KA BUKE NO DANIʻELA 6:10 - Ka Baibala Hemolele

¹⁰ ¶ A ʻike ihola ʻo Daniʻela, ua kau ka inoa ma ua palapala lā, komo ihola ʻo ia i loko o kona hale; a ua hāmama kekahi mau puka makani o kona keʻena ma luna, ma ka ʻaoʻao e kū pono ana i Ierusalema, kukuli ihola ʻo ia ma kona kuli, ʻekolu manawa i ka lā hoʻokahi, pule akula, a hoʻomaikaʻi akula i mua o kona Akua, e like me ia ma mua.

KA BUKE NO DANIʻELA 6:10 Iomraidhean Croise

KA BUKE MUA NO NĀ ALIʻI 8:30

“A e hoʻolohe mai ʻoe i ka nonoi ʻana o kāu kauā nei, a ʻo kou poʻe kānaka hoʻi ʻo ʻIseraʻela, i ka wā e pule ai lākou i kēia wahi; a e hoʻolohe mai ʻoe ma kou wahi e noho ai ma ka lani, a lohe ʻoe, e kala mai.

KA BUKE MUA NO NĀ ALIʻI 8:38

a inā e pule me ke nonoi aku kekahi kanaka, ʻo kou poʻe kānaka a pau paha o kā ʻIseraʻela, ka mea i ʻike i ka ʻino o kona naʻau iho, a e hāpai i kona mau lima i kēia hale;

KA BUKE MUA NO NĀ ALIʻI 8:44

¶ “A inā e hele aku kou poʻe kānaka e kaua i ko lākou ʻenemi, ma kou wahi e hoʻouna aku ai iā lākou, a e pule aku lākou iā Iēhova i ke kūlanakauhale āu i koho ai, a i ka hale aʻu i kūkulu aʻe nei no kou inoa;

KA BUKE MUA NO NĀ ALIʻI 8:54

¶ Eia hoʻi kēia, i ka pau ʻana aʻe o kā Solomona haipule ʻana i kēia pule, me kēia nonoi ʻana a pau iā Iēhova, kū aʻela ia i luna mai mua mai o ke kuahu o Iēhova, mai ke kukuli ʻana ma kona mau kuli me kona mau lima i hohola aʻe i ka lani.

KA BUKE ʻALUA O KA ʻOIHANA ALIʻI 6:13

No ka mea, ua hana ʻo Solomona i ʻāwai keleawe, ʻelima kūbita ka loa, ʻelima ka laulā, a ʻekolu ke kiʻekiʻe, a ua waiho ʻo ia ia mea ma waenakonu o ka pā hale; a kū ʻo ia ma luna o ia mea, kukuli ihola ma kona kuli i mua o ka ʻaha kanaka a pau o kā ʻIseraʻela, a hohola aʻela i kona mau lima i ka lani.

KA BUKE ʻALUA O KA ʻOIHANA ALIʻI 6:38

“A huli lākou iā ʻoe me ko lākou naʻau a pau, a me ko lākou ʻuhane a pau, ma ka ʻāina o ko lākou noho pio ʻana kahi i lawe pio ʻia ai lākou, a pule aku lākou me ka hāliu mai o ke alo ma ko lākou ʻāina ka mea āu i hāʻawi mai ai i ko lākou poʻe kūpuna, a ma ke kūlanakauhale āu i wae mai ai, a me ka hale aʻu i kūkulu ai no kou inoa;

KA BUKE A ʻEZERA 9:5

¶ A i ka mōhai ahiahi kū aʻela au mai kuʻu kaumaha ʻana, a haehae ihola i kuʻu lole komo, a me kuʻu ʻaʻahu, kukuli ihola au, a hohola akula i kuʻu mau lima iā Iēhova i koʻu Akua.

KA BUKE A NEHEMIA 6:11

A ʻī akula au, “E hoʻoheʻe wale anei ke kanaka me aʻu nei? ʻO wai hoʻi ka mea e like me aʻu nei e komo i loko o ka luakini i ola ia? ʻAʻole au e komo!”

KA BUKE O NĀ HALELŪ 34:1

¶ E hoʻomaikaʻi aku au iā Iēhova i nā manawa a pau; E mau ana i kuʻu waha ka hoʻoleʻa nona.

KA BUKE O NĀ HALELŪ 5:7

Akā, ʻo wau nei lā, e komo au i kou hale i ka nui o kou lokomaikaʻi; Me ka makaʻu iā ʻoe e hoʻomana aku ai au ma kou luakini hoʻāno.

KA BUKE O NĀ HALELŪ 55:17

I ke ahiahi, i ke kakahiaka, i ke awakea, e pule aku ai au, A e kāhea nui aku au; a e hoʻolohe mai ʻo ia i koʻu leo.

KA BUKE O NĀ HALELŪ 86:3

E aloha mai ʻoe iaʻu, e kuʻu Haku; No ka mea, ke kāhea aku nei au iā ʻoe i nā lā a pau.

KA BUKE O NĀ HALELŪ 95:6

¶ E hele mai kākou, e kūlou hoʻomana, a e moe hoʻi; A e kukuli iho i mua o Iēhova nāna kākou i hana.

KA BUKE NO DANIʻELA 6:13

ʻŌlelo aku lākou i mua o ke aliʻi, ʻī akula, “ʻO Daniʻela, ka mea no ko Iuda poʻe pio, ʻaʻole ia i manaʻo iā ʻoe, e ke aliʻi, ʻaʻole hoʻi i ke kānāwai āu i kau iho ai i kou inoa; akā, ua noi aku ʻo ia ʻekolu pule ʻana i ka lā hoʻokahi.”

KA BUKE NO DANIʻELA 9:4

A pule akula au iā Iēhova i koʻu Akua, me ka haʻi aku i koʻu hewa, a me ka ʻī aku, “E ka Haku, ke Akua nui, a me ka weliweli, ka mea nāna i mālama i ka berita, a me ke aloha i ka poʻe i aloha aku iā ia, a me ka poʻe i mālama i kona mau kānāwai;

IONA 2:4

“A laila, ʻī ihola au, ‘Ua hoʻolei ʻia aku au mai kou alo aku, Akā, e nānā hou aku au i kou luakini hoʻāno.’

KA ʻEUANELIO I KĀKAU ʻIA AI E MAREKO 3:3

ʻĪ maila ia i ke kanaka, nona ka lima maloʻo, “E kū mai ʻoe i waenakonu!”

KA ʻEUANELIO I KĀKAU ʻIA AI E LUKA 14:26

“Inā i hele mai kekahi kanaka i oʻu nei me ka hoʻowahāwahā ʻole i kona makua kāne, a me kona makuahine, a me kāna wahine, a me kāna mau keiki, a me kona mau hoahānau, a me kona ola nei, ʻaʻole e hiki iā ia ke lilo mai i haumāna naʻu.

KA ʻEUANELIO I KĀKAU ʻIA AI E LUKA 22:41

Mamao akula hoʻi ʻo ia mai o lākou aku, me he nou ʻana lā o ka pōhaku, a kukuli ihola i lalo, pule akula ia,

NĀ ʻOIHANA A KA POʻE LUNAʻŌLELO 10:9

¶ A ia lā aʻe, i ko lākou hele ʻana, a hoʻokokoke ʻana aku i ke kūlanakauhale, piʻi aʻela ʻo Petero i kahi ma luna o ka hale e pule ai, i ke ono paha o ka hora.

NĀ ʻOIHANA A KA POʻE LUNAʻŌLELO 2:15

“No ka mea, ʻaʻole lākou nei i ʻona, e like me kā ʻoukou e manaʻo mai nei; no ka mea, ʻo ke kolu kēia o ka hora o ke ao.

NĀ ʻOIHANA A KA POʻE LUNAʻŌLELO 20:24

“ʻAʻole hoʻi au e manaʻo i kēia mau mea, ʻaʻole nō hoʻi e manaʻo wau he mea makemake noʻu kuʻu ola nei, i hoʻopau wau i koʻu hele ʻana me ka ʻoliʻoli, a me ka ʻoihana i loaʻa mai iaʻu na ka Haku mai, na Iesū; i hōʻike aku nō hoʻi au i ka ʻeuanelio o ka lokomaikaʻi o ke Akua.

NĀ ʻOIHANA A KA POʻE LUNAʻŌLELO 20:36

¶ ʻŌlelo maila ia i kēia mau mea, kukuli ihola ia, a pule akula me lākou a pau.

NĀ ʻOIHANA A KA POʻE LUNAʻŌLELO 21:5

A i ka pau ʻana o kēia mau lā, haʻalele iho iā mākou ia wahi a hele akula; ukali aloha maila lākou a pau, a me nā wāhine, a me nā keiki iā mākou, a hiki ma waho o ua kūlanakauhale lā; kukuli ihola mākou ma kahakai, pule akula.

NĀ ʻOIHANA A KA POʻE LUNAʻŌLELO 3:1

¶ Piʻi pū akula ʻo Petero a me Ioane i ka luakini i ka hora pule, i ka iwa.

NĀ ʻOIHANA A KA POʻE LUNAʻŌLELO 4:29

“ʻĀnō hoʻi, e ka Haku, e nānā mai ʻoe i kā lākou ʻōlelo hoʻoweliweli; a e hāʻawi mai i kāu mau kauā nei e haʻi aku i kāu ʻōlelo me ka wiwo ʻole;

NĀ ʻOIHANA A KA POʻE LUNAʻŌLELO 5:20

“E hele ʻoukou, a e kū ma loko o ka luakini, e ʻōlelo aku i kānaka i nā hua ʻōlelo a pau o kēia ola.”

NĀ ʻOIHANA A KA POʻE LUNAʻŌLELO 5:29

A laila, ʻōlelo mai ʻo Petero, a me nā lunaʻōlelo, ʻī maila, “E pono nō iā mākou ke mālama i kā ke Akua, ʻaʻole i kā ke kanaka.

NĀ ʻOIHANA A KA POʻE LUNAʻŌLELO 7:60

Kukuli ihola ia a hea akula me ka leo nui, “E ka Haku, mai kau ʻoe i kēia hewa ma luna o lākou!” A pau kāna ʻōlelo ʻana pēlā, hiamoe ihola ia.

NĀ ʻOIHANA A KA POʻE LUNAʻŌLELO 9:40

Kipaku akula ʻo Petero iā lākou a pau ma waho, kukuli ihola a pule akula; a laila hāliu aʻela ia ma ke kino, ʻī akula, “E Tabita, e ala mai ʻoe;” ʻoaka aʻela kona mau maka, a ʻike aʻela ʻo ia iā Petero, ala aʻela ia i luna.

ʻO KA ʻEPISETOLE A PAULO KA LUNAʻŌLELO I KO ʻEPESO 3:14

¶ No kēia mea, ke kukuli nei nō au i mua o ka Makua o ko kākou Haku ʻo Iesū Kristo,

ʻO KA ʻEPISETOLE A PAULO KA LUNAʻŌLELO I KO PILIPI 1:14

A he nui nā hoahānau i loko o ka Haku i hoʻoikaika ʻia i kuʻu paʻahao ʻana, ua ikaika nui aʻe lākou e haʻi aku i ka ʻōlelo me ka makaʻu ʻole.

ʻO KA ʻEPISETOLE A PAULO KA LUNAʻŌLELO I KO PILIPI 1:20

e like me ke kuko nui a me ka manaʻolana oʻu, i ʻole au e hilahila i kekahi mea; akā, ma ka ikaika nui me ia e mau ana, pēlā hoʻi i nēia manawa, e hoʻonani ʻia ai ʻo Kristo ma koʻu kino, ke ola ia, a ke make paha.

ʻO KA ʻEPISETOLE A PAULO KA LUNAʻŌLELO I KO PILIPI 4:6

Mai manaʻo nui ʻoukou i kekahi mea; akā, i nā mea a pau e hōʻike aku i ko ʻoukou makemake i ke Akua ma ka pule, a me ka noi aku, a me ka hoʻomaikaʻi aku.

ʻO KA ʻEPISETOLE A PAULO KA LUNAʻŌLELO I KO KOLOSA 3:17

A ʻo kā ʻoukou mea e lawelawe ai ma ka ʻōlelo, a ma ka hana, e pau ia i ka hana ʻia i loko o ka inoa o ka Haku, ʻo Iesū, a e hoʻomaikaʻi aku i ke Akua, i ka Makua, ma ona lā.

ʻO KA ʻEPISETOLE A PAULO KA LUNAʻŌLELO I KO HEBERA 13:15

Ma ona lā hoʻi e kaumaha mau aku ai kākou i ka mōhai mahalo i ke Akua, ʻo ia ka hua o ko kākou mau lehelehe, e hoʻoleʻa ana i kona inoa.

ʻO KA ʻEPISETOLE A PAULO KA LUNAʻŌLELO I KO HEBERA 4:16

No laila, e hoʻokokoke aku kākou ma ka noho aliʻi aloha me ka manaʻolana, i aloha ʻia mai kākou, a i loaʻa hoʻi ka lokomaikaʻi e kōkua mai ai i ka wā pōpilikia.

KA HŌʻIKE ʻANA A IOANE KA HAIPULE 2:10

‘Mai makaʻu aku i nā mea āu e pilikia ai; aia hoʻi, e hahao ana ʻo ka diabolō i kekahi o ʻoukou i loko o ka hale paʻahao, i hoʻāʻo ʻia ai ʻoukou; he ʻumi nā lā a ʻoukou e kaumaha ai. E kūpaʻa ʻoe ma ka pono a hiki i ka make, a naʻu nō e hāʻawi aku iā ʻoe i ka lei o ke ola.

KA HŌʻIKE ʻANA A IOANE KA HAIPULE 2:13

‘Ua ʻike nō au i kāu hana ʻana, a me kou wahi e noho lā, aia ma kahi noho aliʻi o Sātana; a ua paʻa iā ʻoe koʻu inoa, ʻaʻole hoʻi ʻoe i hōʻole i koʻu manaʻoʻiʻo, ʻaʻole i nā lā o ʻAnetipasa ʻo ka mea i hōʻike ʻoiaʻiʻo noʻu; ua pepehi ʻia ʻo ia i waena o ʻoukou, i kahi e noho ai ʻo Sātana.