KA BUKE NO DANIʻELA 3:25 - Ka Baibala Hemolele

²⁵ ʻŌlelo aku ʻo ia, ʻī akula, “Aia hoʻi, ke ʻike nei au i nā kānaka ʻehā, ʻaʻole i nakinaki ʻia, e hele ana i loko o ke ahi, ʻaʻole o lākou wela; a ʻo ka hā, ua like ia me he keiki a ke Akua.”

KA BUKE NO DANIʻELA 3:25 Iomraidhean Croise

KA BUKE NO IOBA 1:6

A i kekahi lā, i ka manawa i hele ai nā keiki a ke Akua e hōʻike aku iā lākou iho i mua o Iēhova, i hele mai hoʻi ʻo Sātana i waena o lākou.

KA BUKE NO IOBA 38:7

“I ka wā i mele pū ai nā hōkū ao, I hoʻōho ʻoliʻoli aʻe hoʻi nā keiki a pau a ke Akua?

KA BUKE NO IOBA 5:19

“I loko o nā pilikia ʻeono e hoʻopakele mai ʻo ia iā ʻoe; A i loko o ka hiku hoʻi, ʻaʻole e hoʻopā mai ka ʻino iā ʻoe.

KA BUKE O NĀ HALELŪ 34:7

Hoʻomoana mai ka ʻānela o Iēhova a puni ka poʻe weliweli iā ia, A ua hoʻopakele hoʻi iā lākou.

NĀ ʻŌLELO AKAMAI A SOLOMONA 30:4

ʻO wai ka mea i piʻi aʻe i ka lani, a i iho mai hoʻi? ʻO wai ka mea i hoʻoʻiliʻili i ka makani ma kona lima? ʻO wai ka mea i hoʻopaʻa i nā wai ma kona ʻaʻahu? ʻO wai ka mea i hoʻonoho i nā welelau a pau o ka honua? ʻO wai hoʻi kona inoa, ʻo wai ka inoa o kāna keiki? E hōʻike mai paha ʻoe.

KA WĀNANA A ʻISAIA 43:2

“Iā ʻoe e hele ma waena o nā wai, ʻo wau pū nō me ʻoe; A ma loko hoʻi o nā muliwai, ʻaʻole ʻoe e hālana ʻia iā lākou; Iā ʻoe e hele aʻe ma loko o ke ahi, ʻaʻole ʻoe e wela; ʻAʻole hoʻi e ʻai aku ka lapalapa ahi iā ʻoe.

KA WĀNANA A IEREMIA 1:19

“A e kaua mai nō lākou iā ʻoe, ʻaʻole naʻe lākou e lanakila ma luna ou; no ka mea, ʻo wau pū nō me ʻoe, e hoʻopakele iā ʻoe,” wahi a Iēhova.

KA WĀNANA A IEREMIA 1:8

“Mai makaʻu i ko lākou maka; No ka mea, ʻo wau pū nō me ʻoe, e hoʻopakele iā ʻoe,” wahi a Iēhova.

KA WĀNANA A IEREMIA 15:21

“A e hoʻopakele aku au iā ʻoe, mai ka lima aku o ka poʻe hewa, A e hoʻōla pānaʻi aku au iā ʻoe, mai loko aku o ka lima o ka poʻe hoʻoweliweli.”

KA BUKE NO DANIʻELA 3:18

A i ʻole hoʻi ia, e ʻike auaneʻi ʻoe, e ke aliʻi, ʻaʻole mākou e mālama i kou mau akua, ʻaʻole hoʻi mākou e hoʻomana aku i ke kiʻi gula āu i kūkulu ai.

KA BUKE NO DANIʻELA 3:24

¶ A laila, pīhoihoi ihola ʻo Nebukaneza ke aliʻi, a kū koke ʻo ia i luna, ʻōlelo akula ia i kona poʻe kuhina, ʻī akula, “ʻAʻole anei kākou i hoʻolei aku i ʻekolu kānaka i nakinaki ʻia i loko o ke ahi?” ʻĪ mai lākou iā ia, “E ke aliʻi ē, he ʻoiaʻiʻo nō ia.”

KA BUKE NO DANIʻELA 3:28

¶ A laila, ʻōlelo aku ʻo Nebukaneza, ʻī akula, “E hoʻomaikaʻi ʻia ke Akua o Saderaka, a me Mesaka, a me ʻAbedenego, ka mea i hoʻouna mai i kona ʻānela, a i hoʻopakele mai i kona poʻe kauā, ka poʻe i manaʻoʻiʻo aku iā ia; ua hoʻolohe ʻole lākou i ka ʻōlelo a ke aliʻi, a ua hāʻawi lākou i ko lākou mau kino, i ʻole lākou e mālama, a e hoʻomana i nā akua ʻē; akā, i ko lākou Akua wale nō.

KA BUKE NO DANIʻELA 6:23

A laila, hauʻoli nui ke aliʻi no Daniʻela, a kēnā akula e huki iā ia mai loko mai o ka lua. A ua huki ʻia ʻo Daniʻela mai loko mai o ka lua, ʻaʻole wahi ʻeha i loaʻa iā ia; no ka mea, ua paulele aku nō ia i kona Akua.

KA ʻEUANELIO I KĀKAU ʻIA AI E MAREKO 16:18

“E kaʻikaʻi nō lākou i nā nahesa; a inā inu lākou i ka mea make, ʻaʻole lākou e pōʻino ia mea; a e kau nō lākou i ko lākou lima ma luna o ka poʻe maʻi, a e ola lākou.”

KA ʻEUANELIO I KĀKAU ʻIA AI E LUKA 1:35

ʻŌlelo maila ka ʻānela, ʻī maila iā ia, “E kau mai nō ka ʻUhane Hemolele ma luna iho ou; a e hoʻomalu mai ka mana o ka Mea Kiʻekiʻe Loa iā ʻoe, no ia mea lā hoʻi, e kapa ʻia ka Mea Hemolele āu e hānau ai, ʻo ke Keiki a ke Akua.

NĀ ʻOIHANA A KA POʻE LUNAʻŌLELO 28:5

No laila lūlū akula ia i ua mea niho ʻawa lā i loko o ke ahi, ʻaʻole hoʻi i loaʻa iā ia ka pōʻino.

ʻO KA ʻEPISETOLE A PAULO KA LUNAʻŌLELO I KO ROMA 1:4

a i hoʻomaopopo ʻia hoʻi ʻo ke Keiki a ke Akua me ka mana, ma ka ʻUhane hoʻāno, ma hope o ke ala hou ʻana mai waena mai o ka poʻe make;

ʻO KA ʻEPISETOLE HOʻOLAHA MUA A PETERO 3:13

¶ ʻO wai lā hoʻi ka mea hana ʻino aku iā ʻoukou, ke hahai ʻoukou ma muli o ka mea pono?