KA BUKE NO DANIʻELA 7:5 - Ka Baibala Hemolele

⁵ “Aia hoʻi, kekahi holoholona ʻē, ʻo ka lua ia, ʻo kona ʻano ua like ia me ka bea, hoʻāla aʻela ʻo ia iā ia iho ma kona ʻaoʻao iho, aia hoʻi, ʻekolu iwi ʻaoʻao i loko o kona waha i waena o kona mau niho; a ʻōlelo aʻela lākou iā ia, ‘E kū aʻe ʻoe, e ʻai i ka ʻiʻo he nui!’

KA BUKE NO DANIʻELA 7:5 Iomraidhean Croise

KA BUKE ʻALUA NO NĀ ALIʻI 2:24

Hāliu aʻela ia, a nānā maila iā lākou, a hōʻino maila iā lākou ma ka inoa ʻo Iēhova; a hele mai nā bea wahine ʻelua, mai ka ulu lāʻau mai, a haehae i nā kamaliʻi, he kanahākumamālua o lākou.

NĀ ʻŌLELO AKAMAI A SOLOMONA 17:12

E aho ke hālāwai ka bea keiki make me ke kanaka, ʻAʻole ka mea naʻaupō i loko o kona lapuwale.

KA WĀNANA A ʻISAIA 56:9

¶ E nā holoholona a pau o ke kula, e hele mai ʻoukou e ʻai; ʻO nā holoholona hoʻi a pau o ka ulu lāʻau.

KA BUKE NO DANIʻELA 11:2

“ʻĀnō e haʻi aku au iā ʻoe i ka mea ʻoiaʻiʻo. Aia hoʻi, e kū mai auaneʻi i luna ʻekolu aliʻi ma Peresia; a ʻo ka hā e ʻoi nui aku kona waiwai ma mua o ko lākou a pau; a ma kona ikaika no ka waiwai e hoʻāla ʻo ia i nā mea a pau e kūʻē i ke aupuni o Helene.

KA BUKE NO DANIʻELA 2:39

“A ma hope o kou e hoʻokū ʻia ana he aupuni ʻē, ua emi mai ia ma hope o kou; a ʻo ke kolu o ke aupuni e hoʻokū ʻia mai he keleawe ia; ʻo ia ka mea e aliʻi ana ma luna o ka honua a pau.

KA BUKE NO DANIʻELA 5:28

“‘PERESA’; ua mahele ʻia kou aupuni, a ua hāʻawi ʻia aku, no ka poʻe Media a me ka poʻe Peresia.”

KA BUKE NO DANIʻELA 7:4

“ʻO ka mua, ua like ia me ka liona, a he mau ʻēheu ʻaeto kona; ʻike akula au a mokumoku ʻia ihola kona mau ʻēheu, a hāpai ʻia aʻela ia i luna mai ka honua aʻe, a hoʻokū ʻia aʻela ma nā wāwae me he kanaka lā, a hāʻawi ʻia aku he naʻau kanaka nona.

KA BUKE NO DANIʻELA 7:6

“A ma hope iho o kēia, ʻike akula au, aia hoʻi kekahi, ua like me ka leopadi, a ma luna o kona kua ʻehā mau ʻēheu manu; ʻehā nō hoʻi poʻo o ua holoholona lā; a ua hāʻawi ʻia mai iā ia ke aliʻi ʻana.

HOSEA 13:8

E hālāwai au me lākou me he bea lā i hoʻonele ʻia, A e haehae au i ka wahī o ko lākou naʻau, A e hoʻopau aku au iā lākou ma laila e like me ka liona: A e haehae ka holoholona o ka wao nahele iā lākou.

KA HŌʻIKE ʻANA A IOANE KA HAIPULE 13:2

A ʻo ua holoholona lā aʻu i ʻike ai, ua like ia me ka leopadi, a ʻo kona wāwae ua like me ko ka bea, ʻo kona waha me ka waha o ka liona. A hāʻawi hoʻi ka deragona iā ia i kona mana a me kona noho aliʻi a me ka ikaika nui.