KA BUKE NO DANIʻELA 8:14 - Ka Baibala Hemolele

¹⁴ A ʻī maila ia iaʻu, “A hala nā lā ʻelua tausani ʻekolu haneri; a laila e hoʻomaʻemaʻe ʻia kahi hoʻāno.”

KA BUKE NO DANIʻELA 8:14 Iomraidhean Croise

KA BUKE MUA A MOSE, I KAPA ʻIA KINOHI 1:5

Kapa maila ke Akua i ka mālamalama, he Ao, a kapa mai hoʻi ia i ka pouli, he Pō. A ʻo ke ahiahi a me ke kakahiaka, ʻo ka lā mua ia.

KA WĀNANA A ʻISAIA 1:27

¶ E hoʻōla ʻia nō ʻo Ziona i ka hoʻopono ʻana, A me kona poʻe pio hoʻi i ka hoʻopololei.

KA WĀNANA A ʻISAIA 45:25

“Ma loko o Iēhova e hoʻāpono ʻia ai nā pua a pau o kā ʻIseraʻela, A ma laila hoʻi e hoʻonani ai.”

KA BUKE NO DANIʻELA 12:11

“A mai ka manawa e lawe ʻia aku ai ka mōhai o nā lā, a e hoʻonoho ʻia ai hoʻi ka mea ʻino e hoʻoneoneo ai, hoʻokahi tausani ʻelua haneri a me kanaiwa ia mau lā.

KA BUKE NO DANIʻELA 12:12

“Pōmaikaʻi ka mea e kakali ana a hiki i nā lā he tausani ʻekolu haneri a me kanakolukumamālima.

KA BUKE NO DANIʻELA 12:7

A hoʻolohe aku au i kā ua kanaka lā i hōʻaʻahu ʻia i ke olonā, ka mea ma luna o ka wai o ka muliwai, a i kona kīkoʻo ʻana i kona lima ʻākau a me kona lima hema i ka lani, a hoʻohiki ma ka Mea e ola mau loa ana, ma ka manawa, a me nā manawa, a me ka hapa o ka manawa, a hoʻopau ʻia ka hoʻopuehu ʻana i ka ikaika o ka poʻe kānaka laʻa, a laila e hoʻokō ʻia ai ia mau mea a pau.

KA BUKE NO DANIʻELA 7:25

‘A e ʻōlelo ia i nā mea nui kūʻē i ka Mea Kiʻekiʻe, a e hoʻokaumaha aku ia i ka poʻe haipule o ka Mea Kiʻekiʻe Loa, a e manaʻo iho nō ia e hoʻokāhuli i nā manawa, a me nā kānāwai; a e hāʻawi ʻia ua mau mea i loko o kona lima, a hiki i ka manawa, a me kekahi manawa, a me ka mahele o ka manawa.

KA BUKE NO DANIʻELA 8:26

“A ʻo ka hihiʻo no ke ahiahi a me ke kakahiaka, Ka mea i haʻi ʻia mai, he ʻoiaʻiʻo nō ia; No ia mea, e pani ʻoe i ua hihiʻo lā; No ka mea, no nā lā he nui loa ia.”

ʻO KA ʻEPISETOLE A PAULO KA LUNAʻŌLELO I KO GALATIA 3:8

ʻIke ʻē ihola ka Palapala Hemolele, e hoʻopono ana ke Akua i nā lāhui kanaka ma ka manaʻoʻiʻo, haʻi ʻē akula ia ma mua i ka ʻeuanelio iā ʻAberahama, “«Ma ou aku lā e hoʻopōmaikaʻi ʻia ai nā lāhui kanaka a pau».”

KA HŌʻIKE ʻANA A IOANE KA HAIPULE 11:15

¶ Puhi aʻela ka ʻānela ʻahiku; a nui loa ihola nā leo ma ka lani, e ʻī mai ana, “Ua lilo ke aupuni o ke ao nei no ko kākou Haku, a no kona Kristo; a ʻo ia ke Aliʻi e mau loa ana i ke ao pau ʻole.”

KA HŌʻIKE ʻANA A IOANE KA HAIPULE 12:14

Hāʻawi ʻia maila i ka wahine ʻelua ʻēheu o ka ʻaeto nui, i lele aku ai ʻo ia i ka wao nahele, i kona wahi, ua hānai ʻia ʻo ia ma laila i ka makahiki, a me nā makahiki, a me ka hapa o ka makahiki, mai ke alo aku o ua moʻo lā.

KA HŌʻIKE ʻANA A IOANE KA HAIPULE 13:5

A ua hāʻawi ʻia ka waha e ʻōlelo i nā mea nui a me nā mea hoʻomāʻinoʻino: a ua hāʻawi ʻia mai nāna e hana i nā malama hoʻokahi kanahā a me kumamālua.