KA BUKE NO DANIʻELA 3:10 - Ka Baibala Hemolele

¹⁰ “Ua kau mai ʻoe, e ke aliʻi, i kānāwai penei, aia lohe nā kānaka a pau i ka leo o ka pū, a me ka ʻohe, ka lira, a me ka hōkiokio, a me ka viola ʻumi a me ka dukima, a me nā mea kani a pau, e moe kukuli iho lākou a hoʻomana aku i ua kiʻi gula lā.

KA BUKE NO DANIʻELA 3:10 Iomraidhean Croise

KA BUKE MUA O KA ʻOIHANA ALIʻI 15:16

¶ ʻŌlelo maila ʻo Dāvida i nā luna o nā Levi, e hoʻonoho i ko lākou poʻe hoahānau, i poʻe hoʻoleʻa, me nā mea kani, nā pesaleteria, nā lira, nā kimebala, e hoʻokani ana me ka hoʻokiʻekiʻe ʻana i ka leo me ka ʻoliʻoli.

KA BUKE MUA O KA ʻOIHANA ALIʻI 15:28

Pēlā kā ʻIseraʻela a pau i lawe mai ai i ka pahu berita o Iēhova me ka hoʻōho ʻana, a me ke kani ʻana o ke koreneta, a ʻo nā pū, a me nā kimebala, e hoʻokani ana hoʻi i nā pesaleteria a me nā lira.

KA BUKE ʻALUA O KA ʻOIHANA ALIʻI 29:25

¶ A hoʻonoho ihola ʻo ia i nā Levi i loko o ka hale o Iēhova me nā kimebala, a me nā pesaletera, a me nā mea kani, e like me ke kauoha a Dāvida, a me Gada ke kumu a ke aliʻi, a me Natana ke kāula; no ka mea, pēlā ke kauoha a Iēhova ma nā kāula.

KA BUKE O NĀ HALELŪ 94:20

E kūkākūkā pū anei ka noho aliʻi o ka hewa me ʻoe? Ka mea hoʻi i hana i ke kolohe ma ke kānāwai?

KA BUKE ʻALUA A MOSE, I KAPA ʻIA PUKA ʻANA 1:16

ʻī maila, “A i pale keiki ʻolua i nā wāhine Hebera, a nānā ʻolua i loko o nā pā holoi; inā he keiki kāne ia, a laila e pepehi ʻolua iā ia; akā, inā he kaikamahine, e ola nō ia.”

KA BUKE ʻALUA A MOSE, I KAPA ʻIA PUKA ʻANA 1:22

kauoha aʻela ʻo Paraʻo i kona poʻe kānaka a pau, ʻī akula, “ʻO nā keiki kāne a pau ke hānau mai, e kiola aku iā lākou i ka muliwai; akā, ʻo nā kaikamāhine a pau, kā ʻoukou ia e hoʻōla ai.”

KE KAHUNA 3:16

A ʻike akula au ma lalo iho o ka lā i kahi e ʻahaʻōlelo ai, a ma laila nō ka hewa; a i kahi o ka pono, a ma laila hoʻi ka hana ʻino.

KA WĀNANA A ʻISAIA 10:1

¶ Auē ka poʻe kau i nā kānāwai hewa, A me ka poʻe kākau ʻōlelo, i kākau i nā mea kekeʻe;

KA BUKE NO DANIʻELA 3:11

“A ʻo ka mea i moe ʻole i lalo, a hoʻomana ʻole, e hoʻolei ʻia aku ʻo ia i loko o ka umu ahi e ʻaʻā ana.

KA BUKE NO DANIʻELA 3:15

“Inā hoʻi e noho mākaukau ʻoukou, i ka wā a ʻoukou e lohe ai i ka leo o ka pū, a me ka ʻohe, a me ka lira, a me ka hōkiokio, a me ka dukima, a me ka viola ʻumi, a me nā mea kani a pau, a e moe iho ʻoukou e hoʻomana aku i ke kiʻi gula aʻu i kūkulu ai, ua pono; akā, i ʻole ʻoukou e hoʻomana aku, ia hora nō, e hoʻolei ʻia ai ʻoukou i loko o ka umu ahi e ʻaʻā ana. A ʻo wai lā ke Akua nāna ʻoukou e hoʻopakele mai kuʻu lima aku?”

KA BUKE NO DANIʻELA 6:12

A laila hoʻokokoke akula lākou, a ʻōlelo aku i mua o ke aliʻi, no ko ke aliʻi kānāwai; “ʻAʻole anei ʻoe i kau i kou inoa ma ke kānāwai, ʻo ka mea i noi aku i kekahi akua, a i kekahi kanaka ʻē paha, ʻaʻole iā ʻoe, e ke aliʻi, a hala nā lā he kanakolu, e hoʻolei ʻia aku ʻo ia i loko o ka lua liona?” Haʻi maila ke aliʻi, ʻī mai, “He ʻoiaʻiʻo nō ia, ma ko ke kānāwai o ko Media, a me ko Peresia poʻe, ka mea i luli ʻole.”

ʻAMOSA 6:5

Ka poʻe mele ma muli o ka viola, A hana lākou no lākou iho i nā mea kani e like me Dāvida;

KA ʻEUANELIO I KĀKAU ʻIA AI E IOANE 11:57

Ua kauoha aku nā kāhuna nui a me nā Parisaio, inā i ʻike kekahi i kona wahi e noho ai, e haʻi mai ia, i hopu aku lākou iā ia.