KA BUKE NO DANIʻELA 3:22 - Ka Baibala Hemolele

²² A no ka ikaika o kā ke aliʻi kauoha a me ke okoko loa o ka ʻenaʻena ʻana o ka umu ahi; no laila, ua make i ke apo ʻia e ke okoko ʻana o ke ahi ka poʻe kānaka nāna i hāpai ʻo Saderaka, a me Mesaka, a me ʻAbedenego.

KA BUKE NO DANIʻELA 3:22 Iomraidhean Croise

KA BUKE MUA NO NĀ ALIʻI 13:28

Holo akula ia a loaʻa iā ia kona kupapaʻu i hoʻolei ʻia ma ke alanui, e kū ana nō ka hoki a me ka liona kokoke i ke kupapaʻu; ʻaʻole i ʻai ka liona i ke kupapaʻu, ʻaʻole hoʻi i uhae aku i ka hoki.

KA BUKE ʻALUA A MOSE, I KAPA ʻIA PUKA ʻANA 12:33

Ikaika ihola ka manaʻo o ko ʻAigupita, e kipaku koke iā lākou mai ka ʻāina aku; no ka mea, “Ua pau mākou i ka make,” wahi a lākou.

NĀ ʻŌLELO AKAMAI A SOLOMONA 11:8

Lawe ʻia aku ka mea pono mai ka pōpilikia aku, A hiki mai ka mea hewa ma kona hakahaka.

NĀ ʻŌLELO AKAMAI A SOLOMONA 21:18

Pani ka mea hewa i ka hakahaka no ka mea pono; Pēlā ka mea lawehala no ka mea pololei.

KA BUKE NO DANIʻELA 1:7

Kapa aʻela ka luna o ka poʻe i poʻa ʻia i mau inoa hou no lākou; kapa aʻela ʻo ia i ko Daniʻela ʻo Beletesaza; i ko Hanania ʻo Saderaka; i ko Misaʻela ʻo Mesaka; a me ko ʻAzaria ʻo ʻAbedenego.

KA BUKE NO DANIʻELA 2:15

ʻĪ akula ʻo ia iā ʻArioka i ka luna o ke aliʻi, ʻī aku, “No ke aha lā ka holo wawe ʻana o ka ʻōlelo a ke aliʻi?” A laila hoʻākāka maila ʻo ʻArioka iā Daniʻela i ua mea lā.

KA BUKE NO DANIʻELA 6:24

A kēnā akula ke aliʻi e alakaʻi mai i ka poʻe nāna i niʻaniʻa wale aku iā Daniʻela, a e hoʻolei iā lākou i loko o ka lua liona, ʻo lākou a me kā lākou mau keiki, a me kā lākou mau wāhine; a lanakila nā liona ma luna o lākou, a ua hakihaki liʻiliʻi loa ʻia ko lākou mau iwi ma mua o ko lākou hiki ʻana i lalo o ka lua.

KA ʻEUANELIO I KĀKAU ʻIA AI E MATAIO 27:5

Hoʻolei ihola ia i nā moni i lalo, ma loko o ka luakini, haʻalele akula a hele, a kāʻawe ihola iā ia iho.

NĀ ʻOIHANA A KA POʻE LUNAʻŌLELO 12:19

ʻImi ihola ʻo Herode iā ia, ʻaʻole naʻe i loaʻa, a laila hoʻokolokolo akula ia i nā kiaʻi, kēnā aʻela, e make lākou. A hele akula ia mai Iudea aku a Kaisareia, a noho ihola i laila.