KA BUKE NO DANIʻELA 5:2 - Ka Baibala Hemolele

² A i ko Belehazara hoʻāʻo iki ʻana i ka waina, kauoha maila ʻo ia e lawe mai i nā kīʻaha gula, a me ke kālā, nā mea a Nebukaneza kona makua kāne i lawe mai ai mai ka luakini ma Ierusalema mai; i inu ai ke aliʻi, a me kona poʻe aliʻi, a me kāna mau wāhine, a me nā haiā wahine āna i loko o ia mau mea.

KA BUKE NO DANIʻELA 5:2 Iomraidhean Croise

KA BUKE ʻALUA A SAMUʻELA 9:7

ʻĪ akula ʻo Dāvida iā ia, “Mai makaʻu ʻoe; no ka mea, e ʻoiaʻiʻo nō, e lokomaikaʻi aku au iā ʻoe no Ionatana kou makua kāne, a e hoʻihoʻi aku au nou i ka ʻāina a pau o kou kupuna kāne ʻo Saula; a e ʻai mau ʻoe i ka berena ma kuʻu papa ʻaina.”

KA BUKE ʻALUA NO NĀ ALIʻI 24:13

A lawe aʻela ia mai laila aku i ka waiwai a pau o ka hale o Iēhova, a me ka waiwai o ka hale o ke aliʻi, a ʻoki liʻiliʻi ihola nā kīʻaha gula a pau a Solomona ke aliʻi o kā ʻIseraʻela i hana ai ma ka luakini o Iēhova, e like me kā Iēhova i ʻōlelo mai ai.

KA BUKE ʻALUA NO NĀ ALIʻI 25:15

A ʻo nā ipu ahi, a me nā bola, a ʻo nā mea gula i hana ʻia i ke gula, a me nā mea kālā i hana ʻia i ke kālā, ʻo ia mau mea kā ka luna koa i lawe akula.

KA BUKE ʻALUA O KA ʻOIHANA ALIʻI 11:20

A ma hope iho, lawe ʻo ia iā Maʻaka i ke kaikamahine a ʻAbesaloma; a hānau mai ʻo ia nāna ʻo ʻAbiia, a me ʻAtai, a me Ziza, a me Silomita.

KA BUKE ʻALUA O KA ʻOIHANA ALIʻI 15:16

¶ A ʻo Maʻaka ka makuahine o ʻAsa ke aliʻi, kipaku akula ʻo ia iā ia mai kona noho aliʻi ʻana aku; no ka mea, ua hana ʻo ia i kiʻi no ʻAsetarota, wāwahi ihola ʻo ʻAsa i kāna kiʻi, a hehi ʻo ia ia mea, a puhi i ke ahi ma ke kahawai ʻo Kederona.

KA BUKE ʻALUA O KA ʻOIHANA ALIʻI 36:10

A i ka pau ʻana o ka makahiki, hoʻouna mai ke aliʻi ʻo Nebukaneza, a lawe aku iā ia i Babulona me nā ipu maikaʻi o ka hale o Iēhova, a hoʻolilo ʻo ia iā Zedekia kona hoahānau i aliʻi ma luna o kā Iuda a me Ierusalema.

KA BUKE ʻALUA O KA ʻOIHANA ALIʻI 36:18

A me nā kīʻaha o ka hale o ke Akua, nā mea nui a me nā mea liʻiliʻi, a me nā waihona mea laʻa o ka hale o Iēhova, a me ka waihona waiwai o ke aliʻi a me nā kaukaualiʻi ona; lawe ia i kēia mau mea a pau loa i Babulona.

KA BUKE A ʻEZERA 5:14

‘A ʻo nā kīʻaha gula, a me ke kālā o ka hale o ke Akua, nā mea a Nebukaneza i lawe aʻe mai loko mai o ka luakini ma Ierusalema, a hali aku ia mau mea i ka luakini ma Babulona, ʻo ia mau mea kā Kuro ke aliʻi i lawe ai mai loko mai o ka luakini ma Babulona, a ua hāʻawi ʻia ʻo ia mau mea i kekahi, ʻo Sesebazara kona inoa, ka mea āna i hoʻonoho ai i kiaʻāina.

KA WĀNANA A IEREMIA 27:7

“A e hoʻokauā ko nā ʻāina a pau nāna, a na kāna keiki, a na ke keiki a kāna keiki, a hiki wale mai ka manawa o nā ʻāina; a laila, e hoʻokauā aku ʻo ia na ko nā ʻāina he nui, a na nā aliʻi kaulana.

KA WĀNANA A IEREMIA 50:35

“He pahi kaua nō, aia ma luna o ko Kaledea,” wahi a Iēhova, “A ma luna hoʻi o ka poʻe e noho lā ma Babulona, A ma luna o kona poʻe aliʻi, a ma luna o kona poʻe akamai.

KA WĀNANA A IEREMIA 52:19

A lawe aku nō hoʻi ka luna kaua i nā ipu, a me nā pā ahi, a me nā pā ipu, a me nā ipu wai nui, a me nā ipukukui manamana, nā puna, a me nā kīʻaha; ʻo ka mea gula, he gula, a ʻo ka mea kālā, he kālā.

KA BUKE NO DANIʻELA 1:2

A hāʻawi akula ke Akua i loko o kona lima iā Iehoiakima ke aliʻi o Iuda, a me kekahi mau ipu o ka hale o ke Akua, a lawe akula ʻo ia ia mau mea i ka ʻāina i Sinara i ka hale o kona akua; a hoʻokomo ʻo ia i nā ipu i loko o ka hale waihona waiwai o kona akua iho.

KA BUKE NO DANIʻELA 5:11

“No ka mea, e noho ana ke kanaka i loko o kou aupuni, aia i loko ona ka ʻuhane o nā akua hemolele; a i nā lā o kou makua, ua loaʻa i loko ona ka mālamalama, a me ka naʻauao, a me ke akamai, e like me ke akamai o nā akua; ka mea a ke aliʻi a Nebukaneza, a kou makua, a ke aliʻi kou makua nō, i hoʻonoho ai i aliʻi ma luna o nā kākau ʻōlelo, a me nā māgoi, a me ka poʻe Kaledea, a me ka poʻe kilokilo.

KA BUKE NO DANIʻELA 5:13

¶ A laila alakaʻi ʻia maila ʻo Daniʻela i mua o ke aliʻi. ʻŌlelo akula ke aliʻi iā Daniʻela, ʻī akula, “ʻO ʻoe anei ua Daniʻela lā, no ka poʻe pio no Iuda, ka poʻe a ke aliʻi a koʻu makua kāne i lawe pio aʻe ai mai Iuda mai?

KA BUKE NO DANIʻELA 5:18

“E ke aliʻi ē, ua hāʻawi mai ke Akua Kiʻekiʻe iā Nebukaneza i kou makua, i ke aupuni, a me ka nani, a me ka hanohano, a me ka mahalo ʻia mai.

KA BUKE NO DANIʻELA 5:23

akā, ua hoʻokiʻekiʻe ʻoe iā ʻoe iho ma luna o ke Akua o ka lani; a ua lawe ʻia mai nā kīʻaha o kona hale i mua ou, a ʻo ʻoe a me kou poʻe aliʻi, a me kou mau wāhine, a me nā haiā wahine āu, ua inu ʻoukou i ka waina i loko o laila; a hoʻoleʻa ʻoe i nā akua kālā a me ke gula, a me ke keleawe, a me ka hao, a me ka lāʻau, a me ka pōhaku, nā mea ʻike ʻole, ʻaʻole lohe, ʻaʻole hoʻi i noʻonoʻo; akā, ʻaʻole ʻoe i hoʻonani i ke Akua, ka mea i loko o kona lima kou hanu, a nona kou mau ʻaoʻao a pau.

KA BUKE NO DANIʻELA 5:3

A laila lawe mai lākou i nā kīʻaha gula, nā mea i lawe ʻia, mai ka luakini ka hale o ke Akua ma Ierusalema; a inu ihola ma laila ke aliʻi, a me kona poʻe aliʻi, a me nā wāhine āna, a me kāna mau haiā wahine.

KA BUKE NO DANIʻELA 5:30

¶ Ia pō nō pepehi ʻia ihola a make ʻo Belehazara ke aliʻi o ka poʻe Kaledea.

KA BUKE NO DANIʻELA 5:4

Inu ihola lākou i ka waina, a hoʻomaikaʻi lākou i nā akua o ke gula, ʻo ke kālā, ʻo ke keleawe, ʻo ka hao, ʻo ka lāʻau, a ʻo ka pōhaku.

KA BUKE ʻAHĀ A MOSE, I KAPA ʻIA NĀ HELU 7:79

ʻO kāna mōhai, hoʻokahi ia pā kālā, hoʻokahi haneri a me kanakolu nā sekela o ke kaupaona ʻana, hoʻokahi bola kālā, he kanahiku nā sekela, ma ka sekela o ke keʻena kapu; ua piha ia mau mea a ʻelua i ka palaoa i kāwili pū ʻia me ka ʻaila, i mōhai ʻai;