KA BUKE NO DANIʻELA 4:25 - Ka Baibala Hemolele

²⁵ e kipaku lākou iā ʻoe mai nā kānaka aku, a ʻo kou wahi e noho ai aia nō ia me nā holoholona o ke kula, a e ʻai iho ʻoe i ka weuweu e like me nā bipi kauō, a e hoʻopulu ʻia nō hoʻi ʻoe i ka hau o ka lani, a hala nā manawa ʻehiku ma luna ou, a ʻike ʻoe e aliʻi ana ka Mea Kiʻekiʻe ma luna o ke aupuni kanaka, a hāʻawi aku nō ʻo ia ia mea i kāna mea e manaʻo ai.

KA BUKE NO DANIʻELA 4:25 Iomraidhean Croise

KA BUKE O NĀ HALELŪ 103:19

¶ Ua hoʻonoho paʻa ʻo Iēhova i kona noho aliʻi ma ka lani; A noho aliʻi hoʻi kona aupuni ma luna o nā mea a pau.

KA BUKE O NĀ HALELŪ 106:20

Hoʻololi lākou i ko lākou nani I ke ʻano o ka bipi e ʻai ana i ka mauʻu.

KA BUKE O NĀ HALELŪ 75:7

No ka mea, ʻo ke Akua ka Luna Kānāwai; Ua hoʻohaʻahaʻa ʻo ia i kekahi, a ua hoʻokiʻekiʻe hoʻi i kekahi.

KA BUKE O NĀ HALELŪ 83:18

I ʻike lākou, ʻo ʻoe, ka Mea wale nō nona ka inoa ʻo IĒHOVA; ʻO ʻoe nō ka Mea Kiʻekiʻe Loa ma luna o ka honua a pau.

KA WĀNANA A IEREMIA 27:5

naʻu nō i hana ka honua, ke kanaka, a me nā holoholona ma luna o ka ʻāina, i koʻu mana nui, a i koʻu lima kākāuha, a ua hāʻawi hoʻi ia i ka mea aʻu i manaʻo makemake ai.

KA BUKE NO DANIʻELA 2:21

“Nāna nō i hoʻololi mai i nā wā a me nā kau; Nāna nō i kipaku aku i nā aliʻi, a hoʻokū hoʻi i luna i nā aliʻi; Hāʻawi mai nō hoʻi ʻo ia i ka naʻauao no ka poʻe naʻauao, A me ka ʻike no ka poʻe ʻike.

KA BUKE NO DANIʻELA 2:37

“ʻO ʻoe nō, e ke aliʻi, he aliʻi ʻoe o nā aliʻi; a ua hāʻawi mai nō ke Akua o ka lani iā ʻoe i ke aupuni, a me ka mana, a me ka ikaika, a me ka hanohano.

KA BUKE NO DANIʻELA 2:47

ʻŌlelo maila ke aliʻi iā Daniʻela, ʻī mai, “He ʻoiaʻiʻo nō ʻo ko ʻoukou Akua he Akua ia o nā akua, a he Haku o nā aliʻi, ʻo ia hoʻi ka mea e hoʻākāka mai i nā mea i ʻike ʻole ʻia; no ka mea, iā ʻoe nō e hiki ai ke hoʻākāka mai i kēia mea i ʻike ʻole ʻia.”

KA BUKE NO DANIʻELA 4:16

“E hoʻolilo ʻia kona naʻau kanaka, A e hāʻawi ʻia iā ia ka naʻau holoholona; A hala aʻe nā manawa ʻehiku ma luna ona.

KA BUKE NO DANIʻELA 4:17

“ʻO ka manaʻo paʻa kēia o nā mea kiaʻi, A ʻo ke kauoha hoʻi a nā mea hemolele; I ʻike ai ka poʻe e ola ana Aia ma luna o ke aupuni kanaka ka Mea Kiʻekiʻe e aliʻi ana, A hāʻawi aku nō ʻo ia ia mea na ka mea āna e makemake ai, A hoʻonoho ma luna iho i nā kānaka lalo loa.”

KA BUKE NO DANIʻELA 4:2

“He mea pono i koʻu manaʻo ke hoʻākāka aku i nā hōʻailona, a me nā hana mana a ke Akua Kiʻekiʻe i hana mai ai iaʻu.