KA BUKE NO DANIʻELA 4:5 - Ka Baibala Hemolele

⁵ “Ua moeʻuhane au i ka moe, ʻo kaʻu mea ia i weliweli ai, a ʻo nā manaʻo ma luna o koʻu wahi moe a me ka liʻa ʻana o koʻu poʻo, ʻo kaʻu mau mea ia e pīhoihoi ai.

KA BUKE NO DANIʻELA 4:5 Iomraidhean Croise

KA BUKE MUA A MOSE, I KAPA ʻIA KINOHI 41:1

¶ Ma hope o nā makahiki ʻelua, moe ihola ʻo Paraʻo, aia hoʻi, kū ihola ia ma kapa o ka muliwai.

KA BUKE NO DANIʻELA 1:7

Kapa aʻela ka luna o ka poʻe i poʻa ʻia i mau inoa hou no lākou; kapa aʻela ʻo ia i ko Daniʻela ʻo Beletesaza; i ko Hanania ʻo Saderaka; i ko Misaʻela ʻo Mesaka; a me ko ʻAzaria ʻo ʻAbedenego.

KA BUKE NO DANIʻELA 2:1

¶ I ka makahiki ʻelua o ke au iā Nebukaneza, ua moeʻuhane ʻo Nebukaneza, a ʻānoninoni ihola kona ʻuhane, hiaʻā loa ihola kona hiamoe.

KA BUKE NO DANIʻELA 2:3

ʻĪ akula ke aliʻi iā lākou, “Ua moeʻuhane au i ka moe, a pīhoihoi ihola kuʻu ʻuhane e ʻike i ua moe lā.”

KA BUKE NO DANIʻELA 4:10

‘Penei ka liʻa ʻana a koʻu poʻo ma luna o koʻu wahi moe: aia hoʻi, ua ʻike au, he lāʻau i waenakonu o ka honua, a ʻo kona kiʻekiʻe, ua ʻoi nui loa aku ia.

KA BUKE NO DANIʻELA 4:13

¶ ‘Ua ʻike au ma ka liʻa ʻana o kuʻu poʻo ma luna iho o koʻu wahi moe, aia hoʻi, he mea kiaʻi a he mea hemolele e iho mai ana mai ka lani mai.

KA BUKE NO DANIʻELA 4:15

“Akā, e waiho i ke kumu o kona aʻa ma ka lepo, Me ke apo hao, a me ke keleawe, Ma waena o nā mea uliuli o ke kula; A e hoʻopulu ʻia ʻo ia i ka hau o ka lani, ʻO kona kuleana aia nō ia me nā holoholona ma ka mauʻu o ka honua.

KA BUKE NO DANIʻELA 4:19

¶ “A laila pili pū ihola ʻo Daniʻela i kapa ʻia ʻo Beletesaza i hoʻokahi hora, a pono ʻole kona manaʻo. ʻEkemu maila ke aliʻi, ʻī mai, ‘E Beletesaza, mai pili pū kou manaʻo no ka moe, a me kona ʻano.’ ʻĪ akula ʻo Beletesaza, ‘E koʻu haku, i ka poʻe i hōʻino mai iā ʻoe kēia moe, a ʻo ka hoʻohālike ʻana i kou poʻe ʻenemi nō ia.

KA BUKE NO DANIʻELA 5:10

¶ No kēia mea a ke aliʻi, a me nā aliʻi ona, komo maila ke aliʻi wahine i loko o ka hale ʻaha inu; a ʻōlelo aʻela ke aliʻi wahine, ʻī aʻela, “E ke aliʻi ē, e ola mau loa ʻoe. Mai pīhoihoi kou manaʻo, ʻaʻole hoʻi e hoʻoʻano ʻē aʻe kou maka.

KA BUKE NO DANIʻELA 5:11

“No ka mea, e noho ana ke kanaka i loko o kou aupuni, aia i loko ona ka ʻuhane o nā akua hemolele; a i nā lā o kou makua, ua loaʻa i loko ona ka mālamalama, a me ka naʻauao, a me ke akamai, e like me ke akamai o nā akua; ka mea a ke aliʻi a Nebukaneza, a kou makua, a ke aliʻi kou makua nō, i hoʻonoho ai i aliʻi ma luna o nā kākau ʻōlelo, a me nā māgoi, a me ka poʻe Kaledea, a me ka poʻe kilokilo.

KA BUKE NO DANIʻELA 7:1

¶ I ka makahiki mua o Belehazara, ke aliʻi o Babulona, he moeʻuhane ko Daniʻela, a me ka liʻa o kona poʻo ma luna o kona wahi moe. A laila palapala ihola ʻo Daniʻela i ua moe lā, a hōʻike aku ia i ka nui o ia mau mea.

KA BUKE NO DANIʻELA 7:28

“Eia ka hope o kēia mea. ʻO wau, ʻo Daniʻela, ua kaumaha au i kuʻu manaʻo iho, ua ʻano ʻē koʻu maka; akā, ua hūnā au i kēia mea i loko o koʻu naʻau iho.”