KA BUKE NO DANIʻELA 7:14 - Ka Baibala Hemolele

¹⁴ “A ua hāʻawi ʻia mai nona ke aliʻi ʻana, A me ka nani, a me ke aupuni, I hoʻokauā nāna nā lāhui kanaka, A me ko nā ʻāina, a me nā ʻōlelo ʻē. ʻO kona aliʻi ʻana ua mau loa ia, ʻAʻole ia e pau, A ʻo kona aupuni, ʻAʻole ia e auhulihia.

KA BUKE NO DANIʻELA 7:14 Iomraidhean Croise

KA BUKE O NĀ HALELŪ 102:22

I ka wā e ʻākoakoa pū ai nā kānaka, A me nā aupuni hoʻi, e hoʻokauā aku na Iēhova.

KA BUKE O NĀ HALELŪ 103:19

¶ Ua hoʻonoho paʻa ʻo Iēhova i kona noho aliʻi ma ka lani; A noho aliʻi hoʻi kona aupuni ma luna o nā mea a pau.

KA BUKE O NĀ HALELŪ 145:13

He aupuni mau loa nō kou aupuni, A ua mau hoʻi kou aliʻi ʻana, a i nā hanauna a pau.

KA BUKE O NĀ HALELŪ 146:10

E noho aupuni nō ʻo Iēhova, a i ke ao pau ʻole, ʻO kou Akua hoʻi, e Ziona, a i nā hanauna a pau. E halelū aku ʻoukou iā Iēhova!

KA BUKE O NĀ HALELŪ 45:6

¶ ʻO kou noho aliʻi, e ke Akua, e mau loa ana nō ia; ʻO ka hōʻailona mōʻī o kou aupuni, he hōʻailona mōʻī pono nō ia.

KA BUKE O NĀ HALELŪ 72:11

ʻO ia, e moe iho hoʻi nā aliʻi a pau i mua o kona alo; E pau hoʻi nā lāhui kanaka i ka mālama iā ia.

KA BUKE O NĀ HALELŪ 72:17

E mau ana nō hoʻi kona inoa; E ulu nō kona inoa, a e ʻole loa ka lā; A e pōmaikaʻi nā kānaka iā ia; E pau hoʻi nā lāhui kanaka i ke kapa aku iā ia he pōmaikaʻi.

KA BUKE O NĀ HALELŪ 8:6

Ua hoʻolilo ʻoe iā ia i haku no nā mea a kou mau lima i hana ai; Nāu nō i waiho nā mea a pau ma lalo aʻe o kona mau wāwae;

KA WĀNANA A ʻISAIA 16:5

A laila, ma ka pono e hoʻopaʻa ʻia ai ka noho aliʻi, A e noho nō kekahi ma luna o ia me ka pono, ma ka hale hoʻi o Dāvida; He luna kānāwai e ʻimi ana i ka pololei, e hoʻoponopono koke ana nō hoʻi.

KA WĀNANA A ʻISAIA 60:12

“No ka mea, ʻo ka lāhui kanaka, a me ke aupuni hoʻokauā ʻole nāu, e make ia; ʻO ia, e ʻānai loa ʻia kēlā mau lāhui kanaka.

KA WĀNANA A ʻISAIA 9:6

No ka mea, ua hānau ʻia mai, he keiki no kākou, No kākou i hāʻawi ʻia mai ai, he keiki kāne, Ma luna o kona poʻohiwi ke aupuni; A e kapa ʻia kona inoa, ʻo Kupaianaha, ʻO Kākāʻōlelo, ʻo Keakuamana, ʻO Kamakuamauloa, ʻo Kealiʻiokamalu.

KA WĀNANA A ʻISAIA 9:7

ʻAʻole e pau ka māhuahua ʻana o kona aupuni, a me ka malu; Ma ka noho aliʻi o Dāvida ia, A ma kona aupuni nō hoʻi, E hoʻāla hou ia mea, a e hoʻokūpaʻa iā ia, Me ka hoʻoponopono, a me ka maikaʻi, Mai kēia wā aku, a i ke ao pau ʻole. Na ka ikaika o Iēhova o nā kaua e hana i kēia.

KA BUKE NO DANIʻELA 2:35

“A laila, ua okaoka loa ihola ka hao, a me ka pālolo, a me ke keleawe, ke kālā, a me ke gula; a ua lilo lākou me he ʻōpala lā ma ke kahua hehi o ke kau; a ua puhi ʻia hoʻi e ka makani, ʻaʻole wahi i loaʻa no lākou; akā, ʻo ua pōhaku lā i kuʻi i ke kiʻi, ua lilo ia i mauna nui a piha ka honua iā ia.

KA BUKE NO DANIʻELA 2:37

“ʻO ʻoe nō, e ke aliʻi, he aliʻi ʻoe o nā aliʻi; a ua hāʻawi mai nō ke Akua o ka lani iā ʻoe i ke aupuni, a me ka mana, a me ka ikaika, a me ka hanohano.

KA BUKE NO DANIʻELA 2:44

“Ma nā lā o kēia poʻe aliʻi, e kūkulu mai ai ke Akua o ka lani i aupuni mau loa, ʻaʻole hoʻi e hoʻohiolo ʻia ia aupuni; ʻaʻole naʻe ia e lilo no ka lāhui kanaka ʻē; akā, iā ia nō e weluwelu liʻiliʻi auaneʻi a okaoka loa kēia mau aupuni a pau, a e mau loa aku ana nō ia.

KA BUKE NO DANIʻELA 3:4

A kāhea akula ka luna kūkala me ka leo nui, “Ua kauoha ʻia mai ʻoukou, e nā kānaka, a me nā lāhui kanaka, a me nā elelo,

KA BUKE NO DANIʻELA 4:3

“He manomano kona mau hōʻailona, A he kupaianaha hoʻi kāna mau hana mana! ʻO kona aupuni, he aupuni mau loa ia, A ʻo kona aliʻi ʻana, mai ia hanauna aku ia, a ia hanauna aku.

KA BUKE NO DANIʻELA 6:26

“Ke kau nei au i ʻōlelo paʻa, i haʻalulu nā kānaka ma nā ʻāina a pau o koʻu aupuni, i makaʻu hoʻi i mua o ke Akua o Daniʻela; No ka mea, ʻo ia ke Akua ola, ua paʻa mau loa ia, A ʻo kona aupuni, ʻo ia ka mea e ʻānai ʻole ʻia, A ʻo kona aliʻi ʻana, e mau loa ana ia.

KA BUKE NO DANIʻELA 7:18

‘Akā, ʻo nā haipule o ka Mea Kiʻekiʻe Loa, e lilo iā lākou ke aupuni; a iā lākou no ke aupuni ia ao aku, ia ao aku, a mau loa aku nō.’

KA BUKE NO DANIʻELA 7:27

‘Akā, ʻo ke aupuni, a me ke aliʻi ʻana, a ʻo ka nani o ke aupuni ma lalo iho o nā lani a puni, e hāʻawi ʻia mai i nā kānaka haipule o ka Mea Kiʻekiʻe, ʻo kona aupuni he aupuni mau loa ia; a ʻo nā aliʻi a pau, e hoʻokauā aku, a e mālama aku nō hoʻi iā ia.’

ʻOBADIA 1:21

A e piʻi mai nā mea hoʻōla ma ka mauna ʻo Ziona, E hoʻopaʻi i ka mauna o ʻEsau; A e lilo ke aupuni no Iēhova.

MIKA 4:7

“A e hoʻolilo au i ka mea ʻoʻopa i koena, A i ka mea i hoʻokuke lōʻihi ʻia aku, i lāhui kanaka ikaika; A e noho aliʻi ʻo Iēhova ma luna o lākou ma ka mauna ʻo Ziona, Mai ia manawa aku, a i ka wā mau loa aku nō.

KA ʻEUANELIO I KĀKAU ʻIA AI E MATAIO 11:27

“Ua hāʻawi ʻia mai iaʻu nā mea a pau e koʻu Makua; ʻaʻohe kanaka i ʻike i ke Keiki, ʻo ka Makua wale nō; ʻaʻole hoʻi he kanaka i ʻike i ka Makua, ʻo ke Keiki wale nō, a me ka mea iā ia e hōʻike aku ai ke Keiki.

KA ʻEUANELIO I KĀKAU ʻIA AI E MATAIO 28:18

Hele maila ʻo Iesū, ʻōlelo maila iā lākou, ʻī maila, “Ua hāʻawi ʻia mai iaʻu ka mana a pau ma ka lani a ma ka honua nei.

KA ʻEUANELIO I KĀKAU ʻIA AI E LUKA 1:33

“E mau loa nō hoʻi kona aliʻi ʻana ma luna o ka ʻohana a Iakoba; a ʻo kona aupuni ʻaʻole ia e pau.”

KA ʻEUANELIO I KĀKAU ʻIA AI E LUKA 10:22

“Ua hāʻawi ʻia mai nei iaʻu nā mea a pau e koʻu Makua; ʻaʻole hoʻi mea i ʻike i ke Keiki, ʻo ka Makua wale nō; a i ka Makua hoʻi, ʻo ke Keiki wale nō, a me ke kanaka a ke Keiki e makemake e hōʻike ai.”

KA ʻEUANELIO I KĀKAU ʻIA AI E IOANE 12:34

ʻŌlelo akula nā kānaka iā ia, “Ua lohe mākou ma ke Kānāwai, e mau loa ana ka Mesia; a pehea lā kāu e ʻōlelo, ‘E kaulia i luna ke Keiki a ke Kanaka e pono ai?’ ʻO wai lā ia Keiki a ke Kanaka?”

KA ʻEUANELIO I KĀKAU ʻIA AI E IOANE 3:35

“Ke aloha nei ka Makua i ke Keiki, a ua hāʻawi hoʻi ia i nā mea a pau i loko o kona lima.

ʻO KA ʻEPISETOLE A PAULO KA LUNAʻŌLELO I KO HEBERA 12:28

No laila, i ka loaʻa ʻana iā kākou ke aupuni e hoʻonāueue ʻole ʻia, e hoʻopaʻa kākou i ke aloha, ka mea e pono ai ko kākou mālama ʻana i ke Akua, me ka mahalo, a me ka weliweli pono;

ʻO KA ʻEPISETOLE HOʻOLAHA MUA A PETERO 3:22

ʻo ka mea i hele aku i ka lani, a ʻo ia hoʻi ia e noho lā ma ka lima ʻākau o ke Akua; a ua hoʻonoho ʻia ma lalo iho ona, nā ʻānela, a me nā mea kiʻekiʻe a me nā mea mana.

KA HŌʻIKE ʻANA A IOANE KA HAIPULE 1:6

a i hoʻolilo mai iā kākou he aupuni, a he mau kāhuna hoʻi no ke Akua no kona Makua; iā ia ka hoʻonani ʻia a me ka hoʻomana ʻia, a i ke ao pau ʻole. ʻĀmene.

KA HŌʻIKE ʻANA A IOANE KA HAIPULE 11:15

¶ Puhi aʻela ka ʻānela ʻahiku; a nui loa ihola nā leo ma ka lani, e ʻī mai ana, “Ua lilo ke aupuni o ke ao nei no ko kākou Haku, a no kona Kristo; a ʻo ia ke Aliʻi e mau loa ana i ke ao pau ʻole.”

KA HŌʻIKE ʻANA A IOANE KA HAIPULE 17:14

“E kaua aku lākou nei i ke Keiki Hipa, a e lanakila mai ke Keiki Hipa ma luna o lākou; no ka mea, ʻo ia ka Haku o nā haku, a me ke Aliʻi o nā aliʻi; a ʻo ka poʻe pū me ia, ua hea ʻia mai lākou, a ua wae ʻia hoʻi, a ua paulele pono.”

KA HŌʻIKE ʻANA A IOANE KA HAIPULE 3:21

‘ʻO ka mea lanakila, e hāʻawi nō au iā ia, e noho pū me aʻu ma koʻu noho aliʻi, me aʻu i lanakila ai, a ua noho pū me koʻu Makua ma kona noho aliʻi.