KA BUKE NO DANIʻELA 7:27 - Ka Baibala Hemolele

²⁷ ‘Akā, ʻo ke aupuni, a me ke aliʻi ʻana, a ʻo ka nani o ke aupuni ma lalo iho o nā lani a puni, e hāʻawi ʻia mai i nā kānaka haipule o ka Mea Kiʻekiʻe, ʻo kona aupuni he aupuni mau loa ia; a ʻo nā aliʻi a pau, e hoʻokauā aku, a e mālama aku nō hoʻi iā ia.’

KA BUKE NO DANIʻELA 7:27 Iomraidhean Croise

KA BUKE O NĀ HALELŪ 145:13

He aupuni mau loa nō kou aupuni, A ua mau hoʻi kou aliʻi ʻana, a i nā hanauna a pau.

KA BUKE O NĀ HALELŪ 22:27

E hoʻomanaʻo iho, a e huli mai nō iā Iēhova, nā welelau a pau o ka honua; E pau nō nā ʻohana o nā lāhui kanaka i ka hoʻomana i mua ou;

KA BUKE O NĀ HALELŪ 72:11

ʻO ia, e moe iho hoʻi nā aliʻi a pau i mua o kona alo; E pau hoʻi nā lāhui kanaka i ka mālama iā ia.

KA BUKE O NĀ HALELŪ 86:9

E hele mai nō ko nā ʻāina a pau āu i hana ai, A e kūlou hoʻomana i mua o kou alo, e ka Haku, A e hoʻonani aku i kou inoa.

KA WĀNANA A ʻISAIA 14:2

E lawe nā lāhui kanaka iā lākou, a e hoʻihoʻi iā lākou i ko lākou wahi iho; a e noho nō lākou ma muli o ko ka hale o kā ʻIseraʻela, i kauā kāne, a i kauā wahine, ma ka ʻāina o Iēhova; a e lawe pio lākou i ka poʻe i hoʻopio ai iā lākou, a e noho aliʻi lākou ma luna o ka poʻe nāna lākou i hoʻokaumaha.

KA WĀNANA A ʻISAIA 54:3

“No ka mea, e pohā aku auaneʻi ʻoe, ma ka lima ʻākau, a ma ka lima hema; A e ili mai ko nā ʻāina na kāu poʻe mamo, A iā lākou nō e hoʻonoho ʻia nā kūlanakauhale neoneo

KA WĀNANA A ʻISAIA 9:7

ʻAʻole e pau ka māhuahua ʻana o kona aupuni, a me ka malu; Ma ka noho aliʻi o Dāvida ia, A ma kona aupuni nō hoʻi, E hoʻāla hou ia mea, a e hoʻokūpaʻa iā ia, Me ka hoʻoponopono, a me ka maikaʻi, Mai kēia wā aku, a i ke ao pau ʻole. Na ka ikaika o Iēhova o nā kaua e hana i kēia.

KA BUKE NO DANIʻELA 2:44

“Ma nā lā o kēia poʻe aliʻi, e kūkulu mai ai ke Akua o ka lani i aupuni mau loa, ʻaʻole hoʻi e hoʻohiolo ʻia ia aupuni; ʻaʻole naʻe ia e lilo no ka lāhui kanaka ʻē; akā, iā ia nō e weluwelu liʻiliʻi auaneʻi a okaoka loa kēia mau aupuni a pau, a e mau loa aku ana nō ia.

KA BUKE NO DANIʻELA 4:34

¶ “I ka pau ʻana o ua mau lā lā, ʻo wau ʻo Nebukaneza, ua leha aʻe au i kuʻu mau maka i ka lani, a hoʻi mai iaʻu kuʻu ʻike; a hoʻomaikaʻi aku au i ka Mea Kiʻekiʻe, hoʻonani aku au, a hoʻomana hoʻi i ka Mea e ola mau ana, Ua mau loa kona aliʻi ʻana, A ʻo kona aupuni ia hanauna aku a ia hanauna aku.

KA BUKE NO DANIʻELA 6:26

“Ke kau nei au i ʻōlelo paʻa, i haʻalulu nā kānaka ma nā ʻāina a pau o koʻu aupuni, i makaʻu hoʻi i mua o ke Akua o Daniʻela; No ka mea, ʻo ia ke Akua ola, ua paʻa mau loa ia, A ʻo kona aupuni, ʻo ia ka mea e ʻānai ʻole ʻia, A ʻo kona aliʻi ʻana, e mau loa ana ia.

KA BUKE NO DANIʻELA 7:14

“A ua hāʻawi ʻia mai nona ke aliʻi ʻana, A me ka nani, a me ke aupuni, I hoʻokauā nāna nā lāhui kanaka, A me ko nā ʻāina, a me nā ʻōlelo ʻē. ʻO kona aliʻi ʻana ua mau loa ia, ʻAʻole ia e pau, A ʻo kona aupuni, ʻAʻole ia e auhulihia.

KA BUKE NO DANIʻELA 7:18

‘Akā, ʻo nā haipule o ka Mea Kiʻekiʻe Loa, e lilo iā lākou ke aupuni; a iā lākou no ke aupuni ia ao aku, ia ao aku, a mau loa aku nō.’

KA BUKE NO DANIʻELA 7:22

a hiki maila ka Makamua o nā Lā, a hāʻawi ʻia mai i ka poʻe haipule o ka Mea Kiʻekiʻe ka hoʻopaʻi ʻana; a ua hiki mai ka manawa e lilo ai ke aupuni i ka poʻe haipule.

ʻOBADIA 1:21

A e piʻi mai nā mea hoʻōla ma ka mauna ʻo Ziona, E hoʻopaʻi i ka mauna o ʻEsau; A e lilo ke aupuni no Iēhova.

ZEKARIA 14:9

¶ A e lilo auaneʻi ʻo Iēhova i Aliʻi ma luna o ka honua a pau; ia lā hoʻi e hoʻokahi auaneʻi ʻo Iēhova, hoʻokahi hoʻi kona inoa.

KA ʻEUANELIO I KĀKAU ʻIA AI E LUKA 1:33

“E mau loa nō hoʻi kona aliʻi ʻana ma luna o ka ʻohana a Iakoba; a ʻo kona aupuni ʻaʻole ia e pau.”

KA ʻEUANELIO I KĀKAU ʻIA AI E IOANE 12:34

ʻŌlelo akula nā kānaka iā ia, “Ua lohe mākou ma ke Kānāwai, e mau loa ana ka Mesia; a pehea lā kāu e ʻōlelo, ‘E kaulia i luna ke Keiki a ke Kanaka e pono ai?’ ʻO wai lā ia Keiki a ke Kanaka?”

ʻO KA ʻEPISETOLE MUA A PAULO KA LUNAʻŌLELO I KO KORINETO 15:24

ʻO ia hoʻi ka hope, i ka wā e hoʻihoʻi ia i ke aupuni i ke Akua, i ka Makua; i kona wā e hoʻopau ai i nā ʻoihana aliʻi, a me ka ikaika, a me ka mana.

KA HŌʻIKE ʻANA A IOANE KA HAIPULE 11:1

¶ Hāʻawi ʻia maila naʻu kekahi lāʻau, ua like me ke koʻokoʻo; a kū mai ka ʻānela, ʻī maila, “E kū mai ʻoe e ana i ka luakini o ke Akua, a me ke kuahu, a me ka poʻe hoʻomana ma loko.

KA HŌʻIKE ʻANA A IOANE KA HAIPULE 11:15

¶ Puhi aʻela ka ʻānela ʻahiku; a nui loa ihola nā leo ma ka lani, e ʻī mai ana, “Ua lilo ke aupuni o ke ao nei no ko kākou Haku, a no kona Kristo; a ʻo ia ke Aliʻi e mau loa ana i ke ao pau ʻole.”

KA HŌʻIKE ʻANA A IOANE KA HAIPULE 17:14

“E kaua aku lākou nei i ke Keiki Hipa, a e lanakila mai ke Keiki Hipa ma luna o lākou; no ka mea, ʻo ia ka Haku o nā haku, a me ke Aliʻi o nā aliʻi; a ʻo ka poʻe pū me ia, ua hea ʻia mai lākou, a ua wae ʻia hoʻi, a ua paulele pono.”

KA HŌʻIKE ʻANA A IOANE KA HAIPULE 19:16

A ma kona ʻaʻahu a ma kona ʻūhā ua palapala ʻia ka inoa, “KE ALIʻI O NĀ ALIʻI, A ME KA HAKU O NĀ HAKU.”

KA HŌʻIKE ʻANA A IOANE KA HAIPULE 20:4

¶ A ʻike akula au i nā noho aliʻi, a noho lākou ma luna iho, a ua hāʻawi ʻia na lākou e hoʻopaʻi aku. A ʻike akula au i nā ʻuhane o ka poʻe i ʻoki ʻia ko lākou poʻo no ka hōʻike ʻana iā Iesū, a no ka ʻōlelo a ke Akua, a me ka poʻe i hoʻomana ʻole i ka holoholona a me kona kiʻi, ʻaʻole hoʻi i loaʻa kona hōʻailona ma ko lākou lae, ʻaʻole hoʻi ma ko lākou lima; ola pū lākou me Kristo a hoʻomalu pū me ia i nā makahiki hoʻokahi tausani.

KA HŌʻIKE ʻANA A IOANE KA HAIPULE 22:5

ʻAʻole pō ma laila, ʻaʻole hoʻi ma ke kukui, a me ka mālamalama o ka lā; no ka mea, na ka Haku na ke Akua nō e hoʻomālamalama iā lākou: a e lilo lākou i mau aliʻi a i ke ao pau ʻole.