KA BUKE NO DANIʻELA 4:17 - Ka Baibala Hemolele

¹⁷ “ʻO ka manaʻo paʻa kēia o nā mea kiaʻi, A ʻo ke kauoha hoʻi a nā mea hemolele; I ʻike ai ka poʻe e ola ana Aia ma luna o ke aupuni kanaka ka Mea Kiʻekiʻe e aliʻi ana, A hāʻawi aku nō ʻo ia ia mea na ka mea āna e makemake ai, A hoʻonoho ma luna iho i nā kānaka lalo loa.”

KA BUKE NO DANIʻELA 4:17 Iomraidhean Croise

KA BUKE MUA NO NĀ ALIʻI 21:25

¶ ʻAʻohe mea like me ʻAhaba, ka mea i kūʻai lilo aku iā ia iho e hana ma ka hewa, ma ke alo o Iēhova, ka mea a Iezebela kāna wahine i hoʻoikaika aku ai.

KA BUKE ʻALUA O KA ʻOIHANA ALIʻI 28:22

¶ A i kona wā pōpilikia, hoʻonui ia i kona lawehala ʻana iā Iēhova. ʻO ia nō ua aliʻi lā, ʻo ʻAhaza.

KA BUKE O NĀ HALELŪ 103:19

¶ Ua hoʻonoho paʻa ʻo Iēhova i kona noho aliʻi ma ka lani; A noho aliʻi hoʻi kona aupuni ma luna o nā mea a pau.

KA BUKE O NĀ HALELŪ 12:8

E hele ana nō ka poʻe hewa i kēlā ʻaoʻao a i kēia ʻaoʻao, I ka manawa i hoʻokiʻekiʻe ʻia ai nā kānaka ʻino loa.

KA BUKE O NĀ HALELŪ 9:16

Ua ʻikea ʻo Iēhova, ua hana mai ia i ka pono; Ua punihei ka mea kolohe i ka hana a kona mau lima iho. Hikaiona. Sila.

KA BUKE ʻALUA A MOSE, I KAPA ʻIA PUKA ʻANA 9:16

“Akā, no kēia mea, i hoʻokū aʻe au iā ʻoe, i mea e hōʻike aku ai au i koʻu mana ma ou lā, a i kaulana aku ai koʻu inoa ma ka honua a pau.

KA WĀNANA A ʻISAIA 6:3

A hea aʻela kekahi i kekahi, “ʻIhiʻihi, ʻihiʻihi, ʻihiʻihi nō ʻo Iēhova o nā kaua. Ua piha ka honua i kona nani!”

KA WĀNANA A ʻISAIA 6:8

A lohe ihola nō hoʻi au i ka leo o ka Haku, i ka ʻī ʻana mai, “Iā wai lā wau e hoʻouna aku ai? A ʻo wai ka mea nāna e hele no kākou?” A laila, ʻī akula au, “Eia nō wau, e hoʻouna iaʻu.”

KA WĀNANA A ʻEZEKIʻELA 25:17

“A e hoʻopaʻi nui au iā lākou, me ka pāpā huhū aku; a e ʻike nō lākou ʻo wau nō ka Haku i kuʻu wā e kau ai i koʻu hoʻopaʻi ʻana ma luna o lākou.”’”

KA WĀNANA A ʻEZEKIʻELA 7:24

‘No laila e lawe mai au i ka poʻe hewa nui o nā lāhui kanaka, a lilo ko lākou nei mau hale iā lākou lā, a e hoʻōki au i ka hanohano o ka poʻe ikaika, a e hoʻohaumia ʻia ko lākou mau wahi hoʻāno.

KA BUKE NO DANIʻELA 11:21

“A e kū mai nō i luna ma kona hakahaka kekahi mea ʻino, ʻaʻole lākou e hāʻawi iā ia i ka hanohano o ke aupuni; akā, e hele mai ʻo ia i ka wā maluhia, a e loaʻa iā ia ke aupuni ma nā ʻōlelo malimali.

KA BUKE NO DANIʻELA 2:21

“Nāna nō i hoʻololi mai i nā wā a me nā kau; Nāna nō i kipaku aku i nā aliʻi, a hoʻokū hoʻi i luna i nā aliʻi; Hāʻawi mai nō hoʻi ʻo ia i ka naʻauao no ka poʻe naʻauao, A me ka ʻike no ka poʻe ʻike.

KA BUKE NO DANIʻELA 4:2

“He mea pono i koʻu manaʻo ke hoʻākāka aku i nā hōʻailona, a me nā hana mana a ke Akua Kiʻekiʻe i hana mai ai iaʻu.

KA BUKE NO DANIʻELA 4:25

e kipaku lākou iā ʻoe mai nā kānaka aku, a ʻo kou wahi e noho ai aia nō ia me nā holoholona o ke kula, a e ʻai iho ʻoe i ka weuweu e like me nā bipi kauō, a e hoʻopulu ʻia nō hoʻi ʻoe i ka hau o ka lani, a hala nā manawa ʻehiku ma luna ou, a ʻike ʻoe e aliʻi ana ka Mea Kiʻekiʻe ma luna o ke aupuni kanaka, a hāʻawi aku nō ʻo ia ia mea i kāna mea e manaʻo ai.

KA BUKE NO DANIʻELA 7:25

‘A e ʻōlelo ia i nā mea nui kūʻē i ka Mea Kiʻekiʻe, a e hoʻokaumaha aku ia i ka poʻe haipule o ka Mea Kiʻekiʻe Loa, a e manaʻo iho nō ia e hoʻokāhuli i nā manawa, a me nā kānāwai; a e hāʻawi ʻia ua mau mea i loko o kona lima, a hiki i ka manawa, a me kekahi manawa, a me ka mahele o ka manawa.

ʻO KA ʻEPISETOLE A PAULO KA LUNAʻŌLELO I KO ROMA 13:1

¶ E hoʻolohe nā kānaka a pau i kā ke aliʻi ma luna iho; no ka mea, ʻaʻole aliʻi, ke ʻae ʻole mai ke Akua; a ʻo ka poʻe e aliʻi ana, na ke Akua nō lākou i hoʻoaliʻi mai.

ʻO KA ʻEPISETOLE MUA A PAULO KA LUNAʻŌLELO I KO KORINETO 1:28

a me ke kuaʻāina hoʻi kā ke Akua i koho mai ai a me ka mea hoʻowahāwahā ʻia, a me nā mea i ʻike ʻole ʻia i ʻānai aku ʻo ia i nā mea i ʻike ʻia;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:21

Ke kauoha aku nei au i mua o ke alo o ke Akua a me ka Haku ʻo Iesū Kristo, a me nā ʻānela punahele, e mālama ʻoe ia mau mea me ka hoʻokela ʻole i kekahi ma mua o kekahi, a me ka hana ʻewaʻewa ʻole.

KA HŌʻIKE ʻANA A IOANE KA HAIPULE 4:8

A ʻo ua poʻe mea ola lā ʻehā, ua pāpāono lākou i nā ʻēheu; ua paʻapū i nā maka a puni a ma loko; ʻaʻole hoʻi lākou i hoʻomaha i ke ao a me ka pō, i ka ʻī ʻana mai, “«Hoʻāno, hoʻāno, hoʻāno, ka Haku ke Akua Mana Loa, Ka Mea ma mua, ka Mea e noho lā, ka Mea e mau loa ana».”

KA BUKE MUA A SAMUʻELA 2:8

“Ke hoʻokiʻekiʻe ʻo ia i ka poʻe ʻilihune mai ka lepo mai Ke kaʻikaʻi aʻela ia i ka poʻe nele mai kahi ʻino mai, E hoʻonoho iā lākou me nā aliʻi E hoʻoili nō lākou i ka noho aliʻi nani. No Iēhova nā kia o ka honua, Nāna i hoʻonoho ke ao nei ma luna o lākou.