KA BUKE NO DANIʻELA 8:2 - Ka Baibala Hemolele

² Ua ʻike au ma ka hihiʻo ʻana; a i kuʻu ʻike ʻana, ma ka pā kaua nō au ia wā, ma Susana, ma ka ʻāina ʻo ʻElama; a ʻike akula au ma kuʻu hihiʻo ʻana, aia nō au ma ka muliwai ʻo ʻUlai.

KA BUKE NO DANIʻELA 8:2 Iomraidhean Croise

KA BUKE MUA A MOSE, I KAPA ʻIA KINOHI 10:22

ʻO nā keiki a Sema: ʻo ʻElama, ʻo ʻAsura, ʻo ʻArepakada, ʻo Luda, a ʻo ʻArama.

KA BUKE MUA A MOSE, I KAPA ʻIA KINOHI 14:1

¶ I ka manawa iā ʻAmerapela ke aliʻi o Sinara, ʻo ʻArioka ke aliʻi o ʻElasara, ʻo Kedorelaomera ke aliʻi o ʻElama, a ʻo Tidala ke aliʻi o Goima,

KA BUKE A NEHEMIA 1:1

¶ ʻO nā ʻōlelo a Nehemia ke keiki a Hakalia. I ka malama ʻo Kiseleu, i ka iwakālua o ka makahiki, i loko nō wau ʻo Susana ʻo ka pā kaua;

KA BUKE NO ʻESETERA 1:2

ia manawa, i ka wā e noho ana ʻo ʻAhasuero ke aliʻi ma luna o ka noho aliʻi o kona aupuni, aia ma Susana ka pā kaua;

KA BUKE NO ʻESETERA 2:8

¶ A lohe ʻia ka ʻōlelo a ke aliʻi, a me kona kānāwai, a hoʻākoakoa ʻia mai nā kaikamāhine he nui loa ma Susana ka pā kaua, ma ka lima o Hegai, ʻo ʻEsetera kekahi i lawe ʻia mai i loko o ka hale o ke aliʻi, ma ka lima o Hegai, ʻo ka mea mālama i nā wāhine.

KA BUKE NO ʻESETERA 3:15

A holo akula nā ʻelele, ua hoʻolalelale ʻia e ke kauoha a ke aliʻi. A kau ʻia nō hoʻi ia kānāwai ma Susana ka pā kaua. Noho ihola i lalo ke aliʻi a me Hamana e inu; akā ua pilikia loa ko ke kūlanakauhale o Susana.

KA BUKE NO ʻESETERA 7:6

ʻĪ akula ʻo ʻEsetera, “ʻO ka ʻenemi ka mea i kūʻē mai, ʻo kēia Hamana hewa nō!” A laila, makaʻu ʻo Hamana i mua i ke alo o ke aliʻi, a me ke aliʻi wahine.

KA BUKE NO ʻESETERA 8:15

¶ A hele akula ʻo Moredekai, mai ke alo aku o ke aliʻi, me ka ʻaʻahu poni uliuli, a me ke keʻokeʻo, a me ka lei aliʻi gula nui, a me ka lole hoʻoluʻeluʻe keʻokeʻo, a me ka poni. ʻOliʻoli ihola ke kūlanakauhale o Susana, a hauʻoli aʻela.

KA BUKE NO ʻESETERA 9:11

¶ Ia lā, lawe ʻia mai i ke aliʻi ka heluna o ka poʻe i luku ʻia ma Susana, ma ka pā kaua.

KA BUKE NO ʻESETERA 9:15

Hoʻākoakoa hou aʻela nā Iudaio ma Susana, i ka lā ʻumikumamāhā o ka malama ʻo ʻAdara, a luku akula i nā kānaka ma Susana, i ʻekolu haneri; akā, ʻaʻole lākou i kau i ko lākou lima ma ka waiwai pio.

KA WĀNANA A ʻISAIA 11:11

¶ A hiki aku i kēlā lā, E hohola hou mai ka Haku i kona lima, E hoʻōla i ke koena o kona poʻe kānaka, I ka poʻe e koe ma ʻAsuria, a ma ʻAigupita, a me Paterosa, Ma Kusa a me ʻElama, ma Sinara a me Hamata, A ma nā mokupuni o ke Kai.

KA WĀNANA A ʻISAIA 21:2

He wānana weliweli kai hōʻike ʻia mai iaʻu; ʻO ka mea e luku aku, e luku aku nō ia, ʻO ka mea i ʻānai aku, e ʻānai aku nō ia. Ō piʻi, e ʻElama; e hoʻopuni aku, e Media; Ua hoʻopau wau i kona uē ʻana a pau.

KA WĀNANA A IEREMIA 25:25

a i nā aliʻi a pau o Zimeri, a i nā aliʻi a pau o ʻElama, a i nā aliʻi a pau o Media;

KA WĀNANA A ʻEZEKIʻELA 1:1

¶ Eia kēia, i ke kanakolu o ka makahiki, i ka malama hā, i ka lā ʻalima o ka mahina, e noho ana au i waena o ka poʻe pio ma ka muliwai ʻo Kebara, hāmama maila ka lani, a ʻike akula au i nā hihiʻo o ke Akua.

KA WĀNANA A ʻEZEKIʻELA 32:24

¶ “Ma laila ʻo ʻElama a me kona lehulehu a pau a puni kona lua kupapaʻu, pau lākou i ka pepehi ʻia, ua hāʻule hoʻi i ka pahi kaua; nā mea i iho ʻoki poepoe ʻole ʻia i lalo i nā wahi lalo o ka honua, ka poʻe i hana i nā mea hoʻoweliweli ma ka ʻāina o ka poʻe ola; akā, ua hali lākou i ko lākou hōʻino ʻia me ka poʻe iho i lalo i ka lua.

KA BUKE NO DANIʻELA 10:4

A i ka lā iwakāluakumamāhā, o ka malama mua, i koʻu noho ʻana ma ke kapa o ka muliwai nui, ʻo Hidekela;

KA BUKE NO DANIʻELA 7:15

“ʻO wau, ʻo Daniʻela nei, ua kaumaha loa kuʻu naʻau i loko o kuʻu kino, a ua pīhoihoi au i nā liʻa o kuʻu poʻo.

KA BUKE NO DANIʻELA 7:2

ʻŌlelo akula ʻo Daniʻela, ʻī aku, “Ua ʻike au ma koʻu hihiʻo ʻana i ka pō, aia hoʻi, ua paio ikaika aʻela nā makani ʻehā o ka lani ma luna iho o ke Kai Nui.

KA BUKE NO DANIʻELA 8:1

¶ I ka makahiki ʻekolu o ke au iā Belehazara ke aliʻi, ua hōʻike ʻia mai iaʻu iā Daniʻela nei, ka hihiʻo ma hope iho o ka mea i hōʻike ʻia mai iaʻu ma mua.

KA BUKE NO DANIʻELA 8:3

A laila, leha aʻela koʻu mau maka, a ʻike akula au, aia hoʻi, he hipa kāne e kū ana ma kapa o ka muliwai nona nā pepeiaohao ʻelua; ua kiʻekiʻe kona mau pepeiaohao; ua ʻoi aku naʻe ke kiʻekiʻe o kekahi i ko kekahi, a ʻo ka mea kiʻekiʻe ʻo ia ka mea i ulu hope aʻe.

KA BUKE ʻAHĀ A MOSE, I KAPA ʻIA NĀ HELU 12:6

ʻŌlelo maila ia, “E hoʻolohe mai ʻolua i kaʻu ʻōlelo: A i noho kekahi kāula i waena o ʻoukou, ʻO wau ʻo Iēhova e hōʻike aku iaʻu iho iā ia ma ka hihiʻo; A e ʻōlelo aku nō wau iā ia ma ka moeʻuhane.

ʻO KA ʻEPISETOLE A PAULO KA LUNAʻŌLELO I KO HEBERA 1:1

¶ ʻO ke Akua, ʻo ka Mea i ʻōlelo pinepine mai i nā wā kahiko i ka poʻe kūpuna, me kēlā mea a me kēia mea, ma ka poʻe kāula,

KA HŌʻIKE ʻANA A IOANE KA HAIPULE 9:17

A ʻike akula au ma ka hihiʻo, i nā lio a me ka poʻe i noho i luna o lākou, he ahi nō ko lākou pale umauma, a he hua kineto, a he luaʻi pele. A ʻo nā poʻo o nā lio, ua like me nā poʻo liona; a mai loko mai o ko lākou waha i puka mai ai ke ahi a me ka uahi a me ka luaʻi pele.