KA BUKE NO DANIʻELA 8:8 - Ka Baibala Hemolele

⁸ No ia mea, māhuahua loa ka ikaika o ua kao kāne lā; a i kona wā i ikaika loa ai, ua uhaʻi ʻia kona pepeiaohao nui; a ua pani ʻia nō hoʻi kona hakahaka i nā pepeiaohao nui ʻehā, e kū pono ana i nā makani ʻehā o ka lani.

KA BUKE NO DANIʻELA 8:8 Iomraidhean Croise

KA BUKE ʻALUA O KA ʻOIHANA ALIʻI 26:16

¶ A ikaika ia, a laila kiʻekiʻe kona naʻau, a ma laila ia i make ai. Hana hewa aku ʻo ia iā Iēhova, i kona Akua, a komo ia i loko o ka luakini o Iēhova e kuni i mea ʻala ma luna o ke kuahu kuni mea ʻala.

KA BUKE NO ʻESETERA 9:4

No ka mea, ua kiʻekiʻe ʻo Moredekai ma loko o ka hale o ke aliʻi, a kaulana akula ia ma nā ʻāina a pau. No ka mea, ʻo ua kanaka lā ʻo Moredekai hoʻi, nui ka māhuahua ʻana o kona kiʻekiʻe.

KA WĀNANA A IEREMIA 49:36

‘E lawe mai nō hoʻi au ma luna o ʻElama i nā makani ʻehā, Mai nā kihi ʻehā o ka lani mai, A e hoʻopuehu hoʻi iā lākou ma ia mau makani a pau; ʻAʻohe ʻāina e koe, kahi e hiki ʻole aku ai ka poʻe kuewa o ʻElama.

KA WĀNANA A IEREMIA 5:27

‘E like me nā hīnaʻi manu i piha i nā manu, Pēlā nō ka piha ʻana o ko lākou hale i ka wahaheʻe; No laila lākou i nui ai, a ua waiwai hoʻi.

KA WĀNANA A ʻEZEKIʻELA 16:7

“Ua hoʻonui aku au iā ʻoe e like me ka ʻōpuʻu o ke kula, a nui aʻe nei ʻoe a māhuahua, a hiki ʻoe i ka wā i maikaʻi loa ai ke kino; ua nui nā puʻu waiū, a ua ulu kou lauoho; akā, ua ʻōlohelohe akula ʻoe, ʻaʻole i uhi ʻia.

KA WĀNANA A ʻEZEKIʻELA 28:9

‘E ʻōlelo anei ʻoe i mua o ka mea nāna ʻoe i pepehi, “ʻO wau nō ke Akua?” Akā, he kanaka auaneʻi ʻoe ʻaʻole he Akua, I loko o ka lima o ka mea nāna ʻoe i pepehi.

KA BUKE NO DANIʻELA 11:4

“A i kona kū ʻana i luna e wāwahi ʻia kona aupuni, a mahele ʻia aʻela ma nā makani ʻehā o ka lani; ʻaʻole ia no kāna poʻe keiki, ʻaʻole nō ma muli o kona aupuni ka mea āna i mālama ai; no ka mea, e hoʻohiolo ʻia kona aupuni, no kekahi poʻe ʻē aʻe ia, ʻaʻole no kāna.

KA BUKE NO DANIʻELA 4:31

“Aia i loko o ko ke aliʻi waha kēia ʻōlelo, paʻē maila ka leo mai ka lani mai, ʻī maila, ‘E Nebukaneza, e ke aliʻi ē, ua ʻōlelo ʻia iā ʻoe, ua māʻalo aʻe ke aupuni mai ou aku.

KA BUKE NO DANIʻELA 5:20

“Akā, i ka wā i hoʻokiʻekiʻe ai kona naʻau, a paʻakikī nō hoʻi kona manaʻo me ka haʻakei, ua kipaku ʻia ʻo ia mai ka noho aliʻi ona, a ua lawe ʻia aku kona hanohano mai ona aku lā.

KA BUKE NO DANIʻELA 7:2

ʻŌlelo akula ʻo Daniʻela, ʻī aku, “Ua ʻike au ma koʻu hihiʻo ʻana i ka pō, aia hoʻi, ua paio ikaika aʻela nā makani ʻehā o ka lani ma luna iho o ke Kai Nui.

KA BUKE NO DANIʻELA 7:6

“A ma hope iho o kēia, ʻike akula au, aia hoʻi kekahi, ua like me ka leopadi, a ma luna o kona kua ʻehā mau ʻēheu manu; ʻehā nō hoʻi poʻo o ua holoholona lā; a ua hāʻawi ʻia mai iā ia ke aliʻi ʻana.

KA BUKE NO DANIʻELA 8:22

“A ʻo ka haʻihaʻi ʻana o ia mea, a kupu mai nā mea ʻehā e pani i kona hakahaka, pēlā nō e kū mai ai nā aupuni ʻehā mai loko mai o kēia lāhui kanaka; akā, ʻaʻole naʻe e like me kona ikaika.

KA BUKE NO DANIʻELA 8:5

¶ A i koʻu noʻonoʻo ʻana, aia hoʻi, he kao kāne, holo maila ia mai ke komohana mai, ma luna o ka honua a pau, ʻaʻole ia e pā iki ma ka lepo; a ʻo ua kao kāne lā he pepeiaohao nui ma waenakonu o kona mau maka.

KA BUKE NO DANIʻELA 8:7

A i koʻu ʻike ʻana iā ia, hoʻokokoke ia i ka hipa kāne, ua wela kona huhū iā ia, a kuʻi ikaika akula ʻo ia i ka hipa kāne, a haʻihaʻi ʻia kona mau pepeiaohao; ʻaʻole ikaika i loko o ka hipa kāne e kū i mua ona; akā, hoʻolei ʻo ia iā ia i lalo i ka lepo, a hehi ihola ia ma luna ona; ʻaʻohe mea nāna e hoʻopakele i ka hipa kāne mai kona lima aku.

KA ʻEUANELIO I KĀKAU ʻIA AI E MATAIO 24:31

“A e hoʻouna aku ia i kāna poʻe ʻānela me «ka pū kani nui, a e hoʻākoakoa mai lākou» i kona poʻe i wae ʻia, mai nā makani ʻehā, a mai kēlā ʻaoʻao o ka lani a mai kēia ʻaoʻao hoʻi.

KA ʻEUANELIO I KĀKAU ʻIA AI E MAREKO 13:27

“A laila ia e hoʻouna aku ai i nā ʻānela āna, a e ʻākoakoa mai i kāna poʻe i wae ʻia, mai nā kūkulu ʻehā mai, a mai kēlā pā o ka honua, a mai kēlā pā o ka lani mai.

KA BUKE ʻALIMA A MOSE, I KAPA ʻIA KĀNĀWAI LUA 31:20

“A i ka manawa e lawe aku ai au iā lākou ma ka ʻāina, aʻu i hoʻohiki ai i ko lākou mau kūpuna, e kahe ana ʻo ka waiū a me ka meli; a ʻai iho lākou a māʻona, a momona; a laila e huli aʻe lākou i nā akua ʻē, a e mālama iā lākou, a e hoʻowahāwahā mai iaʻu, a e uhaʻi i kuʻu berita.

KA HŌʻIKE ʻANA A IOANE KA HAIPULE 7:1

¶ Ma hope iho o kēia mau mea, ʻike akula au i nā ʻānela ʻehā e kū ana ma nā kihi ʻehā o ka honua, e paʻa ana i nā makani ʻehā o ka honua, i pā ʻole mai ka makani ma ka ʻāina, ʻaʻole hoʻi ma ka moana, ʻaʻole hoʻi ma kekahi lāʻau.