KA BUKE NO DANIʻELA 4:11 - Ka Baibala Hemolele

¹¹ ‘Ulu aʻela ua lāʻau lā a nui; ʻO kona kiʻekiʻe ua hiki aku ia i ka lani, A ua ʻike hoʻi ia ma nā kihi a pau o ka honua.

KA BUKE NO DANIʻELA 4:11 Iomraidhean Croise

KA BUKE MUA A MOSE, I KAPA ʻIA KINOHI 11:4

ʻŌlelo aʻela lākou, “Inā kākou, e hana kākou i kūlanakauhale no kākou, a me ka hale pākuʻi e kiʻekiʻe aʻe kona wēlau i ka lani; a e hoʻokaulana i ko kākou inoa, o hoʻopuehu ʻia aku kākou ma luna o ka honua a pau.”

KA WĀNANA A ʻEZEKIʻELA 31:12

“A ʻo nā malihini, nā mea weliweli o nā lāhui kanaka, ua ʻoki aku lākou iā ia, a waiho aku iā ia ma nā mauna, a ua hāʻule kona mau lālā ma nā awāwa a pau, a ua hakihaki kona mau lālā ma nā muliwai o ka honua, a iho ihola nā lāhui kanaka a pau o ka honua mai kona malu iho, a ua haʻalele iā ia.

KA WĀNANA A ʻEZEKIʻELA 31:5

‘No laila i hoʻokiʻekiʻe ʻia ai kona kiʻekiʻe, ma luna o nā lāʻau a pau o ke kula, A ua hoʻonui ʻia kona mau lālā, a loloa aʻela kona mau lālā No ka nui o kona mau wai, i kona kupu ʻana aʻe.

KA ʻEUANELIO I KĀKAU ʻIA AI E MATAIO 11:23

“ʻO ʻoe hoʻi, e Kaperenauma, kai hoʻokiʻekiʻe ʻia aʻe i ka lani, e kiola ʻia ʻoe i lalo i ka pō; no ka mea, inā i hana ʻia ma Sodoma nā hana mana i hana ʻia aku ai i loko ou, inā ua koe ia a hiki i nēia manawa.

KA BUKE ʻALIMA A MOSE, I KAPA ʻIA KĀNĀWAI LUA 9:1

¶ “E hoʻolohe, e kā ʻIseraʻela! E hele ana ʻoe i kēia lā ma kēlā kapa o Ioredane, e komo a hoʻolilo nou i nā lāhui kanaka, he ʻoi aku ka nui a me ka ikaika o lākou i kou, a i nā kūlanakauhale nui, ua paʻa i ka pā pōhaku, a hala i ka lani.