KA BUKE NO DANIʻELA 2:5 - Ka Baibala Hemolele

⁵ ʻŌlelo akula ke aliʻi i ka poʻe Kaledea, ʻī akula, “Ua paʻa kuʻu ʻōlelo, inā ʻaʻole ʻoukou e haʻi mai i ka moe a me kona ʻano, e ʻokiʻoki liʻiliʻi iā ʻoukou, a ʻo ko ʻoukou mau hale e lilo ʻia i hoʻoleina moka.

KA BUKE NO DANIʻELA 2:5 Iomraidhean Croise

KA BUKE ʻALUA NO NĀ ALIʻI 10:27

A wāwahi lākou i ke kiʻi o Baʻala, a wāwahi hoʻi i ka hale o Baʻala, a hoʻolilo lākou ia mea i hale kiʻona a hiki i kēia lā.

KA BUKE A ʻEZERA 6:11

“A ke kauoha aku nei nō hoʻi au, ʻo kēlā kanaka kēia kanaka e hoʻololi i kēia ʻōlelo, e lawe ʻia ka lāʻau mai kona hale mai, a kūkulu ʻia, e kāʻawe ʻia ʻo ia ma luna o ia mea, a e hoʻolilo ʻia kona hale i puʻu lepo no kēia mea.

KA BUKE O NĀ HALELŪ 50:22

¶ “E hoʻomanaʻo ʻoukou i kēia, ʻānō, e ka poʻe hoʻopoina i ke Akua, O haehae aku au, ʻaʻole hoʻi he mea e ola ai.

KA BUKE O NĀ HALELŪ 58:7

E heheʻe lākou, me he mau wai lā e kahe mau ana, Aia lena ʻo ia no kāna mau pua, E lilo lākou me he mau mea lā i ʻokiʻoki ʻia.

KA BUKE NO DANIʻELA 2:12

No kēia mea, huhū ihola ke aliʻi a ukiuki loa, a kauoha akula ʻo ia e luku aku i ka poʻe naʻauao a pau ma Babulona.

KA BUKE NO DANIʻELA 3:29

“No ia mea, ke kau aku nei au i kānāwai paʻa, ʻo nā kānaka a pau, a me nā lāhui kanaka, a me nā ʻōlelo, ke hōʻino wale aku i ke Akua o Saderaka, a me Mesaka, a me ʻAbedenego, e ʻokiʻoki liʻiliʻi iā lākou, a e hoʻolilo ʻia ko lākou mau hale i hoʻoleina moka; no ka mea, ʻaʻohe akua ʻē aʻe e hiki ai ke hoʻopakele e like me kēia.”

KA BUKE NO DANIʻELA 4:9

‘E Beletesaza, e ka luna o nā māgoi; no ka mea, ua ʻike au aia i loko ou ka ʻuhane o nā akua hemolele, ʻaʻole ou wahi hemahema ma ka mea i ʻike ʻole ʻia, e haʻi mai ʻoe i ka moe aʻu i ʻike ai a me kona ʻano.

KA BUKE ʻALIMA A MOSE, I KAPA ʻIA KĀNĀWAI LUA 13:16

“A e hōʻiliʻili ʻoe i ko laila waiwai pio a pau i waenakonu o kona alanui, a e puhi aku i ke kūlanakauhale i ke ahi, a me kona waiwai pio a pau loa, no Iēhova kou Akua; a e lilo ia i puʻu mau loa, ʻaʻole e kūkulu hou ʻia.

KA BUKE A IOSUA 6:26

¶ Ia manawa kauoha nō ʻo Iosua iā lākou, me ka hoʻohiki a me ka ʻī ʻana aku, “E pōʻino auaneʻi i mua o Iēhova, ke kanaka nāna e kū aʻe a kūkulu hou i kēia kūlanakauhale iā Ieriko. Me kāna hiapo ia e hoʻokumu ai, a me kāna muli loa e hoʻopaʻa ai ia i nā puka ona.”

KA BUKE MUA A SAMUʻELA 15:33

ʻĪ akula ʻo Samuʻela, “E like me kāu pahi kaua i hoʻonele ai i nā wāhine i keiki ʻole, pēlā hoʻi e hoʻonele ʻia ai kou makuahine i ke keiki ʻole i waena o nā wāhine.” ʻOki liʻiliʻi ihola ʻo Samuʻela iā ʻAgaga i mua o Iēhova ma Gilegala.