KA BUKE NO DANIʻELA 3:17 - Ka Baibala Hemolele

¹⁷ “Inā pēlā, ʻo ko mākou Akua ka mea a mākou e mālama nei, e hiki nō iā ia ke hoʻopakele iā mākou mai ka umu ahi e ʻaʻā ana, a e hoʻopakele nō hoʻi iā mākou mai kou lima aku, e ke aliʻi.”

KA BUKE NO DANIʻELA 3:17 Iomraidhean Croise

KA BUKE MUA A MOSE, I KAPA ʻIA KINOHI 17:1

¶ I ke kanaiwakumamāiwa o nā makahiki o ʻAberama, ʻikea maila ʻo Iēhova e ʻAberama, ʻī maila iā ia, “ʻO wau nō ke Akua Mana; E hele ʻoe i mua o koʻu alo, a e hemolele ʻoe.

KA BUKE MUA A MOSE, I KAPA ʻIA KINOHI 18:14

“E hākālia anei kekahi mea iā Iēhova? I ka wā i ʻōlelo ʻia ai e hoʻi hou mai ana au i ou lā, i kēia manawa o kēlā makahiki, a e loaʻa iā Sara he keiki kāne.”

KA BUKE NO IOBA 34:29

“A hāʻawi mai ia i ka maha, ʻo wai hoʻi ke hoʻopilikia mai? A hūnā ʻo ia i kona maka, ʻo wai ke ʻike aku iā ia? Pēlā nō ka lāhui kanaka a me ke kanaka hoʻokahi.

KA BUKE NO IOBA 5:19

“I loko o nā pilikia ʻeono e hoʻopakele mai ʻo ia iā ʻoe; A i loko o ka hiku hoʻi, ʻaʻole e hoʻopā mai ka ʻino iā ʻoe.

KA BUKE O NĀ HALELŪ 115:3

Aia nō i ka lani ko mākou Akua; Ua hana nō ʻo ia i nā mea a pau āna i makemake ai.

KA BUKE O NĀ HALELŪ 37:39

Akā, no Iēhova mai ke ola o ka poʻe pono; ʻO ia ko lākou ikaika i ka wā pōpilikia.

KA BUKE O NĀ HALELŪ 37:40

A e kōkua mai ʻo Iēhova iā lākou, a e hoʻākea mai iā lākou, E hoʻopakele ʻo ia iā lākou i ka poʻe hewa, A e hoʻōla iā lākou, no ko lākou hilinaʻi ʻana iā ia.

KA BUKE O NĀ HALELŪ 73:20

Me he moe lā i ke ala ʻana aʻe o kekahi; Pēlā, e ka Haku, i kou ala ʻana, e hoʻowahāwahā ai ʻoe i ko lākou ʻano.

KA WĀNANA A ʻISAIA 12:2

“Aia hoʻi, ʻo ke Akua koʻu ola, E hoʻolana wau, ʻaʻole au e makaʻu; ‘No ka mea, ʻo ka Haku, ʻo IĒHOVA koʻu ikaika a me kuʻu ʻoli, Ua lilo mai ia i ola noʻu.’”

KA WĀNANA A ʻISAIA 54:14

“Ma ka pono nō ʻoe e hoʻokumu ʻia ai; E mamao aku ʻoe i ka hoʻokaumaha, No ka mea, ʻaʻole ʻoe e makaʻu ana; A i ka weliweli hoʻi; no ka mea, ʻaʻole ia e hoʻokokoke mai iā ʻoe.

KA WĀNANA A IEREMIA 1:8

“Mai makaʻu i ko lākou maka; No ka mea, ʻo wau pū nō me ʻoe, e hoʻopakele iā ʻoe,” wahi a Iēhova.

KA WĀNANA A IEREMIA 15:20

“A e hoʻolilo wau iā ʻoe i pā keleawe paʻa loa no kēia poʻe kānaka; A e kaua mai nō lākou iā ʻoe; Akā, ʻaʻole lākou e lanakila mai ma luna ou; No ka mea, ʻo wau pū nō me ʻoe, e hoʻōla iā ʻoe, A e hoʻopakele iā ʻoe,” wahi a Iēhova.

KA WĀNANA A IEREMIA 15:21

“A e hoʻopakele aku au iā ʻoe, mai ka lima aku o ka poʻe hewa, A e hoʻōla pānaʻi aku au iā ʻoe, mai loko aku o ka lima o ka poʻe hoʻoweliweli.”

KA BUKE NO DANIʻELA 3:26

A laila, hoʻokokoke akula ʻo Nebukaneza ma ka puka o ka umu ahi e ʻaʻā ana, a ʻōlelo aku, ʻī akula, “E Saderaka, a me Mesaka, a me ʻAbedenego, e nā kauā a ke Akua Kiʻekiʻe Loa, e puka mai ʻoukou, a e hele mai iaʻu”; a laila puka mai ʻo Saderaka, a me Mesaka, a me ʻAbedenego, mai loko mai o ke ahi.

KA BUKE NO DANIʻELA 4:35

“A ua manaʻo ʻia ko ka honua a pau he mea ʻole; Ua hana nō hoʻi ʻo ia e like me kona makemake ma waena o nā pūʻali o ka lani, A me ko ka honua; ʻAʻole e hiki i kekahi ke hoʻopaʻa aku i kona lima, ʻAʻole hoʻi e ʻōlelo aku iā ia, ‘He aha kāu e hana nei?’

KA BUKE NO DANIʻELA 6:16

¶ A kauoha aʻela ke aliʻi, a ua lawe ʻia mai ʻo Daniʻela, a hoʻolei ʻia ihola ʻo ia i loko o ka lua liona. ʻŌlelo maila ke aliʻi iā Daniʻela, ʻī maila, “ʻO kou Akua, ka Mea āu i hoʻomana mau ai, e hoʻopakele nō ʻo ia iā ʻoe.”

KA BUKE NO DANIʻELA 6:23

A laila, hauʻoli nui ke aliʻi no Daniʻela, a kēnā akula e huki iā ia mai loko mai o ka lua. A ua huki ʻia ʻo Daniʻela mai loko mai o ka lua, ʻaʻole wahi ʻeha i loaʻa iā ia; no ka mea, ua paulele aku nō ia i kona Akua.

KA BUKE NO DANIʻELA 6:27

“Ke hoʻopakele mai nei ʻo ia, a hoʻōla mai nō hoʻi, ke hana mai nei ʻo ia i nā hana mana, a me nā mea kupaianaha Ma ka lani a ma ka honua, ʻO ia kai hoʻopakele mai iā Daniʻela mai ka ikaika o nā liona mai.”

MIKA 7:7

¶ A e nānā aku au iā Iēhova; E kali aku au i ke Akua o kuʻu ola; E hoʻolohe mai koʻu Akua iaʻu.

KA ʻEUANELIO I KĀKAU ʻIA AI E LUKA 1:37

“No ka mea, ʻaʻohe mea hiki ʻole i ke Akua.”

NĀ ʻOIHANA A KA POʻE LUNAʻŌLELO 20:24

“ʻAʻole hoʻi au e manaʻo i kēia mau mea, ʻaʻole nō hoʻi e manaʻo wau he mea makemake noʻu kuʻu ola nei, i hoʻopau wau i koʻu hele ʻana me ka ʻoliʻoli, a me ka ʻoihana i loaʻa mai iaʻu na ka Haku mai, na Iesū; i hōʻike aku nō hoʻi au i ka ʻeuanelio o ka lokomaikaʻi o ke Akua.

NĀ ʻOIHANA A KA POʻE LUNAʻŌLELO 21:13

ʻĪ maila ʻo Paulo, “He aha kā ʻoukou e hana ai pēlā, me ka uē mai; a nahae koʻu naʻau? No ka mea, ua mākaukau nō wau, ʻaʻole e nakinaki wale nō; akā, e make nō hoʻi kekahi ma Ierusalema, no ka inoa o ka Haku ʻo Iesū.”

ʻO KA ʻEPISETOLE A PAULO KA LUNAʻŌLELO I KO ROMA 8:31

¶ He aha hoʻi kā kākou e ʻōlelo ai no kēia mau mea? A ʻo ke Akua me kākou, ʻo wai lā ke kūʻē mai iā kākou?

ʻO KA ʻEPISETOLE LUA A PAULO KA LUNAʻŌLELO I KO KORINETO 1:10

ʻo ia kai hoʻopakele aʻe iā mākou i ka make ʻino loa; a ke hoʻopakele nei nō ia; a ke manaʻo nei mākou iā ia, e hoʻopakele hou ana ʻo ia.

ʻO KA ʻEPISETOLE A PAULO KA LUNAʻŌLELO I KO HEBERA 7:25

No ia mea, e hiki mau ai iā ia ke hoʻōla i ka poʻe i hele mai i ke Akua ma ona lā, no kona ola mau loa ʻana e ʻuao ana no lākou.

KA BUKE MUA A SAMUʻELA 17:37

ʻĪ akula hoʻi ʻo Dāvida, “ʻO Iēhova, ka mea nāna au i hoʻopakele mai ka wāwae aku o ka liona, a mai ka wāwae aku o ka bea, nāna nō au e hoʻopakele mai ka lima aku o kēia kanaka Pilisetia.” ʻĪ maila ʻo Saula iā Dāvida, “Ō hele, ʻo Iēhova pū kekahi me ʻoe!”

KA BUKE MUA A SAMUʻELA 17:46

“I kēia lā, e hāʻawi mai ʻo Iēhova iā ʻoe i loko o kuʻu lima, a e pepehi aku au iā ʻoe, a e lawe aku au i kou poʻo mai ou aku lā; a e hāʻawi aku au i kēia lā i nā kupapaʻu o ko Pilisetia poʻe kaua na nā manu o ka lewa, a na nā holoholona o ka honua; i ʻike ai ko ka honua a pau, he Akua nō i loko o kā ʻIseraʻela.