KA BUKE NO DANIʻELA 9:12 - Ka Baibala Hemolele

¹² “A ua hoʻokō mai ʻo ia i ka ʻōlelo āna i ʻōlelo kūʻē mai ai iā mākou, a me ko mākou poʻe luna kānāwai, ka poʻe nāna mākou i hoʻokolokolo mai, i kona hoʻoili ʻana ma luna o mākou i ka pōʻino nui; no ka mea, ʻaʻohe hana ma lalo iho o ka lani a puni e like me ka mea i hana ʻia ma luna o Ierusalema.

KA BUKE NO DANIʻELA 9:12 Iomraidhean Croise

KA BUKE MUA NO NĀ ALIʻI 3:9

“No laila, e hāʻawi mai ʻoe i naʻauao i kāu kauā nei e hoʻomalu i kou poʻe kānaka, i hiki iaʻu ke hoʻokaʻawale ma waena o ka pono a me ka hewa; no ka mea, ʻo wai lā ka mea e hiki iā ia ke hoʻoponopono i kou lāhui kanaka he nui loa me nēia?”

KA BUKE ʻALUA NO NĀ ALIʻI 22:16

“Ke ʻōlelo mai nei ʻo Iēhova pēnēia, ‘Aia hoʻi, e lawe mai ana au i ka ʻino ma luna o kēia wahi, a ma luna o kona poʻe kānaka, i nā mea a pau o ka buke a ke aliʻi o kā Iuda i heluhelu ai;

KA BUKE NO IOBA 12:17

“Ua lawe pio aku ia i nā kākāʻōlelo, A hoʻolilo i nā luna kānāwai i poʻe hāwāwā.

KA BUKE O NĀ HALELŪ 148:11

Nā aliʻi o ka honua, a me nā lāhui kanaka a pau; Nā kaukaualiʻi, a me nā luna kānāwai a pau o ka honua;

KA BUKE O NĀ HALELŪ 2:10

¶ No ia hoʻi, e hoʻonaʻauao ʻoukou, e nā aliʻi; E ao ʻia aku nō hoʻi ʻoukou, e nā luna kānāwai o ka honua.

NĀ ʻŌLELO AKAMAI A SOLOMONA 8:16

“Ma oʻu nei nō hoʻi e hoʻomalu ai nā kiaʻāina, A me nā aliʻi, a me nā luna kānāwai a pau o ka honua.

KA WĀNANA A ʻISAIA 43:28

“A e hoʻohaumia aku au i nā luna hoʻāno, A e hāʻawi aku au i kā Iakoba no ka pōʻino, A me kā ʻIseraʻela no ka hōʻino ʻia.

KA WĀNANA A ʻISAIA 44:26

“Ka Mea hoʻokūpaʻa i ka ʻōlelo a kāna kauā, A hoʻokō hoʻi i ka manaʻo aʻo o kona poʻe ʻelele; Ka Mea ʻōlelo iā Ierusalema, ‘E noho hou iā ʻoe,’ A i nā kūlanakauhale o kā Iuda, ‘E hana hou ʻia no ʻoukou,’ A naʻu nō e hoʻāla hou i ko laila mau wahi i hoʻoneoneo ʻia;

KA WĀNANA A IEREMIA 30:7

‘Auē! No ka mea, he lā nui ia, ʻAʻohe mea e like mea ia, ʻO ka manawa nō ia o ka pōpilikia o kā Iakoba; Akā, e hoʻōla ʻia nō ʻo ia, mai loko mai o ia.

KA WĀNANA A IEREMIA 32:23

‘A komo maila lākou a noho ihola; akā, ʻaʻole lākou i hoʻolohe i kou leo, ʻaʻole hoʻi i hele ma kou kānāwai; ʻaʻole lākou i hana iki i ka mea a pau āu i kauoha mai ai iā lākou e hana; no laila ua kau mai ai ʻoe i kēia pōpilikia a pau ma luna iho o lākou.

KA WĀNANA A IEREMIA 39:16

“Ō hele a e ʻōlelo aku iā ʻEbede-Meleka i kā ʻAitiopa, i ka ʻī ʻana aku, ‘Ke ʻōlelo mai nei ʻo Iēhova o nā kaua, ke Akua o kā ʻIseraʻela; “Aia hoʻi, e hoʻokau mai nō wau i kaʻu mau ʻōlelo ma luna o kēia kūlanakauhale no ka hewa, ʻaʻole no ka maikaʻi; a e hiki mai nō ia i mua ou i kēlā lā.

KA WĀNANA A IEREMIA 44:23

“No ka mea, ua kuni ʻoukou i ka mea ʻala, a ua hana hewa ʻoukou iā Iēhova, ʻaʻole hoʻi i hoʻolohe i ka leo o Iēhova, ʻaʻole hoʻi i hele ma muli o kona kānāwai, ʻaʻole ma muli o kāna mau kauoha, a me kāna hōʻike ʻana; no laila i hiki mai ai kēia hewa ma luna o ʻoukou, me ia i kēia lā.”

KE KANIKAU A IEREMIA 1:12

“He mea ʻole ia iā ʻoukou a pau, e hele aʻe nei ma ke ala? E nānā mai naʻe, a e ʻike, Inā e like kekahi ʻehaʻeha me koʻu ʻehaʻeha, Ka mea i kau ʻia ma luna oʻu, Ka mea a Iēhova i hoʻokaumaha mai ai iaʻu, I ka lā o kona inaina nui.

KE KANIKAU A IEREMIA 2:13

He aha ka mea aʻu e lawe ai i mea hōʻike nāu? He aha ka mea aʻu e hoʻohālike ai iā ʻoe, e ke kaikamahine o Ierusalema? He aha ka mea aʻu e kau like ai me ʻoe, I hoʻomaha aku ai au iā ʻoe, e ke kaikamahine puʻupaʻa o Ziona? No ka mea, ua laulā kou wāwahi ʻia, e like me ke kai; ʻO wai ka mea hoʻōla aku iā ʻoe?

KE KANIKAU A IEREMIA 2:17

Ua hana ʻo Iēhova i ka mea āna i manaʻo ai, Ua hoʻokō ʻo ia i kāna ʻōlelo āna i kauoha mai ai i nā lā ma mua; Ua hoʻohiolo ʻo ia, ʻaʻole i aloha mai; Ua hoʻohauʻoli ʻo ia i ka ʻenemi ma luna ou, Ua hoʻokiʻekiʻe ʻo ia i ka pepeiaohao o kou poʻe ʻenemi.

KE KANIKAU A IEREMIA 4:6

Ua hōʻoi ʻia aku ka hewa o ke kaikamahine a koʻu poʻe kānaka, Ma mua o ka hewa o ko Sodoma, Ka mea i hoʻokahuli ʻia ma ke ʻamo ʻana o ka maka, ʻAʻohe lima ikaika ma luna ona.

KA WĀNANA A ʻEZEKIʻELA 13:6

“Ua ʻike lākou i ka mea lapuwale, a me ka wānana wahaheʻe, e ʻī ana, ‘Wahi a Iēhova’; ʻaʻole ʻo Iēhova i hoʻouna iā lākou; a ua hoʻolana lākou i ka manaʻo o kekahi poʻe e hoʻokō ʻia ai ua ʻōlelo lā.

KA WĀNANA A ʻEZEKIʻELA 5:9

‘A e hana aku au i loko ou i ka mea aʻu i hana ʻole ai, i ka mea aʻu e hana like ʻole hou aku ai, no kāu mau mea i inaina ʻia a pau.

KA BUKE NO DANIʻELA 12:1

¶ “Ia manawa, e kū mai i luna ʻo Mikaʻela, ua aliʻi nui lā, ka mea nāna e kōkua i nā keiki o kou poʻe kānaka; a e hiki mai nō ka manawa pōpilikia, ka mea like ʻole me ia mai ka wā o ka lāhui kanaka, a hiki mai ia manawa; a ia manawa nō e hoʻopakele ʻia mai kou poʻe kānaka o kēlā mea kēia mea i kākau ʻia i loko o ka buke.

IOʻELA 2:2

He lā pouli, a me ka pōpilikia, He lā nāulu a me ka pouli nui, E like me ka hohola ʻana o ke kakahiaka ma luna o nā mauna; He lāhui kanaka nui, a me ka ikaika; ʻAʻole me kēia mai ka wā kahiko mai, ʻAʻole hoʻi e like hou me ia ma hope, I nā makahiki o nā hanauna he nui.

ʻAMOSA 3:2

“ʻO ʻoukou wale nō kaʻu i ʻike ai, ma mua o nā ʻohana a pau o ka honua; No ia mea, e hoʻopaʻi aku ai au iā ʻoukou no ko ʻoukou hewa a pau.”

ZEKARIA 1:6

“Akā, ʻo kaʻu mau ʻōlelo a me koʻu mau kānāwai, aʻu i kauoha aku ai i kaʻu poʻe kauā i ka poʻe kāula, ʻaʻole anei i hoʻokō ʻia ua mau mea lā i nā mākua o ʻoukou? A ua huli mai lākou me ka ʻōlelo aʻe, ‘Me kā Iēhova o nā kaua i manaʻo ai e hana mai iā mākou ma ko mākou mau ʻaoʻao a ma kā mākou mau hana, pēlā nō ia i hana mai ai iā mākou.’”’”

ZEKARIA 1:8

Ua ʻike au i ka pō, aia hoʻi, he kanaka e noho ana ma luna o ka lio ʻulaʻula, e kū ana i waena o nā lāʻau mureto ma kahi malumalu, a ma hope ona nā lio ʻulaʻula, kikokiko a keʻokeʻo.

ZEKARIA 7:12

“A hoʻopaʻakikī ihola i kā lākou mau naʻau pōhaku ʻadama, o lohe auaneʻi lākou i ke kānāwai, a me nā ʻōlelo a Iēhova o nā kaua i hoʻouna mai ma kona ʻUhane, ma nā kāula mua; no laila, kau maila ka inaina nui o Iēhova o nā kaua.

KA ʻEUANELIO I KĀKAU ʻIA AI E MATAIO 24:21

“A laila, e nui loa mai nō ka pōpilikia, ʻaʻohe pōpilikia me nēia mai ke kumu mai o ka honua, ʻaʻole hoʻi ma ia hope aku.

KA ʻEUANELIO I KĀKAU ʻIA AI E MATAIO 5:18

“No ka mea, he ʻoiaʻiʻo kaʻu e ʻōlelo aku nei iā ʻoukou, e lilo ʻē ka lani a me ka honua, ʻaʻole e lilo kahi huna, ʻaʻole hoʻi kahi lihi iki o ke Kānāwai, a pau loa aʻela ia i ka hoʻokō ʻia.

KA ʻEUANELIO I KĀKAU ʻIA AI E MAREKO 13:19

“No ka mea, e nui auaneʻi ka pōpilikia o ua mau lā lā, ʻaʻole me nēia mai kinohi mai o ka honua a ke Akua i hana ai a hiki loa mai nei i kēia wā, ʻaʻole nō hoʻi ma hope aku.

KA ʻEUANELIO I KĀKAU ʻIA AI E LUKA 21:22

“No ka mea, ʻo nā lā ia e hoʻopaʻi ʻia ai a e kō ai hoʻi nā mea a pau i palapala ʻia.

ʻO KA ʻEPISETOLE A PAULO KA LUNAʻŌLELO I KO ROMA 15:8

Ke ʻōlelo aku nei nō hoʻi au, he lawehana nō ʻo Iesū Kristo no ka poʻe i ʻoki poepoe ʻia, no ka pono a ke Akua, i hoʻokō ʻia ai nā ʻōlelo hoʻopōmaikaʻi i ka poʻe kūpuna;