KA BUKE NO DANIʻELA 6:7 - Ka Baibala Hemolele

⁷ “Ua kūkākūkā pū nā luna o ke aupuni, nā kiaʻāina, a me nā aliʻi, nā kākāʻōlelo, a me nā luna koa, e kau i kānāwai aupuni, i lilo ia i ʻōlelo paʻa, ʻo ka mea e noi aku i kekahi akua, a i kekahi kanaka ʻē paha, ʻaʻole iā ʻoe, e ke aliʻi, a hala nā lā he kanakolu, e hoʻolei ʻia aku ia i loko o ka lua liona.

KA BUKE NO DANIʻELA 6:7 Iomraidhean Croise

KA BUKE O NĀ HALELŪ 10:9

Kali malū ihola ia me he liona lā i loko o kona lua; Moemoe malū ia e hopu i ka mea ʻilihune; Ua hoʻohei nō ʻo ia iā ia i kona alakaʻi ʻana iā ia i loko o kāna ʻupena.

KA BUKE O NĀ HALELŪ 2:2

Ua kūʻē aku nā aliʻi o ka honua, Ua ʻōhumu pū aku nō hoʻi nā luna, Iā Iēhova, a i kona Mea i poni ʻia,

KA BUKE O NĀ HALELŪ 59:3

No ka mea, aia hoʻi, ke hoʻohālua nei lākou no koʻu ʻuhane; Ua ʻākoakoa kūʻē mai ka poʻe ikaika; ʻAʻole no koʻu hewa, ʻaʻole hoʻi no koʻu lawehala ʻana, e Iēhova.

KA BUKE O NĀ HALELŪ 59:5

ʻO ʻoe, e Iēhova ke Akua Sābāōta, ke Akua o ʻIseraʻela, E ala, e hoʻopaʻi i nā lāhui kanaka a pau; Mai hoʻomanawanui mai i nā mea lawehala nui. Sila.

KA BUKE O NĀ HALELŪ 62:4

ʻOiaʻiʻo, ua ʻōhumu lākou e kiola iho iā ia mai kona pono iho; Hauʻoli lākou i ka wahaheʻe; Hoʻomaikaʻi hoʻi lākou me ko lākou waha, Akā, ma loko, ua hōʻino wale lākou. Sila.

KA BUKE O NĀ HALELŪ 83:5

No ka mea, ua kūkākūkā lōkahi pū lākou; Ua hana nō lākou i berita kūʻē iā ʻoe.

KA BUKE O NĀ HALELŪ 94:20

E kūkākūkā pū anei ka noho aliʻi o ka hewa me ʻoe? Ka mea hoʻi i hana i ke kolohe ma ke kānāwai?

KA BUKE NO DANIʻELA 2:4

¶ ʻEkemu maila ka poʻe Kaledea i ke aliʻi ma ka ʻōlelo Suria, “E ola mau loa ke aliʻi: E haʻi mai ʻoe i kāu poʻe kauā i ua moe lā, a na mākou ia e hoʻākāka aku.”

KA BUKE NO DANIʻELA 3:11

“A ʻo ka mea i moe ʻole i lalo, a hoʻomana ʻole, e hoʻolei ʻia aku ʻo ia i loko o ka umu ahi e ʻaʻā ana.

KA BUKE NO DANIʻELA 3:2

A laila, hoʻouna akula ʻo Nebukaneza ke aliʻi, e hoʻākoakoa mai i nā aliʻi, a me nā kiaʻāina, i nā luna koa, nā luna kānāwai, a me nā luna waiwai, i nā kākāʻōlelo, a me nā ilāmuku, a me nā luna a pau o nā ʻāina, e hele mai no ka hoʻolaʻa ʻana i ua kiʻi lā a Nebukaneza ke aliʻi i kūkulu ai.

KA BUKE NO DANIʻELA 3:27

Ua ʻākoakoa ihola nā aliʻi, a me nā kiaʻāina, a me nā luna koa, a me nā kuhina o ke aliʻi, a ʻike lākou i kēia mau kānaka, ʻaʻole lanakila ke ahi ma luna o ko lākou mau kino, ʻaʻole hoʻi i wela kekahi lauoho o ko lākou mau poʻo, ʻaʻole i ʻaʻā iki ʻia ko lākou kapa, ʻaʻole hoʻi ka hohono ahi i pili iā lākou.

KA BUKE NO DANIʻELA 3:6

“A ʻo ka mea i moe ʻole i lalo, a hoʻomana ʻole aku, ia hora nō e hoʻolei ʻia aku ai ʻo ia i loko o ka umu ahi e ʻaʻā ana.”

KA BUKE NO DANIʻELA 6:16

¶ A kauoha aʻela ke aliʻi, a ua lawe ʻia mai ʻo Daniʻela, a hoʻolei ʻia ihola ʻo ia i loko o ka lua liona. ʻŌlelo maila ke aliʻi iā Daniʻela, ʻī maila, “ʻO kou Akua, ka Mea āu i hoʻomana mau ai, e hoʻopakele nō ʻo ia iā ʻoe.”

KA BUKE NO DANIʻELA 6:22

“Ua hoʻouna mai koʻu Akua i kona ʻānela e hoʻopaʻa mai i ka waha o nā liona, i ʻole e hōʻeha mai lākou iaʻu; no ka mea, i mua ona ʻaʻole hala i loko oʻu, ʻaʻole nō hoʻi au i hana ʻino aku iā ʻoe, e ke aliʻi.”

MIKA 6:5

“E kuʻu poʻe kānaka, e hoʻomanaʻo ʻānō I ka mea a Balaka, ke aliʻi o Moaba, i noʻonoʻo ai, A i ka mea hoʻi a Balaʻama ke keiki a Beora i ʻōlelo mai ai iā ia, Mai Sitima mai a Gilegala; I ʻike ʻoukou i ka pono o Iēhova.”

NAHUMA 2:12

Ua haehae ka liona a nui no kāna poʻe keiki, A ʻuʻumi nō ia no kāna liona wahine, A hoʻopiha nō ia i kona mau lua i ka mea pio, A i kona mau ana i ka mea i lawe ʻia.

KA ʻEUANELIO I KĀKAU ʻIA AI E MATAIO 12:14

Hele akula ka poʻe Parisaio i waho, kūkākūkā aʻela lākou i mea e make ai ʻo ia iā lākou.

KA ʻEUANELIO I KĀKAU ʻIA AI E MATAIO 26:4

kūkākūkā aʻela lākou, e lālau aku iā Iesū me ka hoʻopunipuni, a e pepehi iā ia a make.

KA ʻEUANELIO I KĀKAU ʻIA AI E MAREKO 15:1

¶ A kakahiaka aʻela, kūkākūkā koke ihola nā kāhuna nui, a me nā lunakahiko, a me nā kākau ʻōlelo, a me ka ʻaha luna kānāwai a pau, a nakinaki akula iā Iesū, a kaʻi aʻela, a hāʻawi akula iā Pilato.

KA ʻEUANELIO I KĀKAU ʻIA AI E IOANE 12:10

Kūkākūkā ihola nō nā kāhuna nui e pepehi iā Lazaro kekahi;