KA BUKE NO DANIʻELA 9:11 - Ka Baibala Hemolele

¹¹ “ʻOiaʻiʻo, ua lawehala kā ʻIseraʻela a pau i kou kānāwai ma ka haʻalele ʻana, a me ka mālama ʻole ʻana i kou leo; no ia mea, ua ninini ʻia mai ka pōʻino ma luna o mākou, a me ka hoʻohiki i kākau ʻia ma ke kānāwai iā Mose, ke kauā a ke Akua; no ka mea, ua hana hewa mākou iā ia.

KA BUKE NO DANIʻELA 9:11 Iomraidhean Croise

KA BUKE ʻALUA NO NĀ ALIʻI 18:12

No ka mea, ʻaʻole lākou i hoʻolohe i ka leo o Iēhova ko lākou Akua, a ua haʻi iā lākou kāna berita, a me nā mea a pau a Mose, ke kauā a Iēhova, i kauoha mai ai, ʻaʻole lākou i mālama, ʻaʻole hoʻi i hana.

KA BUKE ʻALUA NO NĀ ALIʻI 22:16

“Ke ʻōlelo mai nei ʻo Iēhova pēnēia, ‘Aia hoʻi, e lawe mai ana au i ka ʻino ma luna o kēia wahi, a ma luna o kona poʻe kānaka, i nā mea a pau o ka buke a ke aliʻi o kā Iuda i heluhelu ai;

KA WĀNANA A ʻISAIA 1:3

“Ua ʻike nō ka bipi i kona haku, A ʻo ka hoki hoʻi i kahi hānai o kona kahu; ʻO kā ʻIseraʻela, ʻaʻole ia i ʻike mai, ʻAʻole i mālama koʻu poʻe kānaka.”

KA WĀNANA A ʻISAIA 43:28

“A e hoʻohaumia aku au i nā luna hoʻāno, A e hāʻawi aku au i kā Iakoba no ka pōʻino, A me kā ʻIseraʻela no ka hōʻino ʻia.

KA WĀNANA A IEREMIA 16:11

“A laila, e ʻōlelo aku ʻoe iā lākou; ‘No ka mea, ua haʻalele ko ʻoukou poʻe mākua iaʻu,’ wahi a Iēhova, ‘a ua hele lākou ma muli o nā akua ʻē, a ua mālama iā lākou, a ua hoʻomana iā lākou, a ua haʻalele mai iaʻu, ʻaʻole hoʻi i mālama i koʻu kānāwai.

KA WĀNANA A IEREMIA 2:29

¶ “No ke aha lā ʻoukou e paio mai iaʻu? Ua hana hewa mai iaʻu, ʻoukou a pau,” wahi a Iēhova.

KA WĀNANA A IEREMIA 30:14

‘Ua poina kou mau mea aloha a pau iā ʻoe, ʻAʻole lākou ʻimi iā ʻoe; No ka mea, ua hoʻoʻeha aku au iā ʻoe i ka ʻeha o ka ʻenemi, Me ka paʻipaʻi ʻana hoʻi o ka mea loko ʻino, No ka nui loa o kou hewa; Ua māhuahua nō kou hala.

KA WĀNANA A IEREMIA 32:23

‘A komo maila lākou a noho ihola; akā, ʻaʻole lākou i hoʻolohe i kou leo, ʻaʻole hoʻi i hele ma kou kānāwai; ʻaʻole lākou i hana iki i ka mea a pau āu i kauoha mai ai iā lākou e hana; no laila ua kau mai ai ʻoe i kēia pōpilikia a pau ma luna iho o lākou.

KA WĀNANA A IEREMIA 40:3

“Na Iēhova hoʻi ia i lawe mai, a hana e like me kāna ʻōlelo ʻana. No kā ʻoukou hana hewa ʻana iā Iēhova, me ka hoʻolohe ʻole i kona leo; no laila, i hiki mai ai kēia mea ma luna o ʻoukou.

KA WĀNANA A IEREMIA 44:22

“ʻAʻole i hiki iā Iēhova ke hoʻomanawanui hou aku, no ka hewa o kā ʻoukou hana ʻana, a no nā mea hoʻopailua a ʻoukou i hana ai; no laila, ua lilo ko ʻoukou ʻāina i ʻōlohelohe, i mea e kāhāhā ai, i wahi pōʻino, me ka mea ʻole nāna e noho, me ia i kēia lā.

KA WĀNANA A IEREMIA 44:23

“No ka mea, ua kuni ʻoukou i ka mea ʻala, a ua hana hewa ʻoukou iā Iēhova, ʻaʻole hoʻi i hoʻolohe i ka leo o Iēhova, ʻaʻole hoʻi i hele ma muli o kona kānāwai, ʻaʻole ma muli o kāna mau kauoha, a me kāna hōʻike ʻana; no laila i hiki mai ai kēia hewa ma luna o ʻoukou, me ia i kēia lā.”

KA WĀNANA A IEREMIA 6:19

“E hoʻolohe mai, e ka honua! Aia hoʻi, e lawe mai ana nō wau i ka hewa ma luna o kēia poʻe kānaka, I ka hua hoʻi o ko lākou manaʻo iho; No ka mea, ʻaʻole lākou i hoʻolohe mai i kaʻu mau ʻōlelo, ʻAʻole hoʻi i koʻu kānāwai; akā, hōʻole lākou ia.

KA WĀNANA A IEREMIA 9:26

i ko ʻAigupita, a me kā Iuda, a me kā ʻEdoma, a me nā keiki a ʻAmona, a me kā Moaba, a me nā mea a pau i ʻako i ka ʻumiʻumi, ka poʻe e noho lā ma ka wao nahele; no ka mea, ua ʻoki poepoe ʻole ʻia ko nā ʻāina ʻē a pau, a ua ʻoki poepoe ʻole ʻia ko ka hale a pau o kā ʻIseraʻela, ma ka naʻau.”

KA BUKE NO DANIʻELA 9:13

“E like me ka mea i palapala ʻia ma ke kānāwai iā Mose, ua hiki mai kēia pōʻino a pau ma luna o mākou; ʻaʻole naʻe mākou i pule aku i mua o Iēhova ko mākou Akua, i huli mākou mai ko mākou hewa aku, a i ʻike i kou ʻoiaʻiʻo.

KA BUKE NO DANIʻELA 9:5

ua lawehala mākou, a ua hana hewa hoʻi, me ka hana ʻino wale aku, a me ke kipi aku nō hoʻi, ma ka haʻalele ʻana i kāu mau kauoha, a me kou mau kānāwai.

ZEKARIA 1:6

“Akā, ʻo kaʻu mau ʻōlelo a me koʻu mau kānāwai, aʻu i kauoha aku ai i kaʻu poʻe kauā i ka poʻe kāula, ʻaʻole anei i hoʻokō ʻia ua mau mea lā i nā mākua o ʻoukou? A ua huli mai lākou me ka ʻōlelo aʻe, ‘Me kā Iēhova o nā kaua i manaʻo ai e hana mai iā mākou ma ko mākou mau ʻaoʻao a ma kā mākou mau hana, pēlā nō ia i hana mai ai iā mākou.’”’”

ZEKARIA 7:12

“A hoʻopaʻakikī ihola i kā lākou mau naʻau pōhaku ʻadama, o lohe auaneʻi lākou i ke kānāwai, a me nā ʻōlelo a Iēhova o nā kaua i hoʻouna mai ma kona ʻUhane, ma nā kāula mua; no laila, kau maila ka inaina nui o Iēhova o nā kaua.

ZEKARIA 8:13

‘No ka mea, me ʻoukou i hōʻino ʻia i waena o ko nā ʻāina ʻē, e ka ʻohana a Iuda, a me ka ʻohana a ʻIseraʻela, pēlā nō au e hoʻōla ai iā ʻoukou, a e hoʻopōmaikaʻi iā ʻoukou; mai makaʻu ʻoukou, e hoʻoikaika hoʻi i ko ʻoukou mau lima.’

KA BUKE ʻALIMA A MOSE, I KAPA ʻIA KĀNĀWAI LUA 8:20

“E like me nā lāhui kanaka a Iēhova e luku aku ana i mua o ko ʻoukou maka, pēlā ʻoukou e make ai; no ka mea, ʻaʻole ʻoukou i hoʻolohe i ka leo o Iēhova ko ʻoukou Akua.