KA BUKE NO DANIʻELA 5:23 - Ka Baibala Hemolele

²³ akā, ua hoʻokiʻekiʻe ʻoe iā ʻoe iho ma luna o ke Akua o ka lani; a ua lawe ʻia mai nā kīʻaha o kona hale i mua ou, a ʻo ʻoe a me kou poʻe aliʻi, a me kou mau wāhine, a me nā haiā wahine āu, ua inu ʻoukou i ka waina i loko o laila; a hoʻoleʻa ʻoe i nā akua kālā a me ke gula, a me ke keleawe, a me ka hao, a me ka lāʻau, a me ka pōhaku, nā mea ʻike ʻole, ʻaʻole lohe, ʻaʻole hoʻi i noʻonoʻo; akā, ʻaʻole ʻoe i hoʻonani i ke Akua, ka mea i loko o kona lima kou hanu, a nona kou mau ʻaoʻao a pau.

KA BUKE NO DANIʻELA 5:23 Iomraidhean Croise

KA BUKE MUA A MOSE, I KAPA ʻIA KINOHI 14:19

Hoʻomaikaʻi maila ʻo ia iā ia, ʻī maila, “E pōmaikaʻi nō ʻo ʻAberama i ke Akua Kiʻekiʻe Loa, Nona ka lani a me ka honua;

KA BUKE MUA A MOSE, I KAPA ʻIA KINOHI 2:7

Hana ihola ʻo Iēhova ke Akua i ke kanaka, he lepo o ka honua, a hā ihola ia i ka hanu ola i loko o nā puka ihu ona; a lilo aʻela ke kanaka i mea ola.

KA BUKE ʻALUA NO NĀ ALIʻI 14:10

“Ua pepehi nō naʻe ʻoe i kā ʻEdoma, a ua hoʻokiʻekiʻe kou naʻau iā ʻoe iho; e hoʻonani ʻoe i laila, a e noho ma kou hale; no ke aha lā ʻoe e kaua pū me ka hewa, i hāʻule iho ai ʻoe, ʻo ʻoe, a me kā Iuda me ʻoe?”

KA BUKE NO IOBA 12:10

“I loko o kona lima ka ʻuhane o nā mea ola a pau, A me ka hanu o nā kānaka a pau.

KA BUKE NO IOBA 31:4

“ʻAʻole anei ia i ʻike i koʻu mau ʻaoʻao, A i helu hoʻi i kuʻu mau kapuaʻi a pau?

KA BUKE O NĀ HALELŪ 104:29

I hūnā ʻoe i kou maka, make koke ihola lākou; Lawe ʻoe i ko lākou ea, make nō lākou, a hoʻi hou i ka lepo.

KA BUKE O NĀ HALELŪ 115:16

¶ Na Iēhova nō nā lani o nā lani; Ua hāʻawi mai naʻe ʻo ia i ka honua no nā keiki a kānaka.

KA BUKE O NĀ HALELŪ 139:3

Ua hoʻāʻo mai ʻoe i koʻu ala ʻana, a me koʻu moe ʻana, A ua ʻikea nō koʻu mau ʻaoʻao a pau iā ʻoe.

KA BUKE O NĀ HALELŪ 146:4

Puka aku nō kona ea, a hoʻi ʻo ia i ka lepo; I ua lā lā nō, make kona mau manaʻo.

NĀ ʻŌLELO AKAMAI A SOLOMONA 20:24

Na Iēhova mai ka hele ʻana o ke kanaka; Pehea hoʻi e hiki ai i ke kanaka ke ʻike i kona ʻaoʻao iho?

KA WĀNANA A ʻISAIA 13:11

A e hoʻopaʻi aku au i ka hewa ma luna o ka ʻāina, A i ko lākou hala hoʻi ma luna o ka poʻe lawehala. E hoʻōki nō wau i ka manaʻo kiʻekiʻe o ka poʻe hoʻokano, A e hoʻohaʻahaʻa hoʻi au i ka manaʻo haʻakei o ka poʻe hoʻokaumaha.

KA WĀNANA A ʻISAIA 14:13

“Akā, ua ʻōlelo nō ʻoe i loko o kou naʻau, ‘E piʻi aku nō wau i ka lani, E hoʻokiʻekiʻe nō wau i koʻu noho aliʻi, Ma luna o nā hōkū o ke Akua; E noho nō wau ma ka mauna o ka hālāwai ʻana, Ma nā ʻāina lōʻihi aku o ke kūkulu ʻākau.

KA WĀNANA A ʻISAIA 2:12

¶ E kau mai nō ka lā o Iēhova o nā kaua, Ma luna o nā mea hanohano a kehakeha a pau, Ma luna hoʻi o kēlā mea kēia mea i hoʻokiʻekiʻe ʻia, a e hoʻohaʻahaʻa ʻia nō ʻo ia;

KA WĀNANA A ʻISAIA 33:10

“ʻĀnō, e kū nō ʻo wau i luna,” wahi a Iēhova, “ʻĀnō, e hāpai ʻia nō wau, ʻĀnō lā wau e hoʻokiʻekiʻe ʻia.

KA WĀNANA A ʻISAIA 37:19

a ua kiola aku nō i ko lākou akua i loko o ke ahi; no ka mea, he mau akua ʻole lākou, he hana na nā lima o kānaka, he lāʻau, a he pōhaku; no laila lākou i luku aku ai ia mau mea.

KA WĀNANA A ʻISAIA 37:23

“ʻO wai kou mea i hoʻowahāwahā ai, A ʻōlelo hōʻino aku ai nō hoʻi? Ua hoʻokiʻekiʻe ʻoe i kou leo ma luna o wai, A ʻalawa hoʻi i kou mau maka i luna lilo? Ma luna nō o ka Mea Hoʻāno o kā ʻIseraʻela!

KA WĀNANA A ʻISAIA 42:5

¶ Ke ʻī mai nei ke Akua, ʻo Iēhova, penei, Ka Mea nāna i hana nā lani, a hohola aʻela iā lākou; Ka Mea i hoʻopālahalaha aʻe i ka honua, a me kona mau mea ulu; Ka Mea hāʻawi i ka hanu no nā kānaka ma luna ona, A me ke ea hoʻi i ka poʻe e hele ana ma luna ona;

KA WĀNANA A IEREMIA 10:23

¶ E Iēhova, ua ʻike nō au, ʻaʻole i loko o ke kanaka kona ʻaoʻao iho; ʻAʻole no ke kanaka hele ke alakaʻi i kona mau kapuaʻi iho.

KA WĀNANA A IEREMIA 48:26

“E hoʻohāinu ʻoukou iā ia a ʻona; no ka mea, ua hoʻokiʻekiʻe ʻo ia i mua o Iēhova; e haluku hoʻi ʻo Moaba ma loko o kona luaʻi, a e lilo ʻo ia i mea e henehene ʻia ai.

KA WĀNANA A IEREMIA 50:28

Ka leo o ka poʻe holo a pakele ma waho o ka ʻāina ʻo Babulona, E haʻi aku ma Ziona i ka hoʻopaʻi ʻana o Iēhova, ʻo ko kākou Akua, I ka hoʻopaʻi ʻana no kona luakini.

KA WĀNANA A IEREMIA 50:29

¶ “E kēnā i ka poʻe pana e kūʻē iā Babulona; E ka poʻe a pau e lena ai ke kakaka, E hoʻomoana kūʻē iā ia a puni, Mai hoʻopakele i kekahi mea o laila; E uku aku iā ia e like me kāna hana ʻana; E like me nā mea a pau āna i hana ai, Pēlā e hana aku ai iā ia; No ka mea, ua hoʻokiʻekiʻe ʻo ia e kūʻē iā Iēhova, E kūʻē hoʻi i ka Mea Hemolele o kā ʻIseraʻela.

KA WĀNANA A ʻEZEKIʻELA 28:17

“Ua hoʻokiʻekiʻe kou naʻau no kou nani, Ua hoʻohaumia ʻoe i kou akamai no kou ʻālohilohi ʻana; E kiola iho au iā ʻoe i ka lepo, E hoʻomoe aku au iā ʻoe i mua o nā aliʻi E nānā mai ai lākou iā ʻoe.

KA WĀNANA A ʻEZEKIʻELA 28:2

“E ke keiki a ke kanaka, e ʻōlelo aku ʻoe i ke aliʻi o Turo, ‘Ke ʻī mai nei Iēhova ka Haku, penei, “No ka mea, ua hoʻokiʻekiʻe kou naʻau, A ua ʻōlelo ʻoe, ‘He akua nō wau, Ke noho nei au ma kahi noho o ke Akua, I waena o ke kai’; He kanaka nō naʻe ʻoe, ʻaʻole he akua, Inā e hoʻonoho ʻoe i kou naʻau me ka naʻau o ke Akua.

KA WĀNANA A ʻEZEKIʻELA 28:5

“Ma kou akamai nui, a ma kou kālepa ʻana ua hoʻonui ʻoe i kou waiwai nui, A ua kiʻekiʻe aʻe kou naʻau no ka nui o kou waiwai.

KA WĀNANA A ʻEZEKIʻELA 31:10

¶ ‘No ia mea lā, ke ʻōlelo mai nei Iēhova ka Haku, “No kou hoʻokiʻekiʻe ʻana iā ʻoe iho i kiʻekiʻe; a hoʻopuka aku ʻo ia i kona wēlau i waena o nā lālā paʻapū, a ua hoʻokiʻekiʻe kona naʻau i kona kiʻekiʻe;

KA BUKE NO DANIʻELA 11:12

“A i kona lawe ʻana i ua poʻe nui lā, e hoʻokiʻekiʻe ʻia kona naʻau; a e hoʻohiolo iho ʻo ia i nā tausani he nui; ʻaʻole naʻe ia e lilo i mea ikaika ma laila.

KA BUKE NO DANIʻELA 4:37

“ʻĀnō ʻo wau ʻo Nebukaneza ke hoʻonani aku nei au, ke hoʻoleʻa aku hoʻi me ka mahalo i ke Aliʻi o ka lani, ʻo kāna mau hana ua pau i ka ʻoiaʻiʻo, a ʻo kona mau ʻaoʻao ua pololei loa; a ʻo ka poʻe e hele ana ma ka haʻaheo, e hiki nō iā ia ke hoʻohaʻahaʻa iho iā lākou.”

KA BUKE NO DANIʻELA 8:11

ʻO ia, haʻanui ʻo ia iā ia iho i ka Luna o ka poʻe pūʻali, a hoʻopau ʻo ia i ka mōhai o nā lā, ʻo ka wahi hoʻāno kekahi, ua hoʻolei ʻia i lalo.

HABAKUKA 2:4

¶ “Aia hoʻi, ʻo ka mea hoʻokiʻekiʻe, ʻAʻole pono kona naʻau i loko ona; Akā, ʻo ka mea pono, e hoʻōla ʻia ʻo ia ma kona manaʻoʻiʻo.

NĀ ʻOIHANA A KA POʻE LUNAʻŌLELO 17:25

ʻaʻole hoʻi ia i mālama ʻia e nā lima kanaka, ʻaʻole naʻe ia i nele i kekahi mea; nāna nō i hāʻawi mai nei ke ola no nā mea a pau, a me ka hanu, a me nā mea a pau;

ʻO KA ʻEPISETOLE MUA A PAULO KA LUNAʻŌLELO I KO KORINETO 8:4

Ma ka ʻai ʻana i nā mea i kaumaha ʻia na nā kiʻi, ua ʻike nō kākou, he mea ʻole ke kiʻi, ma ka honua nei, ʻaʻole hoʻi he Akua ʻē aʻe, hoʻokahi wale nō.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:6

ʻAʻole ka mea ʻakahi ʻakahi, o hoʻokiʻekiʻe aʻe ʻo ia a hāʻule i loko o ka hoʻohewa ʻia ʻana o ka diabolō.

ʻO KA ʻEPISETOLE A PAULO KA LUNAʻŌLELO I KO HEBERA 4:13

ʻAʻohe mea nalo i kona maka; akā, ua wehe ʻia, a ua akāka loa nā mea a pau i ka maka o ka Mea iā ia kākou e haʻi aku ai.

KA HŌʻIKE ʻANA A IOANE KA HAIPULE 9:20

A ʻo kānaka i koe, ka poʻe i make ʻole i kēia mau mea ʻino, ʻaʻole lākou i mihi i nā hana a ko lākou mau lima, i ʻole ai lākou e hoʻomana aku i nā daimonio, a me nā akua kiʻi o ke gula, a me ke kālā, a me ke keleawe, a me ka pōhaku, a me ka lāʻau; nā mea ʻaʻole hiki ke nānā, ʻaʻole hoʻi ke lohe, ʻaʻole hoʻi ke hele.

KA BUKE NO NĀ LUNA KĀNĀWAI 16:23

¶ A laila hoʻākoakoa maila nā aliʻi o ko Pilisetia e kaumaha aku i mōhai nui no Dagona, ko lākou akua, a e ʻoliʻoli; no ka mea, ʻōlelo maila lākou: “Ua hāʻawi mai ko kākou akua iā Samesona I ko kākou ʻenemi, i loko o ko kākou lima!”

KA BUKE MUA A SAMUʻELA 17:26

¶ ʻŌlelo akula ʻo Dāvida i nā kānaka e kū pū ana me ia, ʻī akula, “He aha ka mea e hana ʻia mai ai i ke kanaka, nāna e pepehi kēia kanaka Pilisetia, a e lawe aku i ka hōʻino mai kā ʻIseraʻela aku? ʻO wai lā kēia Pilisetia i ʻoki poepoe ʻole ʻia, i ʻaʻa mai ai ia i ka poʻe kaua o ke Akua ola?”

KA BUKE MUA A SAMUʻELA 17:36

“A ʻo ka liona a me ka bea, ua make lāua a ʻelua i kāu kauā; a ʻo kēia Pilisetia ʻoki poepoe ʻole ʻia, e like auaneʻi ia me kekahi o lāua, no kona ʻaʻa ʻana i ka poʻe kaua o ke Akua ola.”