KA BUKE NO DANIʻELA 5:6 - Ka Baibala Hemolele

⁶ A laila ʻano ʻē aʻela ko ke aliʻi maka, a pīhoihoi ihola kona manaʻo; ua naka wale ihola ke ʻami o kona pāpākole, a pūkē kona mau kuli i kekahi i kekahi.

KA BUKE NO DANIʻELA 5:6 Iomraidhean Croise

KA BUKE O NĀ HALELŪ 22:14

Ua ninini ʻia aku au me he wai lā, Ua pau koʻu mau iwi i ka haʻihaʻi; Ua like koʻu puʻuwai me he pīlali lā; Ua hoʻoheʻe ʻia ia i waenakonu o koʻu mau naʻau.

KA BUKE O NĀ HALELŪ 69:23

E hoʻopouli ʻia ko lākou mau maka i ʻike ʻole lākou; A e hoʻohaʻalulu mau nō hoʻi ʻoe i ko lākou mau pūhaka.

KA WĀNANA A ʻISAIA 35:3

E hoʻoikaika ʻoukou i nā lima nāwaliwali, A e hoʻokūpaʻa i nā kuli kūlanalana.

KA WĀNANA A ʻISAIA 5:27

ʻAʻohe mea o lākou e māloʻeloʻe, ʻaʻohe mea kūlanalana; ʻAʻohe mea i luluhi nā maka, ʻaʻohe mea hiamoe; ʻAʻohe mea i wehe i ke kāʻei o kona pūhaka, ʻAʻole e moku ke kaula o kona kāmaʻa.

KA WĀNANA A IEREMIA 50:43

“Ua lohe ke aliʻi o Babulona i ka lono no lākou, A ua nāwaliwali kona mau lima; Loʻohia nō ʻo ia i ka pilikia, a me ka nahu kuakoko, Me ko ka wahine hānau keiki lā.

KA WĀNANA A ʻEZEKIʻELA 21:7

“Eia hoʻi, i ko lākou nīnau ʻana iā ʻoe, ‘No ke aha lā ʻoe e auē nei?’ E ʻōlelo aku ʻoe, ‘No ka lono; no ka mea, e hiki mai ana nō; a e heheʻe nō nā naʻau a pau, a e pau nō nā lima i ka nāwaliwali, a e maʻule nō hoʻi nā kuli a pau me he wai lā; no ka mea, eia hoʻi, e hele mai nō ia, a e hoʻokō ʻia,’ wahi a Iēhova ka Haku.”

KA WĀNANA A ʻEZEKIʻELA 7:17

‘E nāwaliwali nā lima a pau, a e palupalu nā kuli a pau me he wai lā.

KA BUKE NO DANIʻELA 2:1

¶ I ka makahiki ʻelua o ke au iā Nebukaneza, ua moeʻuhane ʻo Nebukaneza, a ʻānoninoni ihola kona ʻuhane, hiaʻā loa ihola kona hiamoe.

KA BUKE NO DANIʻELA 3:19

¶ A laila, piha aʻela ʻo Nebukaneza i ka huhū, a ʻano ʻē aʻela kona helehelena iā Saderaka, a me Mesaka, a me ʻAbedenego; a hoʻolale aʻela ʻo ia e hoʻaʻā i ka umu ahi a pāhiku ka ʻenaʻena ʻana i kona mau e ʻenaʻena ai.

KA BUKE NO DANIʻELA 4:19

¶ “A laila pili pū ihola ʻo Daniʻela i kapa ʻia ʻo Beletesaza i hoʻokahi hora, a pono ʻole kona manaʻo. ʻEkemu maila ke aliʻi, ʻī mai, ‘E Beletesaza, mai pili pū kou manaʻo no ka moe, a me kona ʻano.’ ʻĪ akula ʻo Beletesaza, ‘E koʻu haku, i ka poʻe i hōʻino mai iā ʻoe kēia moe, a ʻo ka hoʻohālike ʻana i kou poʻe ʻenemi nō ia.

KA BUKE NO DANIʻELA 4:5

“Ua moeʻuhane au i ka moe, ʻo kaʻu mea ia i weliweli ai, a ʻo nā manaʻo ma luna o koʻu wahi moe a me ka liʻa ʻana o koʻu poʻo, ʻo kaʻu mau mea ia e pīhoihoi ai.

KA BUKE NO DANIʻELA 5:5

¶ Ia hora nō, puka maila nā manamana lima kanaka, a kākau ihola ma luna aʻe o ka ipukukui ma ka puna o ka paia o ko ke aliʻi hale; a ʻike akula ke aliʻi i ka hapa o ka lima e kākau ana.

KA BUKE NO DANIʻELA 7:28

“Eia ka hope o kēia mea. ʻO wau, ʻo Daniʻela, ua kaumaha au i kuʻu manaʻo iho, ua ʻano ʻē koʻu maka; akā, ua hūnā au i kēia mea i loko o koʻu naʻau iho.”

NAHUMA 2:10

Ua nele, ua neoneo, a ua luku ʻia ʻo ia; Ua heheʻe ka naʻau, ua palupalu nā kuli, A he haʻalulu ma nā pūhaka a pau, A ke nananakea nā maka a pau.

ʻO KA ʻEPISETOLE A PAULO KA LUNAʻŌLELO I KO HEBERA 12:12

No laila, e hoʻoikaika i nā lima palupalu a me nā kuli nāwaliwali;