KA BUKE NO DANIʻELA 3:12 - Ka Baibala Hemolele

¹² “Aia hoʻi kekahi mau kānaka no ka poʻe Iudaio, nā mea āu i hoʻonoho ai ma luna o nā mea ma ka ʻāina ʻo Babulona, ʻo Saderaka, ʻo Mesaka, a ʻo ʻAbedenego; ʻo kēia mau kānaka, ʻeā, ʻaʻole lākou e hoʻolohe i kāu, e ke aliʻi ē; ʻaʻole lākou mālama i kou mau akua, ʻaʻole nō hoʻi lākou i hoʻomana aku i ke kiʻi gula āu i kūkulu ai.”

KA BUKE NO DANIʻELA 3:12 Iomraidhean Croise

KA BUKE NO ʻESETERA 3:8

ʻĪ akula ʻo Hamana i ke aliʻi, iā ʻAhasuero, “He lāhui kanaka i puehu ʻia a heleleʻi i waena o nā kānaka, ma nā ʻāina a pau o kou aupuni; ʻokoʻa ʻo ko lākou kānāwai i ko nā kānaka ʻē a pau, ʻaʻole hoʻi lākou i mālama i nā kānāwai o ke aliʻi. ʻAʻole he mea pono no ke aliʻi ke hoʻomalu iā lākou.

NĀ ʻŌLELO AKAMAI A SOLOMONA 27:4

He aloha ʻole ka inaina, he mea make ka huhū, ʻO wai lā hoʻi e hiki ke kū i mua o ka huāhuā?

KE KAHUNA 4:4

¶ Ua ʻike au i nā mea luhi a pau, a me nā hana pololei a pau, aia hoʻi, no ia mau mea, ua huāhuā ʻia mai ke kanaka e kona hoalauna. He mea lapuwale kēia a me ka luhi hewa.

KA BUKE NO DANIʻELA 1:7

Kapa aʻela ka luna o ka poʻe i poʻa ʻia i mau inoa hou no lākou; kapa aʻela ʻo ia i ko Daniʻela ʻo Beletesaza; i ko Hanania ʻo Saderaka; i ko Misaʻela ʻo Mesaka; a me ko ʻAzaria ʻo ʻAbedenego.

KA BUKE NO DANIʻELA 2:48

A laila, hoʻolilo aʻela ke aliʻi iā Daniʻela i kanaka nui, hāʻawi hoʻi iā ia i nā makana he nui wale, a hoʻolilo iā ia i kiaʻāina o nā ʻāina a pau ma Babulona, a i luna hoʻi ma luna o ka poʻe naʻauao a pau o Babulona.

KA BUKE NO DANIʻELA 2:49

A noi akula ʻo Daniʻela i ke aliʻi, a hoʻonoho ihola ʻo ia iā Saderaka, a me Mesaka, a me ʻAbedenego, ma luna o ka ʻoihana e pili ana i ka ʻāina ʻo Babulona; akā, ʻo Daniʻela ua noho ia ma ka ʻīpuka o ke aliʻi.

KA BUKE NO DANIʻELA 3:11

“A ʻo ka mea i moe ʻole i lalo, a hoʻomana ʻole, e hoʻolei ʻia aku ʻo ia i loko o ka umu ahi e ʻaʻā ana.

KA BUKE NO DANIʻELA 3:16

ʻŌlelo maila ʻo Saderaka, ʻo Mesaka, a me ʻAbedenego, ʻī maila i ke aliʻi, “E Nebukaneza, ʻaʻole o mākou mea e pane aku ai i kāu ma kēia mea.

KA BUKE NO DANIʻELA 3:29

“No ia mea, ke kau aku nei au i kānāwai paʻa, ʻo nā kānaka a pau, a me nā lāhui kanaka, a me nā ʻōlelo, ke hōʻino wale aku i ke Akua o Saderaka, a me Mesaka, a me ʻAbedenego, e ʻokiʻoki liʻiliʻi iā lākou, a e hoʻolilo ʻia ko lākou mau hale i hoʻoleina moka; no ka mea, ʻaʻohe akua ʻē aʻe e hiki ai ke hoʻopakele e like me kēia.”

KA BUKE NO DANIʻELA 3:30

No ia mea, hoʻokiʻekiʻe ihola ke aliʻi iā Saderaka, a me Mesaka, a me ʻAbedenego, ma ka ʻāina ʻo Babulona.

KA BUKE NO DANIʻELA 6:13

ʻŌlelo aku lākou i mua o ke aliʻi, ʻī akula, “ʻO Daniʻela, ka mea no ko Iuda poʻe pio, ʻaʻole ia i manaʻo iā ʻoe, e ke aliʻi, ʻaʻole hoʻi i ke kānāwai āu i kau iho ai i kou inoa; akā, ua noi aku ʻo ia ʻekolu pule ʻana i ka lā hoʻokahi.”

KA BUKE NO DANIʻELA 6:14

A lohe ke aliʻi i kēia ʻōlelo, huhū loa ʻo ia iā ia iho, a kau ihola i kona manaʻo ma luna o Daniʻela e hoʻopakele iā ia; a ʻimi nui ihola ia a napoʻo ka lā i mea e hoʻopakele iā ia.

NĀ ʻOIHANA A KA POʻE LUNAʻŌLELO 17:7

na Iasona i hoʻokipa iā lākou. Ua hana lākou a pau ma ke kūʻē i ke kānāwai o Kaisara; no ka mea, ke ʻōlelo mai nei lākou, he aliʻi ʻē ʻo Iesū.”

NĀ ʻOIHANA A KA POʻE LUNAʻŌLELO 5:28

ʻĪ akula, “ʻAʻole anei mākou i pāpā aku iā ʻoukou, mai aʻo aku ma kēia inoa? Aia hoʻi, ua hoʻopiha ʻoukou iā Ierusalema nei i ko ʻoukou manaʻo, a ke makemake nei ʻoukou e hoʻoili mai i ke koko o kēia kanaka ma luna o mākou.”