KA BUKE NO DANIʻELA 8:4 - Ka Baibala Hemolele

⁴ ʻIke akula nō hoʻi au i ua hipa kāne lā e hoʻokuʻi ana ma ke komohana, a me ke kūkulu ʻākau, a me ke kūkulu hema; i ʻole e hiki i kekahi holoholona ke kū i mua ona, ʻaʻole naʻe i hiki i kekahi ke hoʻopakele aʻe mai kona lima aku; akā, hana ihola ʻo ia ma muli o kona makemake iho, a lilo nō ia i mea nui.

KA BUKE NO DANIʻELA 8:4 Iomraidhean Croise

KA BUKE MUA NO NĀ ALIʻI 22:11

Hana ihola ʻo Zedekia ke keiki a Kenaʻana i mau kiwi hao nona iho; ʻī maila hoʻi ia, “Ke ‘ī mai nei ‘o Iēhova, ‘Me nēia mau mea e pahu aku ai ʻoe i ko Suria, a pau aʻe lākou.’”

KA BUKE NO IOBA 10:7

‘Ma kou ʻike ʻaʻohe oʻu hewa; ʻAʻohe mea nāna e hoʻopakele mai kou lima aku.

KA BUKE O NĀ HALELŪ 44:5

Ma ou lā e pahu aku ai mākou i ko mākou poʻe ʻenemi; Ma kou inoa e hehi iho ai mākou i ka poʻe kūʻē i luna iā mākou.

KA BUKE O NĀ HALELŪ 50:22

¶ “E hoʻomanaʻo ʻoukou i kēia, ʻānō, e ka poʻe hoʻopoina i ke Akua, O haehae aku au, ʻaʻole hoʻi he mea e ola ai.

KA BUKE O NĀ HALELŪ 7:2

O haehae mai ʻo ia i koʻu ʻuhane me he liona lā, A mokumoku au, ʻaʻohe mea e ola ai.

KA WĀNANA A ʻEZEKIʻELA 34:21

“No ka mea, ua hoʻokē aku ʻoukou me ka ʻaoʻao a me ka pohiwi, a ua hou ʻoukou me ko ʻoukou mau pepeiaohao i nā mea maʻi, a hoʻopuehu aku ʻoukou iā lākou.

KA BUKE NO DANIʻELA 11:16

“Akā, ʻo ka mea e hele kūʻē mai iā ia, e hana nō ia ma muli o kona makemake, ʻaʻole e hiki i kekahi ke kū i mua ona; a e kū iho ʻo ia ma ka ʻĀina Hanohano e hoʻopau ʻia ai e kona lima.

KA BUKE NO DANIʻELA 11:36

¶ “A ʻo ke aliʻi e hana nō ia ma muli o kona makemake iho; a e hoʻokiʻekiʻe iā ia iho ma luna o nā akua a pau, a e ʻōlelo i nā mea kupaianaha kūʻē i ke Akua o nā akua, a e pōmaikaʻi nō naʻe ia a hiki i ka pau ʻana o ka huhū ʻia mai; no ka mea, ʻo ka mea i hoʻopaʻa ʻia mai, e hoʻokō ʻia mai nō ia.

KA BUKE NO DANIʻELA 5:19

“A no ka hanohano āna i hāʻawi mai ai iā ia, ua makaʻu, a haʻalulu ihola nā lāhui kanaka, a me nā ʻāina, a me nā ʻōlelo i mua ona; ua pepehi ia i kāna mau mea i makemake ai, a ua hoʻōla nō hoʻi ʻo ia i kāna mau mea i makemake ai; ua hoʻokiʻekiʻe hoʻi ia i kāna mau mea i makemake ai, ua hoʻohaʻahaʻa nō hoʻi ia i nā mea āna i makemake ai.

KA BUKE NO DANIʻELA 5:30

¶ Ia pō nō pepehi ʻia ihola a make ʻo Belehazara ke aliʻi o ka poʻe Kaledea.

KA BUKE NO DANIʻELA 7:5

“Aia hoʻi, kekahi holoholona ʻē, ʻo ka lua ia, ʻo kona ʻano ua like ia me ka bea, hoʻāla aʻela ʻo ia iā ia iho ma kona ʻaoʻao iho, aia hoʻi, ʻekolu iwi ʻaoʻao i loko o kona waha i waena o kona mau niho; a ʻōlelo aʻela lākou iā ia, ‘E kū aʻe ʻoe, e ʻai i ka ʻiʻo he nui!’

KA BUKE NO DANIʻELA 8:7

A i koʻu ʻike ʻana iā ia, hoʻokokoke ia i ka hipa kāne, ua wela kona huhū iā ia, a kuʻi ikaika akula ʻo ia i ka hipa kāne, a haʻihaʻi ʻia kona mau pepeiaohao; ʻaʻole ikaika i loko o ka hipa kāne e kū i mua ona; akā, hoʻolei ʻo ia iā ia i lalo i ka lepo, a hehi ihola ia ma luna ona; ʻaʻohe mea nāna e hoʻopakele i ka hipa kāne mai kona lima aku.

MIKA 5:8

A lilo ke koena o Iakoba I waena o ko nā ʻāina ʻē, I waena o nā lāhui kanaka he nui, E like me ka liona i waena o nā holoholona o ka ulu lāʻau, E like me ka liona ʻōpio i waena o ka ʻohana hipa; No ka mea, i kona hele ʻana aʻe, Hehi iho i lalo, a e haehae wale, ʻAʻohe mea nāna e hoʻopakele.

KA BUKE ʻALIMA A MOSE, I KAPA ʻIA KĀNĀWAI LUA 33:17

“Me ka hānau mua o kona poʻe bipi, pēlā kona nani, ʻO nā kiwi o ka bipi hihiu, ʻo ia kona mau kiwi; Me ia mea e ʻō aku ia i nā kānaka ma kahi hoʻokahi, a i nā mokuna o ka honua; ʻO ia nā ʻumi tausani o ʻEperaima, a ʻo ia nā tausani o Manase.”