KA BUKE NO DANIʻELA 6:4 - Ka Baibala Hemolele

⁴ No ia mea, ʻimi nā luna me nā aliʻi i ka hewa i loko o Daniʻela ma nā mea o ke aupuni; ʻaʻole naʻe i loaʻa ka hala a me ka hewa; no ka mea, ua kūpono kāna, ʻaʻole i loaʻa i loko ona kekahi mea kekeʻe a me ka hewa.

KA BUKE NO DANIʻELA 6:4 Iomraidhean Croise

KA BUKE MUA A MOSE, I KAPA ʻIA KINOHI 41:38

ʻŌlelo aʻela ʻo Paraʻo i kāna mau kauā, “E loaʻa anei iā kākou kekahi kanaka e like me ia nei, ke kanaka i loko ona ka ʻUhane o ke Akua?”

KA BUKE MUA A MOSE, I KAPA ʻIA KINOHI 43:18

Makaʻu ihola ua poʻe kānaka lā; no ka mea, ua alakaʻi ʻia akula lākou i loko o ka hale o Iosepa, a ʻōlelo aʻela lākou, “No ka moni i hoʻihoʻi ʻia ai i loko o kā kākou mau ʻeke i ka manawa ma mua; no laila kākou i alakaʻi ʻia mai ai i loko nei, i hoʻolawehala mai ʻo ia iā kākou a lele mai i luna o kākou, a e hana paʻa hoʻi iā kākou, i poʻe kauā, a me ko kākou mau hoki.”

NĀ ʻŌLELO AKAMAI A SOLOMONA 29:27

He mea hoʻopailua i ka poʻe pono ke kanaka hoʻopono ʻole; He mea hoʻopailua hoʻi i ka mea hewa, ka mea pololei ma kona ʻaoʻao.

KE KAHUNA 4:4

¶ Ua ʻike au i nā mea luhi a pau, a me nā hana pololei a pau, aia hoʻi, no ia mau mea, ua huāhuā ʻia mai ke kanaka e kona hoalauna. He mea lapuwale kēia a me ka luhi hewa.

KA WĀNANA A IEREMIA 18:18

¶ A laila, ʻōlelo maila lākou, “E hele mai, e ʻimi hala kākou no Ieremia; no ka mea, ʻaʻole e hāʻule ke kānāwai i ke kahuna, ʻaʻole hoʻi ka manaʻo akamai i ka poʻe akamai, a me ka ʻōlelo hoʻi i ke kāula. E hele mai, e hahau kākou iā ia i ke alelo; mai hoʻolohe kākou i kekahi o kāna mau ʻōlelo.”

KA WĀNANA A IEREMIA 18:23

Akā, ua ʻike nō ʻoe, e Iēhova, i ko lākou manaʻo a pau iaʻu, E pepehi mai iaʻu. Mai kala ʻoe i ko lākou hala, ʻAʻole hoʻi e holoi i ko lākou hewa, mai kou alo aku; Akā, e hoʻohiolo iā lākou i mua ou. E hana ʻoe pēlā iā lākou, I ka manawa o kou inaina.

KA WĀNANA A IEREMIA 20:10

Lohe nō wau i ka hoʻowahāwahā ʻana o nā mea he nui, “He makaʻu nō ma nā ʻaoʻao a pau.” “E haʻi aku ʻoe, a e haʻi aku nō mākou ia,” wahi a lākou. Ua hoʻomakākiu mai koʻu poʻe makamaka a pau i koʻu hāʻule ʻana, me ka manaʻo iho, “E hoʻowalewale ʻia paha ʻo ia, A lanakila kākou ma luna ona, A e hoʻopaʻi aku kākou iā ia no kākou.”

KA WĀNANA A IEREMIA 29:7

‘A e ʻimi ʻoukou i ka mea e malu ai ke kūlanakauhale, kahi aʻu i lawe pio ai iā ʻoukou, a e pule aku ʻoukou iā Iēhova nona; no ka mea, ma kona malu ʻoukou e malu ai.’

KA BUKE NO DANIʻELA 3:8

¶ A ia manawa nō, hele maila kekahi o ka poʻe Kaledea, a hoʻopiʻi aku nō kekahi o ka poʻe Iudaio.

KA BUKE NO DANIʻELA 5:12

“No ka mea, aia i loko o Daniʻela ka mea a ke aliʻi i kapa ai ʻo Beletesaza, he ʻuhane naʻauao loa, a me ke akamai, ʻo ka hoʻākāka ʻana i nā moe, ka hoʻomaopopo ʻana i nā ʻōlelo nane, a me ka hōʻike ʻana i nā mea pohihihi; ʻānō e kiʻi ʻia aku ʻo Daniʻela, a nāna nō e hoʻākāka mai i ke ʻano.”

KA BUKE NO DANIʻELA 6:22

“Ua hoʻouna mai koʻu Akua i kona ʻānela e hoʻopaʻa mai i ka waha o nā liona, i ʻole e hōʻeha mai lākou iaʻu; no ka mea, i mua ona ʻaʻole hala i loko oʻu, ʻaʻole nō hoʻi au i hana ʻino aku iā ʻoe, e ke aliʻi.”

KA ʻEUANELIO I KĀKAU ʻIA AI E MATAIO 26:4

kūkākūkā aʻela lākou, e lālau aku iā Iesū me ka hoʻopunipuni, a e pepehi iā ia a make.

KA ʻEUANELIO I KĀKAU ʻIA AI E MATAIO 27:18

No ka mea, ua ʻike ihola ia, no ka huāhuā i hoʻōpeʻa aku ai lākou iā ia.

KA ʻEUANELIO I KĀKAU ʻIA AI E LUKA 20:20

A kiaʻi akula lākou iā ia, a hoʻouna aʻela i nā kiu e hoʻokamani iā lākou iho he mau kānaka pono; e hoʻohihia iā ia i kāna ʻōlelo, e hāʻawi aku lākou iā ia i ka lima a me ka mana o ke kiaʻāina.

KA ʻEUANELIO I KĀKAU ʻIA AI E LUKA 20:26

ʻAʻole e hiki iā lākou ke hoʻohihia iā ia ma kāna ʻōlelo i mua o ke alo o kānaka: a hakanū ihola lākou me ka mahalo i ka ʻōlelo āna i haʻi mai ai.

KA ʻEUANELIO I KĀKAU ʻIA AI E LUKA 22:2

A ʻimi ihola nā kāhuna nui a me ka poʻe kākau ʻōlelo i mea e make ai ʻo ia iā lākou; no ka mea, ua hopohopo lākou i kānaka.

KA ʻEUANELIO I KĀKAU ʻIA AI E IOANE 19:4

Hele hou maila ʻo Pilato i waho, ʻī maila iā lākou, “Aia hoʻi, ke alakaʻi mai nei au iā ia i waho i o ʻoukou lā, i ʻike ai ʻoukou, ʻaʻole i loaʻa iaʻu ka hewa iki i loko ona.”

ʻO KA ʻEPISETOLE LUA A PAULO KA LUNAʻŌLELO I KO KORINETO 11:12

Akā, ʻo kaʻu e hana nei, ʻo kaʻu ia e hana hou aku ai, i hoʻōki ai au i ka manawa maopopo, no ka poʻe ʻimi i ka manawa maopopo; i ʻikea lākou e like pū me mākou ma ka mea e kaena aku ai lākou.

ʻO KA ʻEPISETOLE A PAULO KA LUNAʻŌLELO I KO PILIPI 2:15

i hala ʻole ʻoukou a me ke kolohe ʻole, he poʻe keiki na ke Akua, i hoʻohewa ʻole ʻia i waena o ka hanauna kekeʻe a me ke kolohe, e ʻalohi hoʻi ʻoukou i waena o lākou e like me nā mālamalama i ke ao nei;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:14

ʻO koʻu manaʻo nō ia no nā wāhine ʻōpiopio, e mare lākou, a e hānau keiki, a e hoʻoponopono i ka hale, i loaʻa ʻole ka hala e hōʻino mai ai ka ʻenemi.

ʻO KA ʻEPISETOLE A PAULO IĀ TITO 2:8

e hōʻike i ka ʻōlelo pono, ʻaʻole e hiki ke hoʻāhewa ʻia mai; i hilahila ai ka mea e hoʻoʻokoʻa ana, no ka loaʻa ʻole iā ia ka hala e ʻōlelo ʻino mai ai no ʻoukou.

ʻO KA ʻEPISETOLE HOʻOLAHA MUA A PETERO 2:12

A e noho pono hoʻi ʻoukou, i waena o ko nā ʻāina ʻē; i hoʻonani aku ai lākou i ke Akua, ke hiki mai ka lā o ka ʻike ʻana mai, no ko lākou ʻike ʻana i kā ʻoukou hana maikaʻi, ma ka mea a lākou e ʻōhumu nei iā ʻoukou, me he poʻe hana hewa lā.

ʻO KA ʻEPISETOLE HOʻOLAHA MUA A PETERO 3:16

E ao hoʻi, i hala ʻole ka manaʻo; i hilahila ka poʻe hakuʻepa i ko ʻoukou noho pono ʻana i loko o Kristo, no kā lākou ʻōlelo hewa ʻana iā ʻoukou, me he poʻe hewa lā.

KA BUKE NO NĀ LUNA KĀNĀWAI 14:4

ʻAʻole i ʻike kona makua kāne a me kona makuahine, na Iēhova mai ia mea, no kona ʻimi hala ʻana nō i ko Pilisetia. Ia manawa e noho lanakila ana ko Pilisetia ma luna o kā ʻIseraʻela.

KA BUKE MUA A SAMUʻELA 12:4

ʻĪ maila lākou, “ʻAʻole ʻoe i ʻālunu i kā mākou, ʻaʻole hoʻi i hoʻokaumaha mai iā mākou, ʻaʻole ʻoe i lawe i kekahi mea ma ka lima o kekahi kanaka.”

KA BUKE MUA A SAMUʻELA 18:14

Ua naʻauao ʻo Dāvida ma kona ʻaoʻao a pau; a me ia nō ʻo Iēhova.

KA BUKE MUA A SAMUʻELA 22:14

ʻŌlelo maila ʻo ʻAhimeleka i ke aliʻi, ʻī maila, “ʻO wai lā ka mea o kāu poʻe kauā i mālama pono e like me Dāvida, ka hūnōna kāne a ke aliʻi, a ua hele ia i kāu ʻī ʻana aku, a ua manaʻo nui ʻia ma kou hale?