KA BUKE NO DANIʻELA 9:18 - Ka Baibala Hemolele

¹⁸ “E koʻu Akua, e hāliu mai i kou pepeiao, a e hoʻolohe mai; e wehe i kou mau maka, a e nānā mai i ko mākou pōʻino, a me ke kūlanakauhale i kapa ʻia ma kou inoa; no ka mea, ʻaʻole pule aku mākou i mua ou no ko mākou pono; akā, no kou aloha nui mai nō.

KA BUKE NO DANIʻELA 9:18 Iomraidhean Croise

KA BUKE MUA NO NĀ ALIʻI 8:29

e nānā mau mai kou mau maka i kēia hale i ka pō a me ke ao, i kahi āu i ʻōlelo mai ai, ‘Ma laila auaneʻi koʻu inoa,’ i hoʻolohe mai hoʻi ʻoe i ka pule a kāu kauā e haipule ai i kēia wahi.

KA BUKE ʻALUA NO NĀ ALIʻI 19:16

“E Iēhova, e hāliu mai kou pepeiao, a e lohe; e Iēhova, e wehe aʻe i kou maka, a ʻike; a lohe i nā ʻōlelo a Senakeriba, āna i hoʻouna mai ai e hōʻino aku i ke Akua ola.

KA BUKE O NĀ HALELŪ 116:1

¶ Ke aloha aku nei au iā Iēhova, No ka mea, ua hoʻolohe mai ʻo ia i ka leo o koʻu nonoi ʻana.

KA BUKE O NĀ HALELŪ 25:6

E hoʻomanaʻo ʻoe, e Iēhova, i kou aloha a me kou lokomaikaʻi; No ka mea, he mau mea kahiko loa mai nō ia.

KA BUKE ʻALUA A MOSE, I KAPA ʻIA PUKA ʻANA 3:7

ʻĪ maila ʻo Iēhova, “I kuʻu nānā ʻana ua ʻike nō wau i ka luhi ʻana o koʻu poʻe kānaka ma ʻAigupita, ua lohe nō hoʻi au i kā lākou kaniʻuhū ʻana, no nā luna hoʻoluhi o lākou; ua ʻike hoʻi au i ko lākou ʻehaʻeha ʻana.

KA WĀNANA A ʻISAIA 37:17

“E hāliu mai kou pepeiao, e Iēhova, a e hoʻolohe mai hoʻi; E wehe ʻoe i kou mau maka, e Iēhova, a e nānā mai; e hoʻolohe hoʻi i nā ʻōlelo a pau a Sanekariba, nā mea āna i hoʻouka mai ai e hōʻino i ke Akua ola.

KA WĀNANA A ʻISAIA 43:7

“ʻO nā mea hoʻi a pau i hea ʻia ma koʻu inoa, A no koʻu nani i hana aku ai au iā lākou; Naʻu nō i hoʻokumu, naʻu hoʻi i hana.”

KA WĀNANA A ʻISAIA 64:12

E ʻuʻumi anei ʻoe iā ʻoe no kēia mau mea, e Iēhova? E noho ʻekemu ʻole anei ʻoe, a e hoʻopilikia loa mai iā mākou?

KA WĀNANA A ʻISAIA 64:6

Akā, ua like nō mākou a pau me ka mea haumia, Ua like hoʻi ko mākou pono a pau me ke kapa peʻa; A mae wale nō hoʻi mākou a pau, e like me ka lau; A ua kaʻikaʻi aku nō ko mākou hewa iā mākou, e like me ka makani.

KA WĀNANA A IEREMIA 14:7

“E Iēhova, ke hōʻike kūʻē mai nei ko mākou hewa iā mākou; Akā, e hana mai ʻoe no kou inoa iho; No ka mea, ua nui loa ko mākou hoʻi hope ʻana, Ua hana hewa mākou iā ʻoe.

KA WĀNANA A IEREMIA 14:9

“No ke aha lā ʻoe e like ai me ke kanaka pilihua, E like hoʻi me ke kanaka koa hiki ʻole ke hoʻōla? Akā, ʻo ʻoe, e Iēhova, eia nō ʻoe i waenakonu o mākou, A ua kapa ʻia mākou ma kou inoa; Mai haʻalele ʻoe iā mākou!”

KA WĀNANA A IEREMIA 15:16

Ua loaʻa nō kāu mau ʻōlelo, a ʻai nō wau ia mau mea; A lilo kāu ʻōlelo iaʻu i mea ʻoliʻoli, a i mea hoʻi e hauʻoli ai koʻu naʻau; No ka mea, ua kapa ʻia wau ma kou inoa, E Iēhova, ke Akua o nā kaua.

KA WĀNANA A IEREMIA 25:29

“No ka mea, aia hoʻi, ke hoʻomaka nei au e lawe mai i ka hewa ma luna o ke kūlanakauhale i kapa ʻia ma koʻu inoa, a e hoʻopaʻi ʻole loa ʻia anei ʻoukou? ʻAʻole ʻole ko ʻoukou hoʻopaʻi ʻia; no ka mea, e hea aku nō wau i ka pahi kaua, e hele aʻe ma luna o ka poʻe a pau e noho lā ma ka honua,” wahi a Iēhova o nā kaua.’

KA WĀNANA A IEREMIA 36:7

“Inā paha e nonoi lākou iā Iēhova, a huli kēlā mea kēia mea, mai kona ʻaoʻao hewa mai. No ka mea, ua nui ka huhū a me ka inaina a Iēhova i haʻi aku ai iā lākou.”

KA WĀNANA A IEREMIA 37:20

“No laila, ke nonoi aku nei au iā ʻoe e hoʻolohe mai, e kuʻu Haku ke aliʻi. Ke nonoi aku nei au, i ʻae ʻia mai kaʻu nonoi ʻana i mua ou, i ʻole ʻoe e hoʻihoʻi iaʻu i ka hale o Ionatana, ke kākau ʻōlelo, o make auaneʻi au ma laila.”

KA WĀNANA A ʻEZEKIʻELA 36:22

¶ “No laila, e ʻōlelo aku i ka ʻohana a ʻIseraʻela, ‘Ke ʻī mai nei Iēhova ka Haku, penei: “ʻAʻole no ʻoukou i hana aku ai au i kēia, e ka ʻohana a ʻIseraʻela; akā, no koʻu inoa hoʻāno a ʻoukou i hoʻohaumia ai i waena o nā lāhui kanaka, kahi i hele aku ai ʻoukou.

KA WĀNANA A ʻEZEKIʻELA 36:32

“ʻAʻole hoʻi no ʻoukou e hana aku ai au i kēia,” wahi a Iēhova ka Haku, “e ʻike ʻia ia e ʻoukou; e hilahila, a e pilihua hoʻi ʻoukou no ko ʻoukou mau ʻaoʻao iho, e ka ʻohana a ʻIseraʻela.”

KA BUKE NO DANIʻELA 9:7

“E ka Haku ē, iā ʻoe nō ka pono; akā, iā mākou nō ka hilahila o ka maka, e like me ia i kēia lā; i nā kānaka o Iuda, a me ko Ierusalema poʻe, a me kā ʻIseraʻela a pau, ka poʻe ma kahi kokoke, a ma kahi mamao aku, a ma nā ʻāina a pau kahi āu i kipaku ai iā lākou no ka hala a lākou i lawehala aku ai iā ʻoe.

KA BUKE ʻAHĀ A MOSE, I KAPA ʻIA NĀ HELU 6:27

“A e kau aku lākou i koʻu inoa ma luna iho o nā mamo a ʻIseraʻela, a e hoʻopōmaikaʻi aku au iā lākou.”

ʻO KA ʻEPISETOLE MUA A PAULO KA LUNAʻŌLELO I KO KORINETO 1:2

na ka ʻekalesia o ke Akua ma Korineto, na ka poʻe i hoʻomaʻemaʻe ʻia i loko o Kristo Iesū, a i hoʻolilo ʻia i poʻe haipule, a na ka poʻe a pau ma nā wahi a pau loa i hea aku i ka inoa ʻo Iesū Kristo, i ko lākou Haku a me ko kākou.