KA BUKE NO DANIʻELA 7:9 - Ka Baibala Hemolele

⁹ ¶ “ʻIke akula au, A ua kau ʻia ihola nā noho aliʻi, A ua noho maila ka Makamua o nā Lā, Ua huali loa kona kapa e like me ka hau, A ʻo ka lauoho o kona poʻo ua like me ka hulu hipa maʻemaʻe; ʻO kona noho aliʻi, ua like ia me ka lapalapa ʻana o ke ahi, A ʻo kona mau kaʻa e like me ke ahi e ʻaʻā ana.

KA BUKE NO DANIʻELA 7:9 Iomraidhean Croise

KA BUKE MUA NO NĀ ALIʻI 22:19

ʻĪ hou maila kēlā, “No laila e hoʻolohe mai i ka ʻōlelo a Iēhova: Ua ʻike au iā Iēhova e noho ana ma luna o kona noho aliʻi, a e kū kokoke ana iā ia ko ka lani a pau ma kona lima ʻākau a ma kona lima hema.

KA BUKE ʻALUA O KA ʻOIHANA ALIʻI 18:18

ʻĪ maila ke kāula, “No ia mea, e hoʻolohe mai ʻoe i ka ʻōlelo a Iēhova; ua ʻike au iā Iēhova e noho ana ma luna o kona noho aliʻi, a ʻo ka poʻe koa a pau o nā lani e kū ana ma kona lima ʻākau, a me kona lima hema.

KA BUKE O NĀ HALELŪ 45:8

Ke ʻaʻala pū mai nei kou mau kapa a pau i ka mura, a me ka ʻaloe, a me ke kāsia; No loko mai o nā hale aliʻi niho ʻelepani i hoʻohauʻoli ai lākou iā ʻoe.

KA BUKE O NĀ HALELŪ 90:2

Ma mua aku o ka hānau ʻana o nā mauna, A me kou hoʻomaka ʻana i ka honua a me ke ao nei, ʻO ʻoe nō ke Akua, mai kahiko loa mai, a mau loa aku nō.

KA BUKE O NĀ HALELŪ 93:2

Ua hoʻokumupaʻa ʻia kou noho aliʻi mai kahiko mai, Mai ka mau loa mai a ka mau loa aku nō ʻoe.

KA WĀNANA A ʻISAIA 6:1

¶ I ka makahiki i make ai ke aliʻi, ʻo ʻUzia, ʻike akula au i ka Haku, e noho ana ma ka noho aliʻi kiʻekiʻe, i hāpai ʻia, a piha ka luakini i kona hua lole.

KA WĀNANA A ʻISAIA 9:6

No ka mea, ua hānau ʻia mai, he keiki no kākou, No kākou i hāʻawi ʻia mai ai, he keiki kāne, Ma luna o kona poʻohiwi ke aupuni; A e kapa ʻia kona inoa, ʻo Kupaianaha, ʻO Kākāʻōlelo, ʻo Keakuamana, ʻO Kamakuamauloa, ʻo Kealiʻiokamalu.

KA WĀNANA A IEREMIA 49:38

‘E hoʻonoho wau i koʻu noho aliʻi ma ʻElama, A e ʻānai aku hoʻi, mai ia wahi aku, i ke aliʻi a me nā luna,’ Wahi a Iēhova.

KA WĀNANA A ʻEZEKIʻELA 1:26

¶ A ma luna o ka lani i luna o ko lākou mau poʻo, he mea like me ka noho aliʻi, me he pōhaku sapire lā i ka nānā aku; a ma luna o ka mea like me ka noho aliʻi, he mea like me ke kanaka ma luna iho ona i ka nānā aku.

KA BUKE NO DANIʻELA 7:13

¶ “A ʻike akula nō hoʻi au ma ka hihiʻo ʻana i ka pō, Aia hoʻi, kekahi ua like ia me ke Keiki a ke Kanaka E hele mai ana ma nā ao o ka lani, A hele mai nō ia i ka Makamua o nā Lā, A hoʻokokoke lākou iā ia i mua ona.

KA BUKE NO DANIʻELA 7:22

a hiki maila ka Makamua o nā Lā, a hāʻawi ʻia mai i ka poʻe haipule o ka Mea Kiʻekiʻe ka hoʻopaʻi ʻana; a ua hiki mai ka manawa e lilo ai ke aupuni i ka poʻe haipule.

MIKA 5:2

“A ʻo ʻoe, Betelehema ʻEperata, Ka mea ʻuʻuku i waena o nā tausani o Iuda, Mai loko mai ou e hele mai ai i oʻu nei, Ka mea e aliʻi ana i loko o kā ʻIseraʻela; Ma mua mai kona puka ʻana, mai ka manawa kahiko loa mai.”

HABAKUKA 1:12

¶ ʻAʻole anei ʻoe mai kā kahiko mai, E Iēhova, kuʻu Akua, kuʻu Mea Hemolele? ʻAʻole mākou e make. ʻO ʻoe, e Iēhova, i hoʻonoho iā ia, no ka hoʻokolokolo ʻana, ʻO ʻoe, e ka Pōhaku, i kūkulu paʻa iā ia no ka hoʻopaʻi ʻana.

KA ʻEUANELIO I KĀKAU ʻIA AI E MATAIO 17:2

Hoʻopāhaʻohaʻo ʻia ihola ia i mua o lākou; ʻalohi maila kona helehelena e like me ka lā, a keʻokeʻo maila kona ʻaʻahu e like me ka mālamalama.

KA ʻEUANELIO I KĀKAU ʻIA AI E MATAIO 28:3

Ua like kona helehelena me ka uila, a ua huali kona kapa e like me ka hau.

KA ʻEUANELIO I KĀKAU ʻIA AI E MAREKO 9:3

ʻAlohi aʻela kona kapa, a keʻokeʻo loa e like me ka hau; ʻaʻole e hiki i kānaka hoʻomaʻemaʻe lole ma luna o ka honua ke hoʻokeʻokeʻo pēlā.

NĀ ʻOIHANA A KA POʻE LUNAʻŌLELO 2:30

“No ka mea, he kāula ia, a ʻike i «ka hoʻohiki ʻana o ke Akua āna i hoʻohiki ai nona, no kekahi hua o kona pūhaka ma ke kino, e hoʻāla mai iā Kristo e noho ma kona noho aliʻi»;

NĀ ʻOIHANA A KA POʻE LUNAʻŌLELO 2:33

“Ua hoʻokiʻekiʻe ʻia aʻela ia e ka lima ʻākau o ke Akua, ua loaʻa nō hoʻi iā ia, na ka Makua mai, ka ʻōlelo hoʻolana o kona hāʻawi ʻana mai i ka ʻUhane Hemolele, no ia mea, ua hāʻawi nui ʻo ia i kēia mea a ʻoukou e ʻike nei, a e lohe nei.

ʻO KA ʻEPISETOLE A PAULO KA LUNAʻŌLELO I KO PILIPI 3:9

i loaʻa hoʻi au i loko ona, ʻaʻole e paʻa ana i kaʻu pono ma ke Kānāwai; akā, i ka pono ma ka manaʻoʻiʻo iā Kristo, ʻo ia ka pono mai ke Akua mai ma ka manaʻoʻiʻo;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:16

nona wale nō ka make ʻole, e noho mau ana i loko o ka mālamalama kahi e hiki ʻole aku ai ke kanaka; ʻaʻole ʻike ʻia e ke kanaka, ʻaʻole hoʻi e hiki iā ia ke nānā aku; iā ia mau loa hoʻi ka mahalo a me ka mana! ʻĀmene.

ʻO KA ʻEPISETOLE HOʻOLAHA MUA A IOANE 1:5

¶ Eia mai nō ka ʻōlelo a mākou i lohe ai iā ia, a ke haʻi aku nei nō hoʻi mākou iā ʻoukou; he mālamalama ke Akua, ʻaʻohe pouli iki i loko ona.

KA HŌʻIKE ʻANA A IOANE KA HAIPULE 1:14

A ʻo kona poʻo a me kona oho, ua keʻokeʻo e like me ka hulu hipa keʻokeʻo, me he hau lā; a ʻo kona mau maka, ua like me ka lapalapa o ke ahi.

KA HŌʻIKE ʻANA A IOANE KA HAIPULE 19:18

i ʻai ʻoukou i ka ʻiʻo o nā aliʻi, a me ka ʻiʻo o nā luna tausani, a me ka ʻiʻo o ka poʻe ikaika, a me ka ʻiʻo o nā lio, a me ko ka poʻe i noho i luna iho o lākou, a me ka ʻiʻo o nā mea a pau, ʻo nā haku, a me ko nā kauā, a me ko ka poʻe liʻiliʻi, a me ko ka poʻe nui.”

KA HŌʻIKE ʻANA A IOANE KA HAIPULE 20:4

¶ A ʻike akula au i nā noho aliʻi, a noho lākou ma luna iho, a ua hāʻawi ʻia na lākou e hoʻopaʻi aku. A ʻike akula au i nā ʻuhane o ka poʻe i ʻoki ʻia ko lākou poʻo no ka hōʻike ʻana iā Iesū, a no ka ʻōlelo a ke Akua, a me ka poʻe i hoʻomana ʻole i ka holoholona a me kona kiʻi, ʻaʻole hoʻi i loaʻa kona hōʻailona ma ko lākou lae, ʻaʻole hoʻi ma ko lākou lima; ola pū lākou me Kristo a hoʻomalu pū me ia i nā makahiki hoʻokahi tausani.

KA HŌʻIKE ʻANA A IOANE KA HAIPULE 4:2

Hihiʻo koke ihola au i ka ʻUhane; aia hoʻi, ua hoʻonoho ʻia he noho aliʻi ma ka lani, a he Mea hoʻi e noho ana ma luna o ua noho aliʻi lā.