KA BUKE NO DANIʻELA 5:20 - Ka Baibala Hemolele

²⁰ “Akā, i ka wā i hoʻokiʻekiʻe ai kona naʻau, a paʻakikī nō hoʻi kona manaʻo me ka haʻakei, ua kipaku ʻia ʻo ia mai ka noho aliʻi ona, a ua lawe ʻia aku kona hanohano mai ona aku lā.

KA BUKE NO DANIʻELA 5:20 Iomraidhean Croise

KA BUKE ʻALUA NO NĀ ALIʻI 17:14

ʻAʻole naʻe lākou i mālama, hōʻoʻoleʻa lākou i ko lākou ʻāʻī, e like me ka ʻāʻī o ko lākou poʻe kūpuna, ka poʻe manaʻoʻiʻo ʻole iā Iēhova ko lākou Akua.

KA BUKE ʻALUA O KA ʻOIHANA ALIʻI 32:25

ʻAʻole hoʻi i hana aku ʻo Hezekia e like me kāna lokomaikaʻi ʻia mai; no ka mea, ua hoʻokiʻekiʻe ʻia kona naʻau; no ia mea, ua hiki mai ka huhū ma luna ona, a ma luna o kā Iuda a me ko Ierusalema.

KA BUKE ʻALUA O KA ʻOIHANA ALIʻI 36:13

Kipi nō hoʻi ia i ke aliʻi iā Nebukaneza, ka mea nāna i kēnā mai iā ia e hoʻohiki i ke Akua; hōʻoʻoleʻa ia i kona ʻāʻī, a hoʻopaʻakikī ia i kona naʻau i huli ʻole ai iā Iēhova, ke Akua o kā ʻIseraʻela.

KA BUKE ʻALUA A MOSE, I KAPA ʻIA PUKA ʻANA 18:11

“ʻĀnō, ua ʻike au i ka ʻoi ʻana o ko Iēhova mana ma mua o ko nā akua a pau; no ka mea, ma kahi a lākou i hoʻokiʻekiʻe ai, aia nō ia ma luna o lākou.”

KA BUKE ʻALUA A MOSE, I KAPA ʻIA PUKA ʻANA 9:17

“Ke hoʻokiʻekiʻe nei anei ʻoe iā ʻoe iho a hiki i kēia wā, e kūʻē i koʻu poʻe kānaka, i ʻole ai e hoʻokuʻu aku iā lākou?

KA BUKE ʻALUA A MOSE, I KAPA ʻIA PUKA ʻANA 9:7

Hoʻouna akula ʻo Paraʻo, aia hoʻi, ʻaʻole i make kekahi o kā ʻIseraʻela poʻe holoholona. A ua hoʻopaʻakikī ʻia ka naʻau o Paraʻo, ʻaʻole ia i hoʻokuʻu aku i nā kānaka.

NĀ ʻŌLELO AKAMAI A SOLOMONA 16:18

Ma mua o ka hina ʻana, ka haʻaheo, A ma mua o ka hāʻule ʻana ka naʻau kiʻekiʻe.

NĀ ʻŌLELO AKAMAI A SOLOMONA 16:5

He hoʻopailua iā Iēhova nā naʻau kiʻekiʻe a pau; Inā e kuʻikahi lima i kahi lima, ʻaʻole naʻe e ʻole kona hoʻopaʻi ʻia.

KA WĀNANA A ʻISAIA 47:1

¶ “E iho i lalo, a e noho ma ka lepo, e ke kaikamahine puʻupaʻa o Babulona, E noho ma ka honua, ʻaʻohe noho aliʻi, e ke kaikamahine o Kaledea; No ka mea, ʻaʻole ʻoe e hea hou ʻia he pūloku, a palupalu.

KA WĀNANA A IEREMIA 13:18

E ʻī aku i ke aliʻi kāne a i ke aliʻi wahine, “E hoʻohaʻahaʻa iā ʻolua iho, E noho i lalo; No ka mea, e hoʻohaʻahaʻa ʻia nō ko ʻolua mau poʻokela, a me ka lei aliʻi o ko ʻolua nani.”

KA WĀNANA A IEREMIA 19:15

“Ke ʻī mai nei ʻo Iēhova o nā kaua, ke Akua o kā ʻIseraʻela penei, “Aia hoʻi, e lawe mai nō wau ma luna o kēia kūlanakauhale, a ma luna o kona mau kauhale a pau, i ka hewa a pau aʻu i haʻi aku ai nona; no ka mea, ua hoʻopaʻakikī lākou i ko lākou ʻāʻī, i mea e hoʻolohe ʻole ai lākou i kaʻu mau ʻōlelo.’”

KA WĀNANA A IEREMIA 48:18

“E ke kaikamahine e noho lā ma Dibona, E iho mai ʻoe, mai kou nani mai, E noho hoʻi ma loko o ka make wai; No ka mea, e piʻi mai nō ka mea ʻānai iā Moaba ma luna ou. E hoʻohiolo hoʻi i kou mau pā kaua.

KA WĀNANA A ʻEZEKIʻELA 30:6

¶ ‘Ke ʻī mai nei Iēhova penei, “E hāʻule nō hoʻi ka poʻe kōkua iā ʻAigupita, A e iho iho ka haʻaheo o kona ikaika i lalo; Mai ka hale kiaʻi o Seʻena E hāʻule ai lākou ma ka pahi kaua i loko ona,” Wahi a Iēhova ka Haku.

KA WĀNANA A ʻEZEKIʻELA 31:10

¶ ‘No ia mea lā, ke ʻōlelo mai nei Iēhova ka Haku, “No kou hoʻokiʻekiʻe ʻana iā ʻoe iho i kiʻekiʻe; a hoʻopuka aku ʻo ia i kona wēlau i waena o nā lālā paʻapū, a ua hoʻokiʻekiʻe kona naʻau i kona kiʻekiʻe;

KA BUKE NO DANIʻELA 11:36

¶ “A ʻo ke aliʻi e hana nō ia ma muli o kona makemake iho; a e hoʻokiʻekiʻe iā ia iho ma luna o nā akua a pau, a e ʻōlelo i nā mea kupaianaha kūʻē i ke Akua o nā akua, a e pōmaikaʻi nō naʻe ia a hiki i ka pau ʻana o ka huhū ʻia mai; no ka mea, ʻo ka mea i hoʻopaʻa ʻia mai, e hoʻokō ʻia mai nō ia.

KA BUKE NO DANIʻELA 4:26

‘A e like me ka mea i ʻōlelo ʻia, e waiho ʻia ke kumu o nā aʻa o ua lāʻau lā; eiʻa, a ʻike ʻoe no nā Lani mai ke aliʻi ʻana, a laila e paʻa ai iā ʻoe kou aupuni.

KA BUKE NO DANIʻELA 4:28

¶ “A kau mai nō kēia mau mea a pau ma luna o Nebukaneza ke aliʻi.

KA BUKE NO DANIʻELA 4:37

“ʻĀnō ʻo wau ʻo Nebukaneza ke hoʻonani aku nei au, ke hoʻoleʻa aku hoʻi me ka mahalo i ke Aliʻi o ka lani, ʻo kāna mau hana ua pau i ka ʻoiaʻiʻo, a ʻo kona mau ʻaoʻao ua pololei loa; a ʻo ka poʻe e hele ana ma ka haʻaheo, e hiki nō iā ia ke hoʻohaʻahaʻa iho iā lākou.”

KA BUKE NO DANIʻELA 8:8

No ia mea, māhuahua loa ka ikaika o ua kao kāne lā; a i kona wā i ikaika loa ai, ua uhaʻi ʻia kona pepeiaohao nui; a ua pani ʻia nō hoʻi kona hakahaka i nā pepeiaohao nui ʻehā, e kū pono ana i nā makani ʻehā o ka lani.

KA ʻEUANELIO I KĀKAU ʻIA AI E LUKA 18:14

“Ke haʻi aku nei au iā ʻoukou, ʻo ia ka mea i iho i kona hale me ka hoʻāpono ʻia, ʻaʻole kēlā; no ka mea, ʻo ka mea i hoʻokiʻekiʻe aʻe iā ia iho, ʻo ia ke hoʻohaʻahaʻa ʻia; a ʻo ka mea i hoʻohaʻahaʻa iā ia iho, ʻo ia ke hoʻokiʻekiʻe ʻia aʻe.”

ʻO KA ʻEPISETOLE A PAULO KA LUNAʻŌLELO I KO HEBERA 3:13

Akā, e hoʻoikaika mau kekahi i kekahi i ka wā i kapa ʻia “ʻO kēia lā,” o hoʻopaʻakikī ʻia kekahi o ʻoukou ma ka hoʻopunipuni ʻana o ka hewa.

KA BUKE MUA A SAMUʻELA 6:6

“No ke aha lā ʻoukou, e hoʻopaʻakikī nei i ko ʻoukou naʻau, e like me ko ʻAigupita, a me Paraʻo i hoʻopaʻakikī ai i ko lākou naʻau? Iā ia i hana mana ai i waena o lākou, ʻaʻole anei ia i kuʻu aku iā lākou, a hele lākou?