KA BUKE NO DANIʻELA 5:10 - Ka Baibala Hemolele

¹⁰ ¶ No kēia mea a ke aliʻi, a me nā aliʻi ona, komo maila ke aliʻi wahine i loko o ka hale ʻaha inu; a ʻōlelo aʻela ke aliʻi wahine, ʻī aʻela, “E ke aliʻi ē, e ola mau loa ʻoe. Mai pīhoihoi kou manaʻo, ʻaʻole hoʻi e hoʻoʻano ʻē aʻe kou maka.

KA BUKE NO DANIʻELA 5:10 Iomraidhean Croise

KA BUKE MUA NO NĀ ALIʻI 1:31

A laila kūlou ihola ʻo Bateseba i lalo ke alo i ka honua, a hoʻomaikaʻi akula i ke aliʻi, me ka ʻōlelo aku, “E ola mau loa kuʻu haku ke aliʻi Dāvida!”

KA BUKE NO IOBA 13:4

“A ʻo ʻoukou naʻe, he poʻe noʻonoʻo i ka wahaheʻe, He poʻe kāhuna lapuwale ʻoukou a pau.

KA BUKE NO IOBA 21:34

“A pehea lā ko ʻoukou hōʻoluʻolu makehewa ʻana mai iaʻu, A ua hewa kā ʻoukou ʻōlelo ʻana mai?”

KA BUKE NO DANIʻELA 2:4

¶ ʻEkemu maila ka poʻe Kaledea i ke aliʻi ma ka ʻōlelo Suria, “E ola mau loa ke aliʻi: E haʻi mai ʻoe i kāu poʻe kauā i ua moe lā, a na mākou ia e hoʻākāka aku.”

KA BUKE NO DANIʻELA 3:9

ʻŌlelo aku lākou, ʻī akula iā Nebukaneza i ke aliʻi, “E ke aliʻi, e ola mau loa ʻoe!

KA BUKE NO DANIʻELA 5:6

A laila ʻano ʻē aʻela ko ke aliʻi maka, a pīhoihoi ihola kona manaʻo; ua naka wale ihola ke ʻami o kona pāpākole, a pūkē kona mau kuli i kekahi i kekahi.

KA BUKE NO DANIʻELA 6:21

ʻĪ maila ʻo Daniʻela i ke aliʻi, “E ke aliʻi, e ola mau loa ʻoe!

KA BUKE NO DANIʻELA 6:6

A laila hoʻākoakoa aʻela ua poʻe luna lā, a me nā aliʻi i mua o ke aliʻi, a ʻōlelo akula iā ia, “E Dariu, e ke aliʻi ē, e ola mau loa ʻoe!