, aia hoʻi, kū maila kekahi kanaka i mua oʻu me ka ʻaʻahu hinuhinu,